Mateo 27:42 - La'aqtaqa Ñim Lo'onatac 'Enauacna 2013

⁴² «Nca'alaxatec naxa ca lỹa, qalaq Ñimaye saishet da maiche nca'alaxaala't. Qataq 'eetega da nacheñi ñi lta'a na Israel le'ecpi. ¡Qaq Ñimaye iuen da huenoteeguesop ñi npe'enaxaqui, yaqto' ishet da sa'amaqtenaq Ñimaye!

Nuevo Testamento Toba Sur

⁴² –Nca'alaxateec ca lÿa, qalaq ñimayi sa ishit da maichi nca'alaxajla't. Qom ÿoqta 'eesa da nachiñi ñi lta'a na llalaqpi so Israel, qaq no'on da huenoteeguesop ñi npe'enaxaqui, yaqto' ishit da sa'amaqtenaq ñimayi.

Nuevo Testamento Toba Sombrero Negro

⁴² —Nec'alaĝatedegue jogaa'me jiyaĝa'u laqaya', qalaĝaja ja yaqanatet ta'le mach'e nec'alaĝatela't. Nach'eñe lajoĝola't joga'me israelpi: qama'le 'noota ta'le chiyaqalegue jana'me sodoso da'me nenochiñe, qama'le jep'iyaqa joñe'me.

Mateo 27:42 Referans Kwoze

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Hechos 4:14

Qataq nataqa'en souaxat da ilota'a som ỹale maye no'oita qanqoỹen da nachattauo, nache saishet da huo'o ca ỹasaxaleguete lasouaxashe't soomaye.

Juan 12:47

Qalaxaye da huo'o ca choche na'axaỹaxaategalo naua ỹa'aqtaqa qalaq saishet da ỹo'o't, qaq saishet da Nachaỹem da so'ot ca nhuaxanaguec camaye, cha'aye Aỹem saishet da ñanaỹa ana 'alhua da sauo'o ca nhuaxanaguec na shiỹaxauapi, nachaqrata da Aỹem ñanac, da yaqto' ñeca'alaxatec namayepi.

Juan 12:13

Nache so shiỹaxauapi, iquesoq ana laue ana chaic, nache qata'aguet So Jesús. Nache ỹa'alaqtalec, 'eeta': –¡Sho'oxorenaq Ñim Lo'onatac 'Enauacna! ¡Ỹataqta ỹo'oxoraq da llecỹaxac, nam nactaigui da lamaxasoxonaxac Ñim Nataxala'! ¡Ỹataqta ỹo'oxoraq da llecỹaxac nam Lta'a na Israel le'ecpi!

Juan 9:24

Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.

Lucas 19:38

Nache 'eeta': –¡Ỹataqta ỹo'oxoraq da llecỹaxac na Qarta'a, maye nactaigui da le'enaxat Ñim Lo'onatac 'Enauacna! ¡Huo'o qome da nlagaxayec na piguem! ¡Qataq 'enauac da qaỹauatton da la'añaxac Ñim Lo'onatac 'Enauacna!

Mateo 2:2

Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

Mateo 27:40

Nache qoỹeetega qoỹeeta': «'Am maye qonetega co'ollaxa da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres na'axa'te, nache qaltaq 'aumat. ¡Qaq nagui da 'eesa da lta'araic da 'ara'añaxac, nache maiche 'anca'alaxaala't! ¡Qataq da ỹoqta 'eesa da 'am Llalec Ñim Lo'onatac 'Enauacna, qaq 'aunoteeguesop qome na 'am qaiuaxaata'aguet!»

Mateo 27:41

Nataqa'en som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so dapaxaguenataxaatapeguec na nqataxacpi qataq so lataxala'pi so shiỹaxauapi ỹe'eetac Somaye, nache 'eeta':

Marcos 15:31

Qaq nataqa'en na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi ỹe'eetac Somaye, qataq maiche detaqtega't, 'eeta': «Ñimaye ishet da nca'alaxatec ca lỹa, qalaxaye saishet da ỹañoxot da maiche nca'alaxaala't.

Marcos 15:32

Ñimaye 'eetega da Lca'aguishec Ñim Lo'onatac 'Enauacna qataq lta'a na Israel le'ecpi. ¡Da sauanaqchigui da huenoteeguesop ñi npe'enaxaqui, nache ishet da sa'amaqtenaq Ñimaye!» Nataqa'en soua cachaxaiqa maye qaiuaxaatrauo, huaqta'ato So Jesús, isheueetrac Somaye.

Lucas 23:35

Qaq 'enauac na shiỹaxauapi imeteetac Somaye qataq nam lataxala'pi namayepi ỹe'eetac, 'eeta': –Nca'alaxatec naxa ca lỹa. Qaq nagui, qaq no'on da maiche nca'alaxaala't, qom ỹoqta 'eesa da nacheñi ñi Nta'a Nca'alaxaqui maye lca'aguishec Ñim Lo'onatac 'Enauacna.

Lucas 23:37

Qataq 'eetega, 'eeta': –Qom nache 'am maye 'am lta'a na judiopi, qaq no'on qome da maiche 'anca'alaxaala't.