Mateo 27:22 - La'aqtaqa Ñim Lo'onatac 'Enauacna 2013

²² Nache so Pilato denataxano', 'eeta': –Qaq ¿hua'ague ca sheetec dam Jesús maye qoỹeetega Lca'aguishec Ñim Lo'onatac 'Enauacna? Nache 'enauac somayepi 'enapeco': –¡Qomye damaye qaỹalauat qataq qaiuaxaneuo! Somayepi nmasheguem 'eeta'am na do'onaxaatac.

Nuevo Testamento Toba Sur

²² Nachi so Pilato denataxano', 'eeta': –Qaq ¿huá'ague ca shiitec dam Jesús mayi qoÿiitega nta'a nca'alaxaqui? Nachi 'enauac somayipi 'enapeco': –¡Qomyi damayi qaiuaxaneuo!

Nuevo Testamento Toba Sombrero Negro

²² Pilato yachimaĝatalo: —Qama'le ¿jach'e ga'me je'etec jenjo' Jesús 'me aueñiyapega Dios Liquiyac? Ena'uaque 'yadeteguet: —¡Auep'enajeguem!

Mateo 27:22 Referans Kwoze

Hechos 13:38

Qaq ỹoqo'oye, qami' ỹaqaỹa't, 'era da na'aqtaxanaxac maye qami' sa'aqtaxanaqteguema, da So Jesús ishet da ỹapalaxat 'enauac na nasouaxashet. Na namaxasoxonaxacpi maye chegoqo'ot so Moisés qalaq saishet da huesoueeguesop naqa'en qami' na qarasouaxashechi.

Isaías 49:7

Ñim Nataxala' maye Ca'alaqtaxanaxaic, Ñim Qui'itta natamnaxala' na Israel le'ecpi, 'enapega na shiỹaxauapi maye ỹataqta saq qaiyacnapec, nam lqaigaxat na laỹepi shiỹaxauapi, nam l-latac co'ollaxa nam qaica ca ireetacpi Ñimaye, 'eeta': «Qom 'am ila'a na nta'alpi qataq nam 'amaqtaqaicpi, nache nachaañi qome qataq 'am ỹa'aroto naua l-llecte, cha'aye Aỹem Nataxala', maye Qui'itta natamnaxala' na Israel le'ecpi, 'am lleca'aguishec co'ollaxa, qaq sepacchigui qome nam sachaxanapecpi.»

Marcos 14:55

Nache som lataxala'pi na ntaxaỹaxanaxanecpi qataq 'enauac na 'amaqtaqaicpi nta'alpi maye nmit na nasouaxashetpi, somayepi nmittaique ca shiỹaxaua da ishet da ỹasaxalec ca la'aqtac saq 'en So Jesús, da yaqto' ỹachegoxotchigui da ỹaneguet ca nalaataguec Somaye. Qalaxaye saishet da ỹanata.

Mateo 27:17

Nache so Pilato inat so shiỹaxauapi maye hueta'a yi'iye, 'eeta': «¿Negue't cam qauỹaxañiiua'a, da yaqto' aỹem sesouec: ñi Jesús Barrabás, huo'otaq da Jesús maye qoỹeetega Lca'aguishec Ñim Lo'onatac 'Enauacna?»

Mateo 1:16

José som lhua aso María maye late'e So Jesús Som Lca'aguishec Ñim Lo'onatac 'Enauacna.

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

Da na'aqtaguec so Job 31:31

Qataq saishet da huo'o ca 'oonolec na aỹem neto'otpi, da huo'otaq saq comaraxaic da datalec ca iquia'axala',

Mateo 27:21

Nache so nta'a qaltaq ỹe'eguelaxalec da denataxan, 'eeta': –¿Chaq negue't cam 'oonolec ne'enaua dos ca qansheetaique da sesouec? Nache 'enauac somayepi 'enapeco': –¡Qomye Barrabás!

Mateo 27:23

Nache so Pilato inat somayepi, 'eeta': –Ñaq aỹem qaua'aqtaxañim ¿negue'to' cam ỹo'ot saỹaỹamaxañi de'era ỹale? Qalaxaye somayepi qaltaq nquigaxattec da la'alaxac, 'eeta': –¡Qaỹalauat damaye qaiuaxaneguet ca npe'enaxaqui!

Juan 4:25

Nache aso 'alo 'enapeco': –Aỹem saỹaten da anac qome ca Lca'aguishec Ñim Lo'onatac 'Enauacna maye qaiuattaique, maye na griegopi da iỹaxana qalaq Cristo. Qaq qom ivita da nvi' camaye, nache qomi' da'aqtaxanema 'enauac na lataxaguesat.

Hechos 13:28

Qaq na'aictaxa da saishet da ỹanata co'ollaxa ca lasouaxashet Somaye da yaqto' ỹalauat, qalaxaye, nache 'ena'am iỹaxanot so Pilato, da yaqto' damaxasoxoolec da qaỹalauat.