Mateo 26:7 - La'aqtaqa Ñim Lo'onatac 'Enauacna 2013

⁷ Qaq co'ollaq ñaq deque'etac So Jesús, nache nvireuo aso 'alo nachetac so coraxat maye ỹataqta qaỹoqteua'a da qaisheenaxana. Nache nquigueua'a Somaye, nache icorelec na lqaic so coraxat.

Nuevo Testamento Toba Sur

⁷ Nachi nqochineu'a somayi aso 'alo, ÿachitac aso coma' l'enaxat alabastro, laÿi'ole na codaxat mayi ÿataqta qaÿoqteu'a. Qaq so Jesús co'ollaq datatalec so nqui'axala', nachi asomayi icodelec na lqaic som codaxat mayi ÿataqta ama na laita.

Nuevo Testamento Toba Sombrero Negro

⁷ qanach'ega ua'a ca'li 'uo jañe'me yauo yec'ata, yachitac ga'me yoĝoqui 'me davioĝon najaqachigui jaga'me lae't jo'ne qa' alabastro 'me yataqachiñe lajo'vi. Ca'li Jesús cha'li dajotalegue ga'me niqui'yaĝala' jaga'me yecodelegue ga'me laqaic ñe'me Jesús ga'me yoĝoqui 'me davioĝon.

Mateo 26:7 Referans Kwoze

Lucas 7:46

Nataqa'en saishet da 'aucorelec na ỹaqaic ca coraxat, qalaxaye añimaye icoreleguete naua ichel so coraxat ama na laita.

Isaías 57:9

«Ime qataq 'anqalgoqta'a so atamnaxala' Melec 'auachetac so aceite qataq som qalota coraxatpi, qataq 'auamaxa so ỹataqta qaỹoqta som 'artaxaỹaxanaxanecpi qataq iviraña 'anqa'en nam ỹataqta pa'aguiñi aso huachiqui.

Cantares 1:3

Ỹataqta ama da laitaỹaxac na 'ancoraxat, qataq da qanasaxauec da 'are'enaxat nache 'eeta'am na coraxat da huaỹoxon na ama laitaỹaxac. ¡Ỹoqo'oye ỹataqta 'am nqopita na qa'ampiolec!

Eclesiastés 9:8

Qataq 'enauaque qome naua na'axa'te da 'aỹa'aatrañi caua nogo lapagaxaiqa, qataq 'aucottalec qome na 'arqaic ca coraxat.

Salmos 133:2

'Eeta'am ca no'on coraxat maye qaicorelec na lqaic so Aarón, nache ivittaña da naguingui ana lqa' laue, anam lqa' laue somaye nache nviraña so loga't aso lapoto.

Eclesiastés 10:1

Aca lotaxañi leuaxai, na'aqchet cam no'on coraxat maye lo'onatac cam coraxat lo'o, qaq nache 'eetec ca saq 'amaqtaq no'oopashec cam nauotaxat, maye qoỹeetega ỹaanaxanaxaic, qataq huo'o naq 'enec.

2 Reyes 9:1

So na'aqtaxanaxanec Eliseo, iỹaxana co'ollaxa so 'oonolec som na'aqtaxanaxanecpi, nache 'enapega 'eeta': «Ñaq 'anaỹamaxat qome, nache 'anqo'ona ye Ramot maye huaigui ye 'alhua Galaad, nache 'auache aca ncoraxanaxat laỹe'.

Mateo 26:8

Nache soua lapaxaguenataqa co'ollaq ỹauaachiguilo de'era, nache dalematai'. Nache ỹauo'o da la'aqta'c, 'eetra': –¡Ỹataqta choche qaỹe'en dattaxa coraxat!

Marcos 14:3

So Jesús hueta'a ye nỹecpi ye Betania, netaña ca lma' so Simón maye nchega na lo'oc co'ollaxa. Qaq Somaye co'ollaq ñaq deque'etac, nache nvireuo aso 'alo nasoqta'a aso laỹe' so coraxat maye ỹataqta qaỹoqteua'a. Nache nquigueua'a So Jesús, ime, nache ilaxat aso laỹe' so coraxat, nache icorelec na lqaic So Jesús.