Mateo 26:64 - La'aqtaqa Ñim Lo'onatac 'Enauacna 2013

⁶⁴ Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

Nuevo Testamento Toba Sur

⁶⁴ Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

Nuevo Testamento Toba Sombrero Negro

⁶⁴ Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Mateo 26:64 Referans Kwoze

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Marcos 14:62

Nache So Jesús ỹasateguet somaye 'enapeco': –Aja', Nachaỹem. Qaq qami' qauloỹa'aguet qome Aỹem Shiỹaxaua Llalec, da ñanac da sootalec ca lo'oc na piguem, ñanactaigui da la'añaxac qataq da 'enec Ñim Lo'onatac 'Enauacna maye qaica ca ỹaqalanapec.

Salmos 110:1

Ñim Nataxala' 'enapega ñim ỹataxala', 'eeta': «'Anso'ootaña qome da pa'aigue na aỹoic, nache ivitta'a qome da hueto'oto ñaqa'en naua 'arapia'ate na 'ampa'aguenaxauapi.»

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Lucas 21:27

Huaña qome, nache qaila'a Aỹem Shiỹaxaua Llalec, sootalec ca lo'oc na piguem ỹataqta qaica ca 'ena'am da ỹa'añaxac qataq da ỹo'oxoyec.

Mateo 24:30

Huaña, nache 'enauac da qaila'a na pa'asheguem ca la'anaxat da Aỹem Shiỹaxaua Llalec qaltaq ñe'eguelaq. Nache 'enauac qome na ỹotta'a't shiỹaxauapi ana 'alhua ỹataqta iviloxolaqchet da lcolanaxa qom Aỹem ila'aguet da ñanactaigui ca lo'oc na piguem, ỹataqta lta'araic da ỹa'añaxac qataq da ỹo'oxoyec.

Mateo 26:25

Nache so Judas, maye nacheso so ỹaneuo co'ollaxa So Jesús, nataqa'en denataxano', 'eeta': –'Am Napaxaguenataxanaq, ¿peta'a nachaỹem? Nache So Jesús 'enapeco': –Aja', nache 'am.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

1 Ts 4:16

Cha'aye Ñim Lo'onatac 'Enauacna qom 'enapega so lataxala' na lamaxashecpi piguem le'ecpi, nache sa'axasoxoỹa aca nasheere da ỹa'axat So Qarataxala' da huenoteeguesop na piguem, nache na da'amqaanataxan co'ollaq saxanaxa da ileu, nachena na la'auaxanec da nca'alec.

Hechos 1:11

Qaq se'esoua ỹale't 'ena'apo': «Qami' Galilea lashe', ¿ta'ainco' ye qauloito'ot na piguem? Se'eso Jesús maye qami' nallegoqtoiguilo, taigue da piguem, Somaye qome qaltaq ñe'eguelaq. Qaq que'eca lle'eguelaxasoxoc, nache 'eeta'am qome de'era llecỹaxac maye qauauañiichigui.»

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Lucas 22:70

Ime, nache 'enauac qaimalec da qainattac, qoỹeeta': –¿Nache'am, peta'a 'am Llalec Ñim Lo'onatac 'Enauacna? Nache So Jesús 'enapeco': –Aja', Nachaỹem, nachera dam qoñiỹapec.

Mateo 27:11

So Jesús co'ollaq mashe datato'ot so Pilato, nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Romanos 14:10

Qaq ỹoqo'oye saishet da qoquiiteguelec na laỹepi qara'amqaanataxanaxauaipi qataq saishet da qauo'otañi, cha'aye 'enauac da shenaqta qome qomi' nmi't Ñim Lo'onatac 'Enauacna.

Isaías 19:1

Qaỹa'axata'a dam talec qome ye Egipto. Ña qauloỹeeguet nam Nataxala', netalec na ỹataqta qayaqaic lo'oc na piguem da naỹa'a ye Egipto. Qaq nam atamnaxala'pi ye Egipto qalaq iviloxol qom nvi' namaye, qataq nlaxagui qome da lli'iỹaxa ye Egipto le'ecpi.

Mateo 8:20

Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Mateo 16:28

Qaq ỹataqta 'eesa de'era qami' sa'aqtaxanema, da huo'o qome ca 'oonolec da qoñiita maye ỹalectauo nagui cam saishet qome da ileu, qom saxanaxa da ilogui da selo'ogue 'enauacna.»

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Lucas 22:69

Qalaxaye Aỹem Shiỹaxaua Llalec, mashe yaqta'a da ñeso'oota'ague da aloic Ñim Lo'onatac 'Enauacna maye qaica ca ỹaqalanapec.