Mateo 27:25 - La'aqtaqa Ñim Lo'onatac 'Enauacna 2013

²⁵ Nache so shiỹaxauapi nmasheguem da ỹasat, 'eeta': –¡Qomi' qataq na qoyalaqpi ñachoxola't qome da qarasouaxashet da l-leuaxa de'era ỹale!

Nuevo Testamento Toba Sur

²⁵ Nachi 'enauac so shiÿaxauapi nmashiguem da ÿasat, 'eeta': –¡Qomi' qataq na qoyalaqpi ñachoxola't qome da qadasouaxashit da l-leuaxa de'eda shiÿaxaua!

Nuevo Testamento Toba Sombrero Negro

²⁵ Ena'uaque joga'me jiyaĝadipi 'yadeteguet: —¡Qo'mi nataq'aen gaa'me qochalqapi jenaĝa qadoĝot da'me leleuaĝa!

Mateo 27:25 Referans Kwoze

Josué 2:19

Qalaxaye da huo'o ca 'oonolec namayepi da maiche ca'ai na 'arma', nache camaye maiche nasouaxaala't da ileu, nache saishet da qarasouaqtac. Qalaxaye da huo'o ca ỹe'egueeta'a cam hueta'a na 'arma', nache qomi' qarasouaxashet camaye.

Hechos 5:28

–Qomi' mashe ime da qami' seqataqtegalo da saishet da qauapaxaguenataxañic da na'aqtaguec So Jesús, qalaxaye qami' saishet da qomi' qaualaqaigueta. 'Enauac na Jerusalén da qaua'aqtaxañiiteguem So Jesús, ivira'a da qomi' qanmaqaileguete da qoñiitega da qomi' salauataq Somaye.

Hechos 7:52

Cha'aye ¿chaq negue'to' cam la'aqtaxanaxanec Ñim Lo'onatac 'Enauacna da huo'otaq sa iuaxan som hua'au qarta'ailpi? Cha'aye somayepi nache ỹalauat co'ollaxa som hua'auchiguiñi da ỹa'axatta'aguet da lviraxac som ỹale maye no'on da lataxac. Qaq somaye co'ollaq nvi', nache qami' qauacoñiiua'a, nache qaualauache.

Deuteronómio 19:10

Qaq da nache qoñiitec de'era nache saishet da qarasouaxashichi da qaicoraxatrec caua ltago'q ca qaica ca ỹasouaxat, yi'iye 'alhua maye qami' ỹanema qome Ñim Nataxala', maye Qanatamnaxala'ai, qataq saishet da qarasouaxashechi da huo'o ca qaỹalauat.

Números 35:33

Qataq saishet da qana'axache qome ca 'alhua maye qoñiỹalec, cha'aye na ntago'q nachena na na'axat na 'alhua, cha'aye naua qaicoldec ntago'q saishet da iqui'itaxat, nachaqcata ca icolde'c co'ollaxa caua ntago'q maye ishet da iqui'itaxat da qaỹalauat camaye, nache ishet da qui'itta naqa'en.

1 Reyes 2:32

Qaq Ñim Nataxala', talec naqa'en da maiche lasouaxashet somaye, souaxat da ỹalaua't soua dos ỹale't maye ỹataqta no'on da lataxa'c, maye napacalec da lataxac somaye, som Abner maye llalec so Ner, som lataxala' so alleppi Israel le'ecpi, qataq so Amasa, som llalec so Jéter, maye lataxala' so alleppi Judá le'ecpi. Qaq so ita'a saỹaỹaten co'ollaxa de'era.

2 Samuel 1:16

Qaq so David 'enapeco': 'Am, maiche 'anasouaxaala't da 'am qaỹalauat, cha'aye maiche 'aua'axat da 'aualauat so nta'a maye lca'aguishec Ñim Nataxala'.

Deuteronómio 19:13

Saishet qome da qachoxooreñeetac que'eca dalaataxan, yaqto' yi'iye 'alhua Israel saishet da huaña da qaicoraxatrec caua ltago'q ca qaica ca ỹasouaxat, yaqto' qaica ca macheca da qoyecỹaxaqui.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Mateo 21:44

Da huo'o ca camachaqca tatelec so coma' maye ỹo'otan co'ollaxa so do'oxonaxaatacpi, nache camaye dolachigui. Qataq se'eso coma' da huo'otaq huo'o ca tatelec, nache ỹataqta dolachigui naqa'en.

Hechos 18:6

Qalaxaye somayepi ỹataqta ncotatague' somaye qataq isheueetac, nache so Pablo ichego'q soua alogo, cha'aye damaye la'anaxat da jec. Nache 'enapego' somayepi, 'eeta': –Ñim Lo'onatac 'Enauacna da ỹauo'o ca qanhuaxanaguiiqui, nache qami' maiche qarasouaxashechi; saishet da ỹasouaxashet. Qaq nache chegoqchiguiña ne'ena na'a'q da sa'aqtaxanem nam saishet da judiopi.