Mateo 26:72 - La'aqtaqa Ñim Lo'onatac 'Enauacna 2013

⁷² Nache so Pedro qaltaq ỹe'eguelaxalec da nqoleguet, 'eeta': –¡Aỹem san da ỹa'aqtac da ỹoqta 'eesa da saishet da sauatton de'era ỹale!

Nuevo Testamento Toba Sur

⁷² Nachi so Pedro qaltaq ÿi'iguelaxalec da ÿoqta 'en naq'en da l'aqtac da nqolguet, 'eeta': –Aÿim sa ishit da sauatton de'eda shiÿaxaua.

Nuevo Testamento Toba Sombrero Negro

⁷² Qama'le Pedro yitaĝa nemanec, yataqachiñe ja yala'ac: —¡Ja jateton jenjo' jiyaĝaua!

Mateo 26:72 Referans Kwoze

Lucas 22:34

Qalaxaye So Jesús 'enapego' somaye, 'eeta': –Pedro, nagui 'am sa'aqtaxanem da ne'ena pe qom yaqta'a da nỹen ca 'olgaxa, nache 'am mashe tres qome da 'avi'eguelaxalec da 'anqoleguet da qonetega Aỹem sa 'auauatton.

Mateo 26:74

Nache so Pedro ỹataqta na'axannec da nqoleguettac, 'eeta': ¡Mashe qami' sa'aqtaxaateguema da saishet da sauatton de'era ỹale! ¡Ñim Lo'onatac 'Enauacna ỹauo'o qome ca ñeuaxanaguec da saishet da 'eesa de'era ñasaxauec! Nache co'ollaq ime da nasaxauec de'era nache nỹen so 'olgaxa,

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Zacarías 8:17

saishet da qauennacheetega da qauo'ochec ca qauem ca qarỹai, qataq saishet da saq'en ca qaỹa'añi qara'aqtaqui. Cha'aye aỹem ỹataqta seqaiga 'enauac de'era. Qaq 'era da ỹa'aqtac Aỹem Nataxala'.»

Isaías 48:1

Ña qana'axaỹaxañiỹa de'era qami' maye qami' llalaqpi so Jacob, maye qauacheetac da le'enaxat so Israel qataq qauachegoqoiguet so Judá, qami' maye qaỹa'añim naxa da qara'aqtaqui Ñim Nataxala' qataq qanatamñiitacot Ñim Natamnaxala' so Israel, na'aictaxa da saishet da ỹataqta qami' 'eesora qataq saishet da no'on da qarataxaqui,

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Mateo 26:71

Nache so Pedro co'ollaq pa'auec, qalaxaye aso lỹa namaxashe ỹauaategue, nache asomaye 'enapego' som hueta'a so qasoxoc, 'eeta': –De'era ỹale, damaye nataqa'en nnaictague' da Jesús maye Nazaret le'ec.

Mateo 26:73

Qaq co'ollaq qaỹata'ague de'era, nache som hueta'a se'eso qasoxoc, somayepi nqocheneua'a so Pedro, nache qoỹeetega, qoỹeeta': –Ỹoqta 'eesa da 'am nataqa'en 'araỹepi nam ca'attague' da Jesús, cha'aye naua 'ara'aqtaqa 'eeta'ama naua la'aqtaqa na Galilea le'ecpi.