Mateo 27:2 - La'aqtaqa Ñim Lo'onatac 'Enauacna 2013

² Nache qaicoñetta'a't naua lhua'q Somaye, ime nache qanqateeguesop so lma' so Caifás, nache qaỹauegueua'a so nta'a Poncio Pilato maye lta'a na Roma le'ecpi.

Nuevo Testamento Toba Sur

² Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

Nuevo Testamento Toba Sombrero Negro

² Qoyecoñe' da'me qoyauec, qama'le qoyajoĝona'aguet ñe'me Pilato, jaliaĝanec jo'ne Roma le'ec.

Mateo 27:2 Referans Kwoze

Hechos 3:13

Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

Mateo 20:19

qataq Aỹem ỹaneua'a nam ỹaqa'a ca chegaqa'ague, da yaqto' Aỹem ỹe'en, qataq Aỹem iuaxaatac, ime, qaq Aỹem ỹalauat Aỹem iuaxaata'aguet ca ñepe'enaxaqui. Qalaxaye qom mashe inoxoore'c caua tres na'axa'te, nache qaltaq ñeca'alec.»

1 Timoteo 6:13

Qaq nagui qomi' ỹauaachiguilo Ñim Lo'onatac 'Enauacna nataqa'en So Jesucristo maye saishet da datenataxan co'ollaxa datato'ot so nta'a Poncio Pilato.

Lucas 13:1

Qaq nachesoua se'esoua na'axa'te da huo'oi soua nvi't, nache da'aqtaxaatrapeguem So Jesús, da so nta'a Pilato ỹalecneguet na ltago'q so lalaatac shiỹaxauapi maye lma' ye 'alhua Galilea nam ltago'q som shiguiỹacpi, maye ỹauotaique da ỹavigaxat da lachetaqtaxanaxat.

Hebreos 13:3

Qataq qoviỹapegue' nam qarqaỹañicpi maye qaicoñettai' qataq nam sa qaiyacnapec. Da qarhuennataqai qome 'eeta'am qanqa'eñi da nataqa'en qoviitaigui damaye.

2 Timoteo 2:9

Qaq nachera da huo'omshe huo'o da ñeque'eenaxac, choche sevitta'a da aỹem qaicoñettai', sheeta'am ca qalota na lasouaxashet. Qalaxaye da la'aqtac Ñim Lo'onatac 'Enauacna saishet da qaicoñettai'.

Hechos 28:20

Qaq nachera da huo'omshe qami' seỹaxaneugalo, da yaqto' qami' ñauaneto, qataq qami' setaxaỹapegueto. Cha'aye nachera dam 'enauac qanaquitaxac qomi' Israel le'ecpi, da huo'omshe aỹem qaicoñetta'aque ne'enaua ique'ete.

Hechos 24:27

Qaq ivi' soua dos vi'iye da 'eeta'ac de'era. Nache so Félix co'ollaq mashe saishet da nta'a, nache anac so Porcio Festo da qoỹanagui da lo'onataxanaxac somaye. Qalaxaye so Félix ye huotaique da qaica camachaqca naqa'en na judiopi, nache queto'ot co'ollaxa da icoñettai' so Pablo.

Hechos 22:29

Huaña, nache som nshetaique da iuaxan somaye, nache nlagaxatapec. Ivira'a som nta'a co'ollaq mashe ỹaỹaten da somaye Roma le'ec, nache somaye ỹataqta huo'o da lcolanaxa souaxat da icoñettai' so Pablo.

Hechos 22:25

Qalaxaye co'ollaq mashe ime da qaicoñe' da qaỹauotaique da qaiuaxan, nache so Pablo 'enapeco': –¿Qami' qache isheto' da huo'o da qoñic da qauaxañi ca Roma le'ec, da huo'otaq saxanaxa da qanmichi ca 'eetec ca lasouaxashet?

Hechos 21:33

Nache so huataxanaq lta'a nqocheneuo, nache ỹaconeua'a so Pablo, nache damaxasoxoolec da qaicoñera'a't naua lhua'q. Qaq co'ollaq ime, nache dechemaqtaxaatapeguelec somaye da chaq negue't cam ỹo'ot.

