Mateo 26:65 - La'aqtaqa Ñim Lo'onatac 'Enauacna 2013

⁶⁵ Nache co'ollaq hua'aqchigui de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache ncolaxata'aisalo soua alogo da la'anaxat da ỹataqta dalemata, nache 'enapeco': –¡De'era ỹale, damaye ỹataqta isheueetac Ñim Lo'onatac 'Enauacna! Mashe qaica ca lỹa shiỹaxaua da seuenaq da da'aqtaxan. Cha'aye damaye 'eetega da nachera dam Lo'onatac 'Enauacna.

Nuevo Testamento Toba Sur

⁶⁵ Nachi som lta'a na lataxala'pi na ntaxaÿaxanaxanecpi, somayi icolaxata'aguelo naua alogo. Damayi naigui dam 'eeta lta'adaic. Nachi 'enapeco': –De'eda shiÿaxaua, damayi naua l'aqtaqa ÿataqta npa'agueneto ñi Dios. ¿Negue'tom ca lÿa shiÿaxaua seuenaq da da'aqtaxan? Cha'ayi qami' qau'aqaichigui da l'aqtac da ÿataqta npa'aguene' ñi Dios.

Nuevo Testamento Toba Sombrero Negro

⁶⁵ Chane'eja ñe'me p'ajaye lejaliaĝanec ga'me tamenaĝaiqui lo'olpi yecolaĝata'aguelo gaa'me leuo, qama'le enaac: —¡Ye'uetac ñe'me Dios! ¿Teua'atoqo' jouenaqatapiye gaa'me choqotaĝanaĝayaqa laqaya'? Ami yataqachiñe auomachiiyalo daa'me 'laqataqa 'me 'leuenaĝanaĝaco;

Mateo 26:65 Referans Kwoze

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Juan 10:33

Nache somayepi 'enapeco': –Saishet da 'am sasaxasoq na coma' da souaxat cam ỹaỹamaqchiguiñi 'auo'ottac. Maye 'am sasaxasoq, souaxat da naua 'ara'aqtaqa ỹataqta da sa iyacna'ape Ñim Lo'onatac 'Enauacna. Qamaq 'am choche 'am ỹale, qalaq qonetega da qoneta'am Ñimaye.

Mateo 9:3

Qaq huo'o som ỹalectauopi nam dapaxaguenataxaatapeguec na lamaxasoxonaxacpi so Moisés da lhuennataxac, 'eeta': «¿Negue't ca ipettega de'era ỹale? ¿'Eetega peta'a da nachera dam Lo'onatac 'Enauacna? ¡Damaye ỹataqta mpa'aguene' Ñim Lo'onatac 'Enauacna!»

Jeremías 36:24

Qaq so nta'a, qataq so 'amaqtaqaicpi ltauapi somaye maye na'axaỹaxaatega co'ollaq qaitaxaỹaxaatac aso nere, somayepi saishettaxa da choche nomteguet ca lcolanaxa, qataq da ỹo'ot ca la'anaxat da nqui'ic.

Números 14:6

nache so Josué maye llalec so Nun, qataq so Caleb maye llalec so Jefone maye nqo'oora co'ollaxa da imete'n yi'iye 'alhua, soomaye icolaxata'aguelo soua alogo souaxat da nqui'ic,

Hechos 14:14

Qalaxaye soua Jesús lamaxa'she Bernabé qataq Pablo co'ollaq nomalo de'era, nache soomaye ncolaxata'aisalo naua alogo, da ỹachaxa'n da lqaigaqa' dam ỹo'ot nam shiỹaxauapi. Ime, nache tayingui na laiñi, nache ỹa'alaqtai'salo, 'eetra':

Lucas 5:21

Nache nam dapaxaguenataxaatapeguec na namaxasoxonaxacpi maye chegoqo'ot so Moisés qataq na fariseopi deuennataxaatac, 'eeta': «¿Negue't cam ipettega dam da'? ¡Da nasaxauec la'aqtac ỹataqta dataỹa'aguet Ñim Lo'onatac 'Enauacna! ¡Nachaqñita Ñimaye da ishet da ỹapalaxat ca nasouaxashet!»

2 Reyes 18:37

Huaña nache so Eliaquín, maye ilotague' naxa so nma' lta'araic, qataq so Sebna, som neraxanaxanec maye ỹettapiguiñi 'enauac nam ỹo'otpi so nta'a, qataq so Yoaj, maye leraxanaxanec so nta'a, soomaye ỹataqta daquigoi' co'ollaxa, nache ncolaxata'aisalo soua alogo, nache nqo'ooreua'a so Ezequías da da'aqtaxaarem nam la'aqtacpi so 'amaqtaqai nataxala' maye Asiria le'ec.

Levítico 21:20

huo'otaq vi'iỹa'a't, huo'otaq huaxarenaqolec, huo'otaq 'omaleguete naua la'ai'te, huo'otaq quesaxaic, qalqo' huo'o ana nasheguem na lo'oc, huo'otaq da qauema naua lola.