Mateo 26:75 - La'aqtaqa Ñim Lo'onatac 'Enauacna 2013

⁷⁵ nache so Pedro tachigui lauel da la'aqtac So Jesús co'ollaq, 'eeta': «Qom yaqta'a da nỹen ca 'olgaxa, qaq 'am mashe sogote qome da tres 'avi'eguelaxalec da qonetega da Aỹem sa 'auauatton.» Nache so Pedro pa'auec, nache ỹataqta nỹeetac, qataq ỹataqta lta'araic da laquicoxo.

Nuevo Testamento Toba Sur

⁷⁵ Nachi so Pedro tachigui yi lauel da l'aqtac so Jesús co'ollaq 'eeta': “Qom yaqta'a da noÿin ca 'olgaxa, qaq 'am mashi sogote qome da tres 'avi'iguelaxalec da qonetega da aÿim sa 'auauatton.” Nachi so Pedro pa'auec, nachi ÿataqta noÿiitac.

Nuevo Testamento Toba Sombrero Negro

⁷⁵ qama'le Pedro netouenalo gaa'me 'laqataqa ñe'me Jesús ca'li joote t'aqataĝanem: «Qom maliaĝa ja noyen ga'me olegaĝa, qama'le joote tres jayem anematapec.» Chane'eja ca'e ga'me ue'ta qama'le yataqachiñe noyen.

Mateo 26:75 Referans Kwoze

Mateo 26:34

Nache So Jesús 'enapeco': –Pedro, 'am saishet da 'eesa de'era 'ara'aqtac; cha'aye qom yaqta'a da nỹen ca 'olgaxa, qaq mashe tres qome da 'avi'eguelaxalec da qonetega Aỹem sa 'auauatton.

Juan 13:38

Nache So Jesús 'enapego' somaye, 'eeta': –¿Ỹoqta 'eesa peta'a da 'am lhuotta da Aỹem 'aỹa'aalec da 'anachaalataxac? Qalaxaye Aỹem ỹoqta 'eesa de'era 'am sa'aqtaxanem nagui, da qom yaqta'a da nỹen ca 'olgaxa, qaq mashe sogote da ivi' tres da 'avi'eguelaxalec da qonetega Aỹem sa 'auauatton.

Gálatas 6:1

Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

1 Corintios 4:7

Cha'aye ¿negue't ca 'am ỹanagui da 'anataỹaña na 'araỹepi? ¿Negue'to' ca saq chegoqo'ot Ñim Lo'onatac 'Enauacna na 'am hueto'ot? Qaq Ñimaye da 'am ỹanem na 'am hueto'ot, qaq ¿ta'ainco' ye 'ana'amaqteetac, 'eeta'amo' da 'enauac na 'am hueto'ot maiche 'ara'añaqteguishec?

Mateo 10:33

Qalaxaye da qaua'aqtaxañim na shiỹaxauapi da saishet da Aỹem qoquiitague', nache nataqa'en Aỹem sa'aqtaxanem Ñim Ita'a da saishet da Aỹem qoquiitague'.

Mateo 26:74

Nache so Pedro ỹataqta na'axannec da nqoleguettac, 'eeta': ¡Mashe qami' sa'aqtaxaateguema da saishet da sauatton de'era ỹale! ¡Ñim Lo'onatac 'Enauacna ỹauo'o qome ca ñeuaxanaguec da saishet da 'eesa de'era ñasaxauec! Nache co'ollaq ime da nasaxauec de'era nache nỹen so 'olgaxa,