Hechos 12:6

Qaq se'eso pe maye pa'aiguet se'eso na'a'q maye so Herodes huotaique da nqatec so Pedro da ỹachaxana na shiỹaxauapi. Nache so Pedro do'ocheto', huetanguilo soua dos huataxanaq lashe', qaicoñetta'aque soua dos lque'ete. Qaq soua lỹa't huataxanaq lashe' nauaata'ape so lasom aso ncoñetaxanaxaqui.

Hechos 9:2

Nache iỹaxanot somaye, da yaqto' ỹanem aca lmalate ca la'aqtac, da yaqto' so Saulo nqo'ona aca napaxaguenaxaqui na judiopi maye naña ye nỹecpi ye Damasco, da ỹe'eguena'a nam quetague' da lapaxaguenataxanaxac So Jesús da yaqto' nauega ye Jerusalén da icoñi', na'aictaxa da huo'otaq ỹalleppi, huo'otaq 'alpi.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Juan 18:24

Nache so Anás ỹamaq So Jesús ỹaxatta'a't naqa'en naua lhua'q da ỹamaxa so Caifás som 'oonolec lataxala' nam ntaxaỹaxanaxanecpi.

Juan 18:12

Nache som alleppi maye Roma le'ecpi qataq som lta'a, qataq som huataxanaqpi maye nauaatalec naxa aso no'onaxanaxaqui late'erai, somayepi ỹaconeua'a So Jesús, nache icoñera't naua lhua'q.

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Lucas 3:1

So Juan maye nachelaxanataxanaq som llalec so Zacarías, hueta'a ye toolec 'alhua. Nache Ñim Lo'onatac 'Enauacna detaxaỹapegue' co'ollaq huauga yemaye, huetoigui so na'a'q co'ollaq so Tiberio maye netaña ye Roma mashe ivi' naua quince vi'iye da lo'onataxanaxac da ilotague' na qalota shiỹaxauapi maye hueta'alo naua lỹa't 'aleu', qaq so Poncio Pilato ilotague' ye 'alhua ye Judea. Qaq se'eso na'a'q so Herodes Antipas ilotague' ye 'alhua Galilea, qaq so Filipo maye lqaỹa so Herodes ilotague' ye 'alhua Iturea qataq Traconítide, qaq so Lisanias ilotague' ye 'alhua Abilene. Qaq so Anás qataq so Caifás, soomaye lataxala'ate na ltaxaỹaxanaxanecpi na judiopi da qaitaxaỹapegue' Ñim Lo'onatac 'Enauacna.

Génesis 22:9

Qaq co'ollaq ivitra som 'alhua maye ỹecapiguiña Ñim Lo'onatac 'Enauacna, nache so Abraham, ỹo'ot aso lca'atoxonaxalate, qataq ỹachalec asomaye so qo'oipaqpi. Qaq ime, nache ỹauo'o so lquet da icoñera't naua lhuaxaye qataq naua lapia'ate so llalec Isaac, nache ỹasaxalec aso lca'atoxonaxalate, ỹachalec so qo'oipaqpi.

Mateo 28:14

Qaq ñi nta'a da huo'otaq iviro'ot da ỹaỹaten de'era, nache qomi' setaxaỹaqapegue' ñimaye da yaqto' qami' saishet da huo'o ca qarasouaxashechi.»

Lucas 23:1

Nache 'enauac ñesheguem somayepi, nache qaỹauegueua'a So Jesús so Pilato.

Lucas 23:12

Nache se'eso na'a'q so Pilato qataq so Herodes qaltaq nmana't, cha'aye soomaye co'ollaxa ỹataqta pa'aguenaxau'.

Juan 18:28

Nache qaỹauec So Jesús, qaỹachegoxotchiguiña so lma' so Caifás da qaỹauega so lma' so nta'a Pilato. Qaq mashe yaqta'a co'ollaxa da yo'oxoñi, qaq nam judiopi saishet co'ollaxa da pa'aua'a so nqasoxoc so nta'a, cha'aye ivittaique da nshepaxan da nachaalataxac. Cha'aye da nache 'eetec de'era, nache saishet da dequi'iỹapegueua'a na nallec se'eso na'a'q maye le'enaxat Lapascua.

Jueces 15:12

Huaña nache somayepi 'enapec: Qomi' ñanaguenaq da 'am saconaxaua'a da yaqto' 'am sanaxam na filisteopi. Nache so Sansón 'enapec: Ñaq aỹem qaỹa'añim nagui ca qara'aqtaqui da saishet da nache qami' da qauauoitaique da aỹem qaualauache.