Mateo 27:5 - La'aqtaqa Ñim Lo'onatac 'Enauacna 2013

⁵ Nache so Judas ỹasaxaigui aso no'onaxanaxaqui late'erai aso anompi. Ime, nache jec, nache maiche icoñerot na lqosot da nalaala't.

Nuevo Testamento Toba Sur

⁵ Nachi so Judas ÿasaxaigui aso n'onaxanaxaqui aso anompi. Ime, nachi jec, nachi maichi icoñidot na lqosot.

Nuevo Testamento Toba Sombrero Negro

⁵ Chane'eja Judas yajaĝadoue ga'me tamenaĝaiqui gaa'me laicaual, yem qama'le ec nataq'aen necoñedela't da'me nalatela't.

Mateo 27:5 Referans Kwoze

2 Samuel 17:23

Qaq so Ajitofel co'ollaq ila'a, da so Absalón saishet da ỹo'ot da la'aqtac somaye. Nache lapaxalec so lauala' so lalo 'ashena nache jec, taỹa so lma' maye lañoqo' co'ollaxa. Qaq co'ollaq ime da naỹamaxate' so lalamaxat lauo' le'ecpi, nache icoñerot na lqosot da maiche nalaala't. Qaq 'era da 'eetec da l-leuaxa somaye, nache qailaroigui aso nhuachiqui so lta'a.

Lucas 1:21

Qaq 'enauac so shiỹaxauapi maye pa'atauec, iuattaique so Zacarías, somayepi nnattega't da chaq ta'ainec da ỹataqta qaỹaloqteguet so Zacarías da nnoxonec.

Lucas 1:9

So ntaxaỹaxanaxanecpi da lataxac naxa qaỹauo'o ca alletaxac da yaqto' qaỹaỹaten ca taalec da pa'aigui na lauel aso no'onaxanaxaqui late'erai da ỹavigaxat ca nchenaxanaxat maye ama na laita da ỹachalec aso nca'atoxonaxalate. Qaq se'eso na'a'q taalec so Zacarías da pa'auo da ỹavigaxat se'eso nchenaxanaxat,

Salmos 55:23

Qaq 'Am Ñatamnaxala', na laataxanaxaicpi qataq tenataxanaxaicpi, saishet da nache 'eetai' 'anqa'en da nca'altauec, saishet da ivira'a 'anqa'en ca laiñi da nachaalataxac, namayepi tangui 'anqa'en na pa'aguiñi aca nhuachiqui. Aỹem qalaxaye ỹataqta 'am sepi'iỹa'a.

Da na'aqtaguec so Job 7:15

Qaq ỹoqo'oye 'onaxaictaxa da qaivigoqot na ỹoqosot, nache saishet da queta da nca'altauec de'era ñachaalataxac.

Da na'aqtaguec so Job 2:9

Nache aso lhua somaye 'enapego', 'eeta': «¿Qalaq ñaq qoqueto'oto' da 'anshetaique da no'on da 'arataxac? ¡Ta'ainco' ye sa 'aularapiguiño' Ñim Lo'onatac 'Enauacna, yaqto' 'aleu!»

1 Reyes 16:18

Nache so Zimri co'ollaq ila'a da mashe noxonec som huaqta'a't nỹecpi, nache somaye taigui so nma' lta'araic, nache ỹavigaxat, qaq so Zimri nache pa'ataigui co'ollaxa somaye. Qaq 'era da 'eetec co'ollaq ileu somaye,

Jueces 9:54

Nache so Abimelec sa ỹaỹaloxon da iỹaxana so lo'ogoxonaxat lo'o, nache 'enapega 'eeta': «'anqatsheguem na 'ainec, nache aỹem 'aualauat, cha'aye sa saỹamaxaren da aỹem qaỹa'axatec da aỹem ỹalauat aso 'alo.» Nache so lo'ogoxonaxat lo'o ỹa'arapec, nache ỹapacaviigui naqa'en so lainec nache somaye ileu.

Mateo 26:61

Qaq choche ivitta'a da huo'oi soua dos ỹale't da 'ena'apo': «De'era ỹale 'eetega ishet da ilaxachigui añi no'onaxanaxaqui late'erai maye lalamaqte Ñim Lo'onatac 'Enauacna, qaq da qaltaq no'oxoosheguem, nache tres na'axa'te, nache imat.»

Mateo 27:6

Nache som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, ỹacona aso anom, nache 'enapeco': «Ana'ana anom anamaye qarsheetenaxanaqte da sesheetenaq da l-leuaxa so 'oonolec ỹale, qaq anamaye sa seshetaq da sachaqangui añi laỹe' ana nachetaqtaxanaqte, cha'aye na namaxasoxonaxacpi saishet da ỹashen.»