Mateo 26:67 - La'aqtaqa Ñim Lo'onatac 'Enauacna 2013

⁶⁷ Nache huo'o na nqaigoxoigui na lashec Somaye, qataq huo'o na iuaxaatac. Qataq huo'o na iuaxanoigui na lashec.

Nuevo Testamento Toba Sur

⁶⁷ Nachi qanqaigoxoigui na lashic somayi, qataq qaiuaxaatac. Qataq huo'o na iuaxanoigui na lashic.

Nuevo Testamento Toba Sombrero Negro

⁶⁷ Chane'eja natoĝodelegue ga'me latajoĝoc, nataq'aen ye'uaĝa'n. Laqaya' ye'uaĝadoue jena'me latajoĝoc,

Mateo 26:67 Referans Kwoze

Isaías 50:6

San na ilaq da yaqto' aỹem qaỹalaqan qataq sa'aqta'a da qanapo'c naua iqa' laue. Qataq saishet da seltaxaneguet na ỹashec nam aỹem isheueetac qataq nam aỹem nqaigoqto'ot.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Juan 18:22

Nache So Jesús co'ollaq 'enapec de'era, nache som 'oonolec som huataxanaqpi maye ilotague' aso no'onaxanaxaqui late'erai maye ỹalectauo, somaye iuaxanoigui na lashec So Jesús. Nache 'eetega, 'eeta': –¿Nache qoneteco' de'era da 'aua'aqtaxanem ñim lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna?

Mateo 27:30

Qataq nataqa'en qanqaigoqto'ot, qataq qaỹacona aso coqta maye nasoqta'a, nache qaiuaxaatapigui na lqaic.

Marcos 14:65

Huaña, nache huo'o na nqaigoqot So Jesús, qataq huo'o na ỹaxachigui na lashec Somaye, nache iuaxaatac, qataq 'eetega, 'eeta': «¡Ña 'aua'axat, chaq negue't na 'am iuaxaatac!» Nache so huataxanaqpi maye ilotague' aso no'onaxanaxaqui late'erai somayepi pa'aiguet da iuaxaatac So Jesús, iuaxaatapoigui na lashec.

Mateo 5:39

Qalaxaye nagui Aỹem shenapec: Saishet da qaue'enaxachiỹa'aguet cam huo'o ca qami' ỹo'oteque. Nachaqrata da huo'otaq huo'o ca iuaxangui ana 'oiguishe 'aramelque, nache qonapega da iuaxangui ana lỹa 'aramelque.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Juan 19:3

Qaq co'ollaq ime, nache qanquigueua'a Somaye, nache qoỹeetega, qoỹeeta': –¡La', 'am maye 'am Lta'a na judiopi! Nache qaiuaxaatapigui na lashec.

Marcos 15:19

Nache so huataxanaqpi iuaxaatapigui na lqaic Somaye, irotega na 'epaq qataq nqaigoqto'ot qataq ỹa'atto'oto naua nllecte da 'eeta'am naqa'en ca huo'o naq 'enec.

Lamentaciones 3:30

qataq ỹanem ana lỹa lamelque cam anac da iuaxangui, qataq ỹaconeguet cam lta'araic nsheunaguec.

Isaías 52:14

Qaq dam 'eetec da qalota nam ỹa'aalac ñimaye, co'ollaq ỹauaachigui da sa nateneuo da lasheguiỹaxac, qataq deqat 'enauac dam lataxac cam shiỹaxaua,

1 Corintios 4:13

Qomi' qaỹasaxaleguete naua ntaxaỹaxaco sa ỹaỹamaxaayiñi, qalaxaye da sasataxaguet qalaq seroxoguet da ỹaỹamaqchiguiñi. Qaq nagui ñaq 'eetalec da qomi' qaỹe'enaxatteguema ca lasogoñi, huo'otaq na lte nam ỹasaxauec na shiỹaxauapi.

Marcos 10:34

yaqto' namayepi qome ỹataqta Aỹem ỹe'en, qataq nqaigoqtaigui na ỹashec, ime, nache Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Miqueas 5:1

Qalaxaye nagui 'am Jerusalén, ña 'auqataxanai' ca 'arpaqtaxanaxat, cha'aye mashe 'am qaicoleesop, qataq sa qaỹala'ac qome da qaiuaxan ñi lataxala' na Israel le'ecpi.

Lamentaciones 3:45

Nache qomi 'auo'oteque da ỹataqta qomi' qaiqaigalo, shenaqta'am ca lasogoñi, da salegaqta'aguet na shiỹaxauapi.

Jeremías 20:2

nache damaxasoxoolec da qaiuaxan qataq qaicoñerai', qoỹanagui so ncoñetaxanaxat 'epaq maye naña so lta'araic nasom so Benjamín maye saqaỹapeque aso atamnaxaqui.

1 Reyes 22:24

Huaña, nache so Sedequías, som llalec so Quenaná, ca'ata so Micaía, nache iuaxanoigui na lashec, nache 'eeta': Che ¿hua'ago' ca tateuga se'eso lamaxashec Ñim Nataxala', co'ollaq aỹem ca'ai da yaqto' 'am detaxaỹot?

Deuteronómio 25:9

nache acamaye taỹa que'eca llo'oxoua, ỹauaachigui naqa'en ca nqueroxonecpi da nqat ca lỹa lapela' camaye, qataq nqaigoxoigui na lashec camaye, nache 'enapega, 'eeta': ¡'Era da qoỹeetec ca ỹale da sa nashen da nauaxaỹaxaasheguem ca chegoxoguetpi ca lqaỹa maye mashe ileu!

Números 12:14

Nache Ñim Nataxala', 'eeta': «So 'arta'a taxa da nqaigoxoigui na lashec aramaye, nache aramaye ivi' caua siete na'axa'te da nqañoxooñi souaxat da lcoxo. Qaq ỹoqo'oye aramaye ca'ai qome qanqa'en na qanayeuta'a nanataqa', qaq da inoxoorec caua siete na'axa'te, nache ishet da qaltaq ñe'eguelaxauo.»

Mateo 26:68

Nache qoỹeetega, qoỹeeta': «'Am maye 'am Lca'aguishec Ñim Lo'onatac 'Enauacna, ¡ña 'aua'axat negue't na 'am iuaxaatac!»