Mateo 27:4 - La'aqtaqa Ñim Lo'onatac 'Enauacna 2013

⁴ nache 'eetega somayepi, 'eeta': –Aỹem huo'o da ỹasouaxashet hueto'ot Ñim Lo'onatac 'Enauacna, cha'aye saneguet da nalaataguec So Jesús, qaq Somaye qaica ca ỹasouaxat. Qalaxaye somayepi 'enapeco': –Aque', ¡Damaye saishet da saqtegueua'a! ¡Damaye maiche 'arasouaxashet!

Nuevo Testamento Toba Sur

⁴ Nachi 'eetega somayipi, 'eeta': –Aÿim huo'o da ÿasouaxashit, cha'ayi sanguet da nalaataguec so shiÿaxaua mayi qaica ca ÿasouaxat. Qalaxayi somayipi 'enapeco': –Aque', ¡Damayi sa ishit da qomi' saqtapegueu'a! ¡Damayi maichi 'adasouaxashit!

Nuevo Testamento Toba Sombrero Negro

⁴ enaac: —Ja'uo da'me yoec queda'me janaĝaue da'me leleuaĝa ñe'me jo'ne qaya'te loec. Qalaĝaja jogaa'me 'yadeteguet: —Da'me dojo', ¿qo'li jenataqa'ta? ¡Jenjo' mach'e adoĝot!

Mateo 27:4 Referans Kwoze

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

1 Pedro 1:19

nachaqrata da desheetenaxanalo soua ltago'q So Cristo maye ỹataqta qaica ca 'ena'ama da lya'c. So Cristo co'ollaq qaỹalauat da qaiuaxaneguet so npe'enaxaqui, nache Somaye 'eeta'am ca qoỹaneuo nachetaqtaxanaxat qagueta llalec maye ỹataqta qaica ca lque'emaxa.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Tito 1:16

Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.

1 Timoteo 4:2

Qataq na'axaỹaxaatega na saq ỹataxalec qataq tenataxanaxaic maye mashe ỹavic da ntoonaxac, ỹoqo'oye qaica ca lcoxo da ỹo'ot ca sa ỹamaxañi.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Hechos 13:28

Qaq na'aictaxa da saishet da ỹanata co'ollaxa ca lasouaxashet Somaye da yaqto' ỹalauat, qalaxaye, nache 'ena'am iỹaxanot so Pilato, da yaqto' damaxasoxoolec da qaỹalauat.

Juan 19:7

Qalaxaye na judiopi 'enapeco': –Qomi' huo'o dam nqataxac maye qomi' qoỹanema co'ollaxa, qaq damaye 'enapec ye ishet da qaỹalauat ca 'ena'am de'era, cha'aye damaye 'eetega da Llalec Ñim Lo'onatac 'Enauacna.

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.

Lucas 23:41

Qomi' ỹoqta 'itchiguiñi dam qanque'eenaxac, cha'aye maiche sesheetenaqtac dam naigui nam so'otaqtacpi maye qauem. Qaq nam na' ỹale, qalaxaye saishet da huo'o ca ỹo'ot qauem.

Lucas 23:22

Qaltaq ỹe'eguelaxalec so Pilato da 'enapega somayepi, 'eeta': –Qaq ¿negue'to' ca ỹo'ot sa ỹaỹamaxañi damaye? Ye aỹem qaica ca sanata lasouaxashet da huo'otaq naigui da qaỹauo'o ca nalaataguec. Aỹem choche samaxasoxoolec qome damaye da qaiuaxan, qaq qom ime, nache saxanec.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Jonás 1:14

Nache somayepi nachoxonnot Ñim Nataxala', 'eeta': «'Am Nataxala', 'am ñachoxonnaqot nagui da saishet da qomi' 'aualaua't, da sasouaxalec de'era shiỹaxaua, qataq saishet da qomi' 'aumataleguete da l-leuaxa damaye da qaica ca ỹasouaxat. Cha'aye 'Am Nataxala', nache 'am maye 'aro'onatac de'era.»

