Mateo 27:19 - La'aqtaqa Ñim Lo'onatac 'Enauacna 2013

¹⁹ Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Nuevo Testamento Toba Sur

¹⁹ Qaq so Pilato co'ollaq ña nso'ootaña so l'onataxanqa', nachi aso lhua namaxai' da l'aqtac, 'eeta': “Sa ishit qome da 'aÿapegueu'a que'eca shiÿaxaua mayi no'on da lataxac, cha'ayi so pe ÿataqta qaica ca 'en'am da lchic so ichoxonaxac, souaxat camayi.”

Nuevo Testamento Toba Sombrero Negro

¹⁹ Mane'e ca'li Pilato maliaĝa netaue ga'me lejaliaĝaiqui, jañe'me loua yedenaqatena da'me 'laqatac enaac: “Ena'te aualequeten ga'me qo'yetec na'me jiyaĝaua jo'ne yataqatelegue, qa'a jepi'yaq chaqae'ta ga'me jechoĝona jouaĝat na'me nojo' jiyaĝaua.”

Mateo 27:19 Referans Kwoze

Mateo 27:24

Qaq so Pilato co'ollaq ila'a da saishet da ỹañoxot so shiỹaxauapi, nachaqrata da nquictasheguem somayepi da lliỹa't. Nache damaxasoxonaique so 'etaxat da qandoua'a, nache somaye ỹauaachigui naqa'en so shiỹaxauapi da iỹoi' naua lhua'q, nache 'enapeco': –Aỹem saishet da ỹasouaxashet da l-leuaxa de'era ỹale. Qami' maye qarasouaxashechi de'era.

1 Pedro 2:22

So Cristo saishet da huo'o ca lasouaxashet, qataq saishet da huo'o ca ỹatenachet.

Juan 19:13

Nache so Pilato co'ollaq hua'axaỹa de'era, nache damaxasoxoolec da qanqatec So Jesús. Nache somaye nso'ootaña som huaña da qanmit ca nasouaxashet, maye qaỹamata'ac da le'enaxat Gabata nam hebreo la'aqtaqa. Damaye naigui da ndotec na coma' ca napiaqa'.

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

1 Juan 2:1

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

Mateo 27:4

nache 'eetega somayepi, 'eeta': –Aỹem huo'o da ỹasouaxashet hueto'ot Ñim Lo'onatac 'Enauacna, cha'aye saneguet da nalaataguec So Jesús, qaq Somaye qaica ca ỹasouaxat. Qalaxaye somayepi 'enapeco': –Aque', ¡Damaye saishet da saqtegueua'a! ¡Damaye maiche 'arasouaxashet!

Mateo 2:22

Qalaxaye so José co'ollaq ỹaỹaten da so Arquelao, qoỹanagui da lo'onataxanaxac so lta'a Herodes da qaltaq ilo'ogue ye 'alhua Judea, nache somaye ỹataqta huo'o da lcolanaxa. Ime, nache so lamaxashec Ñim Lo'onatac 'Enauacna 'enapega so José huaigui so lo'ochaxa da taỹa ye 'alhua Galilea.

Mateo 2:19

Qalaxaye co'ollaq mashe ileu so Herodes, nache huaña ye Egipto da qaltaq nachaxana so José so lamaxashec Ñim Lo'onatac 'Enauacna, huaigui naqa'en so lo'ochaxa. Nache 'enapega, 'eeta':

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Números 12:6

nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

Génesis 31:29

Aỹem ishet taxa da huo'o ca qami' so'oteque qauem, qalaxaye so pe, aỹem detaxaỹot Ñim Natamnaxala' ca 'arta'a, nache 'eeta': Ñaq Aỹem 'ana'axaỹaxana, saishet qome da sa 'auchera'ape naua 'ara'aqtaqa qom qonapega so Jacob.

Génesis 31:24

Qalaxaye se'eso pe, nache Ñim Lo'onatac 'Enauacna, ỹachaigui so lchoxonaxac da nachaxana so Labán som arameo, nache 'enapego', 'eeta': «Ñaq aỹem 'ana'axaỹaxana, saishet qome da sa 'auchera'ape naua 'ara'aqtaqa da qonapega so Jacob.»

Lucas 23:41

Qomi' ỹoqta 'itchiguiñi dam qanque'eenaxac, cha'aye maiche sesheetenaqtac dam naigui nam so'otaqtacpi maye qauem. Qaq nam na' ỹale, qalaxaye saishet da huo'o ca ỹo'ot qauem.

Génesis 31:11

Qaq huaigui se'eso ichoxonaxac da so lamaxashec Ñim Lo'onatac 'Enauacna, iỹaxana da ỹe'enaxat, nache aỹem sasat, sheeta': ‹Aỹem sootai' ne'ena.›

Mateo 27:18

So Pilato ỹauo'o de'era lnataxanaxac, cha'aye somaye ỹaỹaten da som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som nataxala'pi yi'iye 'alhua, huo'o na ỹasaqteguelec 'eetega lasouaxashet So Jesús, cha'aye souaxat da lquiỹaxa.

Hechos 12:21

Nache so Herodes ỹauo'o so na'a'q maye laloqnec da anac naqa'en so shiỹaxauapi. Qaq co'ollaq ivita se'eso na'a'q, nache somaye ỹaayiñi soua alogo maye lataxau' da lo'onataxanaxac da nta'a, nache nso'ongui aso nso'onaxaqui, ỹataqta nlaqchigui da ño'oxonnaxac, nache ỹauo'o so ltaxaỹaxac.

Hechos 18:12

Qalaxaye so na'a'q co'ollaq lta'a nam netaña ye 'alhua Acaya so le'enaxat Galión, nache na judiopi maye lma' ye Corinto, huaxaỹa't da qanpa'aguena so Pablo. Nache qaỹaconeua'a somaye da qaỹauegueua'a aca lo'onataxanaxaqui so nta'a da yaqto' qanmit.

Hechos 18:16

Nache so Galión damaxasoxoolec da ỹamaqauec somayepi aso lo'onataxanaxaqui.

Hechos 18:17

Nache huo'o so judiopi da ỹaconeua'a so Sóstenes som ilotague' aca paxaguenaxaqui, nache ỹataqta iuaxaatac, ỹauaachigui naqa'en so nta'a Galión. Qalaxaye somaye saishet da iqochetega de'era.

Hechos 25:6

Nache so Festo hua'c da ivi' naua ocho na'axa'te da hueta'a ye Jerusalén. Ime, nache ỹe'eguelaxague da Cesarea, qaq so lỹa na'a'q, nache nqo'oneua'a aso lo'onataxanaxaqui, nache damaxasoxoneuga so Pablo.

Hechos 25:10

Nache so Pablo 'enapeco': –Aỹem mashe sootaigui mque' ana lo'onataxanaxaqui ca nta'a maye neta'ague da Roma, qaq nachena na huañactaxa da ishet da aỹem qanmit. Cha'aye 'am mashe 'auaỹateeta da aỹem qaica ca ỹasouaxashet da huo'otaq huetaigui na judiopi.

Hechos 25:17

Qaq ỹoqo'oye somayepi co'ollaq anac da naỹa ne'ena, nache aỹem sa saỹaloxonai' da so lỹa na'a'q, nache saua'a añi ỹo'onataxanaxaqui, nache samaxasoxoneuga ñi'iñi ỹale.