Mateo 27:43 - La'aqtaqa Ñim Lo'onatac 'Enauacna 2013

⁴³ Ñimaye 'eetega naxa da huo'o da lpi'iỹaxac Ñim Lo'onatac 'Enauacna, qataq 'eetega lta'a Ñimaye. ¡Qaq Ñim Lo'onatac 'Enauacna da ỹoqta 'eesa da lauotaxat Ñimaye, nache nca'alaxatec nagui!»

Nuevo Testamento Toba Sur

⁴³ Ñi mayi ÿachito'ot da lpi'iÿaxac ñi Dios. Qaq ñi Dios no'on da nca'alaxateec nagui ñimayi, qom ÿoqta 'eesa da lauotaxat. Cha'ayi ñimayi maichi qomi' da'aqtaxaatapeguema co'ollaxa da 'eetega ÿataqta llalec ñi Dios.

Nuevo Testamento Toba Sombrero Negro

⁴³ Nach'eñe ñe'me Dios p'iya'a: qama'le ¡'noota qom Dios nec'alaĝategue nayi, qom eja yauotec! ¿Qo'li ja qo'mi 'te 'yaĝatetapema mañaĝa queda'me nach'eñe Dios Lec'oĝot?

Mateo 27:43 Referans Kwoze

Salmos 22:8

nache 'eeta': «De'era, pe'etega naxa Ñim Nataxala', qaq 'onaxaic da anac qome Ñimaye da nca'alaxatec, cha'aye ỹataqta lauotaxat damaye, qaq no'on da nacheñi Ñimaye da isouec.»

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Juan 19:7

Qalaxaye na judiopi 'enapeco': –Qomi' huo'o dam nqataxac maye qomi' qoỹanema co'ollaxa, qaq damaye 'enapec ye ishet da qaỹalauat ca 'ena'am de'era, cha'aye damaye 'eetega da Llalec Ñim Lo'onatac 'Enauacna.

Juan 10:30

Aỹem, qataq Ñim Ita'a, 'oonolec da qarataxac.

Mateo 27:40

Nache qoỹeetega qoỹeeta': «'Am maye qonetega co'ollaxa da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres na'axa'te, nache qaltaq 'aumat. ¡Qaq nagui da 'eesa da lta'araic da 'ara'añaxac, nache maiche 'anca'alaxaala't! ¡Qataq da ỹoqta 'eesa da 'am Llalec Ñim Lo'onatac 'Enauacna, qaq 'aunoteeguesop qome na 'am qaiuaxaata'aguet!»

Isaías 37:10

«Saishet qome da 'anañaneguet da 'am ỹatenachet Ñim 'Anatamnaxala', da 'eetega saishet da ỹoxonec qome ye Jerusalén.

Isaías 36:18

Qaq ñi Ezequías da qami' 'enapegalo da Ñim Nataxala' qami' nca'alaxatrec qome, nache saishet qome da qanañañi da qami' ỹatenache't ñimaye. Cha'aye ¿huo'o peta'a ca natamnaxala'pi na laỹepi ỹotta'a't shiỹaxauapi da nca'alaxatec co'ollaxa cam hueta'a ca maiche na'alhua, da nca'alaxateeguesop da la'añaxac ñi nta'a ye Asiria?

Isaías 36:15

Qaq ñi Ezequías da huotaique da qami' ỹaye'n da qaupi'iỹa'ai Ñim Nataxala' nache, 'eeta': «Ñim Nataxala', 'eesa qome da qomi' nca'alaxatre'c, Ñimaye saishet qome da ỹa'aqta'a ñi nta'a ye Asiria, da loxonec ne'ena huaqta'a't nỹecpi».

Salmos 71:11

Nache 'eeta': «Ña qaucañiỹapec qataq qauacoñiiua'a, cha'aye Ñim Lo'onatac 'Enauacna mashe ca'ai, nache qaica ca ishet da nca'alaxatec.»

Salmos 42:10

Qataq ivira'alo naua ipi'ineqa ỹataqta seue't, souaxat da lviraqtaxanaxac na ñepa'aguenaxauapi, maye imauec ye na'a'q da aỹem inattac, 'eeta': «¿Cam hueta'ago' ca 'Anatamnaxala'?»

Salmos 14:6

Ne'ena qauemaicpi ỹataqta qaica ca ỹanaigui na 'eetapeguecpi na qaica ca ye, qalaxaye Ñim Nataxala' ỹataqta ntela'a namayepi.

Salmos 3:2

qataq qalota na aỹem detaqtega, 'eeta': «Ñim Lo'onatac 'Enauacna saishet da nca'alaxatec qome ñimaye.»

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Lucas 23:35

Qaq 'enauac na shiỹaxauapi imeteetac Somaye qataq nam lataxala'pi namayepi ỹe'eetac, 'eeta': –Nca'alaxatec naxa ca lỹa. Qaq nagui, qaq no'on da maiche nca'alaxaala't, qom ỹoqta 'eesa da nacheñi ñi Nta'a Nca'alaxaqui maye lca'aguishec Ñim Lo'onatac 'Enauacna.

Lucas 23:37

Qataq 'eetega, 'eeta': –Qom nache 'am maye 'am lta'a na judiopi, qaq no'on qome da maiche 'anca'alaxaala't.