Jeremías 26:15

Qalaxaye qauaỹaañita da aỹem qaualauache, nache qami' qataq 'enauac nam netaigui ne'ena huaqta'a't nỹecpi, maiche qarasouaxashechi da qaualauache cam qaica ca lasouaxashet, cha'aye 'eesa da nacheñi Ñim Nataxala' Ñim aỹem ỹamaxalec da ỹataqta sa'axatta 'enauac ne'enapi.»

Da na'aqtaguec so Job 16:2

«¡Aỹem mashe qalota da sa'aqchigui na 'eeta'am ne'enapi! ¡Qaq qami' ỹataqta qaica da aỹem qaua'añaqchichi nda'a't da aỹem qaucolanaqchichi!

2 Reyes 24:4

qataq souaxat da icoraxatrec naua ltago'q som shiỹaxauapi maye qaica ca ỹasouaxat, nache nlaxalec naqa'en ye Jerusalén na ntago'q. Qaq ỹoqo'oye Ñim Nataxala', saishet da ỹapalaxat na lasouaxashet somayepi.

1 Reyes 21:27

Qaq so Ajab, co'ollaq hua'aqchigui de'era, nache ncolaxata'aisalo soua alogo, nache ỹaayiñi soua sansatte' alogo, qataq nqouaqchet. Qataq nache ỹaatrañi se'esoua alogo da do'oche, qataq ỹataqta daquicota.

1 Samuel 15:30

Nache so Saúl 'enapeco': «Aỹem 'eesa da huo'o da ỹasouaxashet. Qalaxaye 'am ñachoxonnot da ỹauaachigui 'anqa'en 'enauac na nqueroxonecpi na Israel, qataq 'enauac na shiỹaxauapi, da nache 'eetai' qome da huo'o 'anqa'en da shenec da aỹem nta'a. Qaq ỹoqo'oye aỹem 'annaicapegue', da yaqto' ñatamnot Ñim Nataxala' maye 'Anatamnaxala'.»

1 Samuel 15:24

Nache so Saúl 'enapega so Samuel, 'eeta': Aja', 'eesa da huo'o da ỹasouaxashet, cha'aye aỹem ñapacalec da lamaxasoxonaxac Ñim Nataxala', qataq da 'arapaxaguenataxanaxac, souaxat da shi'iỹa'aguet caillaye na ñalleppi, nache so'ot dam la'aqtac.

Éxodo 12:31

Nache so faraón damaxasoxoneuga so Moisés qataq so Aarón, qaq nacheso se'eso pe da 'enapegalo, 'eeta': «Qauesomiỹa qome, qoqui, qoquiỹa'ai na ihuo' le'ecpi, qami' qataq 'enauac na Israel le'ecpi. Qanqo'oñiỹa da qanatamñiỹot cam Nataxala', qauo'oche qome dam qauquiquiitegueua'a.

Éxodo 9:27

Nache so faraón damaxasoxoneuga so Moisés qataq so Aarón, nache 'enapegalo', 'eeta': «Aỹem ñauattootela't da huo'o da ỹasouaxashet. Qaq damaye maiche ỹasouaxashet qataq na ihuo' le'ecpi, qaq saishet da nacheñi Ñim Nataxala'.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Da na'aqtaguec so Job 13:4

Cha'aye qami', choche qami' tenataxanaxaiqa, qataq 'enauac qami' natannaxanaqpi, qalaxaye qaica ca qami' naiguilo.

1 Samuel 19:5

cha'aye somaye ỹataqta sairen co'ollaxa da nachaalataxac nache ỹalauat so filisteo, huaña nache Ñim Nataxala' ỹanem da lta'araic loxonaxanaxac na Israel le'ecpi. Qaq 'am ye ỹoqta 'auauaachigui qataq 'am ivirauga da 'auamachiguiñi. ¿Qalaq ta'ainco' da huotaique da 'auo'otec ca qauem ca qaica ca ỹasouaxat, qataq da 'auauotaique 'aualauat so David ye qaica ca huasoilec?»

Salmos 94:21

nam dataỹa'aguet na shiỹaxauapi maye no'on da lataxac, qataq ỹaneguet da l-leuaxa na qaica ca ỹasouaxat.

Proverbios 12:8

Ca ỹale qaỹo'oxoren souaxat da huo'o na laỹaanec, qaq ca qauema naua lhuennataxaco qalaq nda'a't da no'otanaguec.