Mateo 27:3 - La'aqtaqa Ñim Lo'onatac 'Enauacna 2013

³ Qaq so Judas co'ollaq ỹaỹaten da mashe qoỹaneguet da nalaataguec So Jesús, nache ỹataqta qauem da lhuennataxac qataq lta'araic da ntogotaxac souaxat da ỹaneuo So Jesús. Qaq ỹoqo'oye jec da nqo'oneua'a ca hueta'a so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq so nataxala'pi yi'iye 'alhua, nache ỹe'eguelaxateuo aso treinta anom lcat maye chegaqaigui na plata,

Nuevo Testamento Toba Sur

³ Qaq so Judas mayi nachiso so ÿaneuo so Jesús, co'ollaq ila'a da qoÿanguet da nalaataguec somayi, nachi ÿataqta lta'adaic da ntoguetaxac. Nachi ÿi'iguelaxa't soua treinta lca'chole mayi chigaqaiguilo na plata, ÿi'iguelaxateu'alo som lataxala'pi na ntaxaÿaxanaxanecpi qataq som nquedoxonecpi.

Nuevo Testamento Toba Sombrero Negro

³ Judas, jo'ne yanegue ca'li ñe'me Jesús, nomeguet da'me yataqachiñe napacalegue da'me 'laloĝo, qama'le 'yiyelaĝatoto jogaa'me tamenaĝaiqui lo'olpi lejaliaĝanaqa nataq'aen 'yaĝaicachidipi jaga'me naicaua' jo'ne nalo'taguet treinta,

Mateo 27:3 Referans Kwoze

2 Corintios 7:10

Da Ñim Lo'onatac 'Enauacna da qami' ỹaquicoqche't, nache saishet qome da qoquiitega, cha'aye de'era qaraquicoqoi damaye qami' ỹo'otegueta da qanaralaxache da qarataxaqui qataq qauỹaxañiỹaique da qami' qaichoxore'n qataq qami' qanca'alaxatre'c. Qalaxaye da naquicoxo maye chegaqaigui nam qauem maye huetalec ana 'alhua, nachaqrata maye ishet da dalaataxan.

Juan 13:27

Qaq co'ollaq lcopa'a da ỹaconeguet so laỹe aso nauole so Judas, nache so pa'aguenataxanaxaic taigui da lquiyaqteỹaxac somaye. Nache So Jesús 'enapego', 'eeta': –'Am Judas, 'auỹalapegue' dam huotaique da 'auo'ot.

Juan 13:2

Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe.

Da na'aqtaguec so Job 20:5

cha'aye da lamaicỹaxac na 'etaxaloxoic saqaỹauec, qataq da ntonaxac na qauemaic pasa'a da imeuo.

Éxodo 21:32

Qaq que'eca huaca da iquetogoq ca nlatac, huo'otaq aca nlata, nache qaỹalauat qairota'a ca coma', qaq ca na'aco' ca nlatac huo'otaq aca nlata, nache qaisheeten, treinta aca lcatpiole plata aca qoỹami'.

Zacarías 11:13

Nache Ñim Nataxala' aỹem 'enapega 'eeta': «'Auacona qome ayem anom lcatpiole, ayem huo'o da lyac ñesheetenaqte, nache 'auasaxangui añi laỹe' ana anom maye netaigui añi atamnaxaqui.» Nache aỹem sacona aso treinta anom lcatpiole, mashe sasaxangui aso laỹe' ana anom maye netaigui añi atamnaxaqui maye lalamaqte Ñim Nataxala'.

Hechos 1:18

Qalaxaye somaye co'ollaxa jec, nache desheenaxana so 'alhua, desheetenaxana asom lasheue co'ollaxa da lle'etaxaloxo. Qaq co'ollaq ime, nache naañi, ỹa'atchiguiñi na lqaic, nache dachipiỹa'ague, nache nmauec na lailshecpi.