Mateo 26:69 - La'aqtaqa Ñim Lo'onatac 'Enauacna 2013

⁶⁹ Qaq co'ollaq ñaq qanayeetaigui de'era, nache so Pedro nso'ootañi, netauga so nqasoxoc so lma' so nta'a. Nache anac aso namaxashe nquigueua'a somaye nache 'enapega, 'eeta': –'Am nataqa'en 'annaictague' naxa da Jesús maye Galilea le'ec.

Nuevo Testamento Toba Sur

⁶⁹ Qaq so Pedro ña nso'ootañi, netauga so qasoxoc, nachi anac aso namaxashi. Nachi 'enapega somayi, 'eeta': –'Am nataq'en 'annaictague' da Jesús mayi l'ec yi Galilea.

Nuevo Testamento Toba Sombrero Negro

⁶⁹ Pedro neta'ña ga'me colenaqa', qama'le 'uo jaga'me nalemaĝajete yec'ata, enaac: —Am nach'e ena'am oquetapegue' ca'li ñe'me Jesús jo'ne Galilea le'ec.

Mateo 26:69 Referans Kwoze

Mateo 26:71

Nache so Pedro co'ollaq pa'auec, qalaxaye aso lỹa namaxashe ỹauaategue, nache asomaye 'enapego' som hueta'a so qasoxoc, 'eeta': –De'era ỹale, damaye nataqa'en nnaictague' da Jesús maye Nazaret le'ec.

1 Reyes 19:13

Nache so Elías co'ollaq hua'axaỹa somaye, nache nacona'a so lapo' da ỹapogui na lashec, nache pa'auec, nache hua'a so ñegueuo se'eso auac. Nache hua'axaỹa so na'aqtac, 'eeta': Elías, «¿negue't ca 'auo'ottac da qoueta'a ne'ena?»

Hechos 5:37

Qaq co'ollaq qaỹata'ague de'era, nache qaltaq huetoigui so na'a'q co'ollaq qoỹiyiñi 'enauac na shiỹaxauapi da qanaloqna't, nache nachaañi so Judas, Galilea le'ec. Qaq nache 'ena'am ỹataqta qalota na quegue somaye. Qalaxaye somaye nataqa'en qaỹalauat, nache 'enauac nam quetague'pi nlagaxattac.

Juan 7:52

Nache qoỹenapego' somaye, qoỹeeta': –¿'Am peta'a nataqa'en 'am Galilea le'ec? Ña 'anapaxaguenalo naua nanettraleguete ana la'aqtac lmalate Ñim Lo'onatac 'Enauacna, yaqto' ishet da 'auaỹaten da qaica ca la'aqtaxanaxanec Ñimaye da huo'otaq chegoqchiguiña co'ollaxa ye 'alhua Galilea.

Juan 7:41

Qataq huo'o na laỹepi 'eeta': –Damaye nachera da Lca'aguishec Ñim Lo'onatac 'Enauacna. Qalaxaye huo'o na laỹepi 'eeta': –¿Taloxocheyo' da chegoqchiguiña ye 'alhua Galilea cam Lca'aguishec Ñimaye?

Juan 1:46

Nache so Natanael 'enapeco': –¿Peta'a isheto' da huo'o ca no'on da lataxac da chegoqchiguiña ye Nazaret? Nache so Felipe 'enapeco': –'Aỹala, ña 'ameenaxana Ñimaye.

Mateo 26:3

Nache se'eso na'a'q nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam lataxala'pi na judiopi dataỹa't, huaña ca lma' so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, le'enaxat Caifás.

Mateo 21:11

Nache som shiỹaxauapi maye nnaictague' So Jesús, 'eeta': –¡Qomye damaye le'enaxat Jesús maye la'aqtaxanaxanec Ñim Lo'onatac 'Enauacna! Damaye chegaqa'a ye Nazaret maye huaigui ye 'alhua Galilea.

Salmos 1:1

Ỹataqta machiguiñi ca shiỹaxaua maye saishet da quegue da lqataxac na qauemaicpi, qataq saishet da quegue da llec na 'etaxaloxoicpi, qataq saishet da ỹalectegoigui na 'enaxanaxaicpi,

1 Reyes 19:9

Qaq huaña yemaye nache taigui so auac, nache huetaigui se'eso pe. Qalaxaye Ñim Nataxala' 'enapega somaye, 'eeta': «Elías, ¿negue't ca 'auo'ottac da qoueta'a ne'ena?»

Mateo 26:70

Qalaxaye so Pedro hua'aqchigui naqa'en 'enauac so shiỹaxauapi co'ollaq nqoleguet, 'eeta' –Aque', sa saỹaten dam 'aua'axattac.