Mateo 26:61 - La'aqtaqa Ñim Lo'onatac 'Enauacna 2013

⁶¹ Qaq choche ivitta'a da huo'oi soua dos ỹale't da 'ena'apo': «De'era ỹale 'eetega ishet da ilaxachigui añi no'onaxanaxaqui late'erai maye lalamaqte Ñim Lo'onatac 'Enauacna, qaq da qaltaq no'oxoosheguem, nache tres na'axa'te, nache imat.»

Nuevo Testamento Toba Sur

⁶¹ Nachi 'ena'po': –De'eda shiÿaxaua huo'o so na'a'q nachi 'eeta': “Aÿim seshit da ñilaxajñi ñi'iñi lauo' ñi Dios, qataq ishit da ñi'oxooshiguem tres na'axa'te, nachi ime ñaq'en.”

Nuevo Testamento Toba Sombrero Negro

⁶¹ jo'ne enapega't: —Jenjo' jiyaĝaua enaac quelqaya: «Jaqanatet ta'le japalaĝat ñe'me tamenaĝaiqui 'me Dios loĝot nataq'aen yitaĝa 'ñedijeguem tres noloqo'ote qama'le jomat.»

Mateo 26:61 Referans Kwoze

Mateo 27:40

Nache qoỹeetega qoỹeeta': «'Am maye qonetega co'ollaxa da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres na'axa'te, nache qaltaq 'aumat. ¡Qaq nagui da 'eesa da lta'araic da 'ara'añaxac, nache maiche 'anca'alaxaala't! ¡Qataq da ỹoqta 'eesa da 'am Llalec Ñim Lo'onatac 'Enauacna, qaq 'aunoteeguesop qome na 'am qaiuaxaata'aguet!»

Marcos 15:29

Nache nam shiỹaxauapi maye quetague' se'eso nqa'aic maye saqaỹapeque ye hueta'a Somaye, namayepi isheueetac So Jesús qataq ỹe'eetac qataq iconnaxaatac na lqaic. Nache 'eetega Somaye, 'eeta': «¡'Ah! 'Am maye qonapec da ishet da 'aulaxachigui añi no'onaxanaxaqui late'erai, qaq da 'ano'oxoosheguem, nache tres caua na'axa'te, nache qaltaq 'aumat.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Isaías 49:7

Ñim Nataxala' maye Ca'alaqtaxanaxaic, Ñim Qui'itta natamnaxala' na Israel le'ecpi, 'enapega na shiỹaxauapi maye ỹataqta saq qaiyacnapec, nam lqaigaxat na laỹepi shiỹaxauapi, nam l-latac co'ollaxa nam qaica ca ireetacpi Ñimaye, 'eeta': «Qom 'am ila'a na nta'alpi qataq nam 'amaqtaqaicpi, nache nachaañi qome qataq 'am ỹa'aroto naua l-llecte, cha'aye Aỹem Nataxala', maye Qui'itta natamnaxala' na Israel le'ecpi, 'am lleca'aguishec co'ollaxa, qaq sepacchigui qome nam sachaxanapecpi.»

Hechos 22:22

Huaña, nache tachiguiña da saishet da qana'axaỹaxana. Nache so shiỹaxauapi ỹataqta ỹa'alaqtagui, 'eeta': –¡No'on da qaỹalauat de'era ỹale! ¡Saishet da nache 'eetai' da nca'altauec!

Hechos 18:13

Nache qoỹenapego' so nta'a, qoỹeeta': –De'era ỹale, damaye quetapegueua'a na shiỹaxauapi, da yaqto' natamnot naqa'en Ñim Lo'onatac 'Enauacna, qalaxaye dam lataxac da ño'oxonnataxanaxac ỹataqta npe'eneguet na maiche qanqataxacpi.

Hechos 17:18

Qaq huo'o nam ỹaanaxanaxaicpi maye ỹa'amaqten qataq 'eetega, dam ỹataqta huo'o naq naigui de'era achaalataxac, nachera da namaxayec. Qataq huo'o so laỹepi ỹaanaxanaxaicpi da ỹapaxagueetac na shiỹaxauapi da nllañi da lo'ocỹaxac da yaqto' saishet da ỹo'ot ca qauem. Nache namayepi huo'o na 'eeta': –¿Negue't da qomi' ỹa'axattapeguema dam da' ỹale, ye ỹapactec da ltaxaỹaxac? Qataq huo'o na 'eeta': –Damaye 'eeta'am da ỹa'axattapeguec cam lỹa 'añaxaic. Qaq 'eetec de'era somayepi, cha'aye so Pablo ỹa'axattac dam no'on na'axaỹaxac maye na'aqtaguec So Jesús qataq da 'eetec da qaltaq nca'alec ca shiỹaxaua.

Juan 9:29

Cha'aye qomi' saỹaanaqta da Ñim Lo'onatac 'Enauacna, detaqtague' co'ollaxa so Moisés. Qaq se'eso ỹale, qomi' saishet da saỹaanaq cam chegaqa'ague.

Lucas 23:2

Huaña, nache somayepi ỹauo'o na ỹasaqteguelec da 'eetega lasouaxashet Somaye, 'eeta': –Qomi' selaqalec de'era ỹale da ỹataqta taỹa't naqa'en na qarhuo' le'ecpi. Qataq 'eetega da saishet da sesheetenaq ñi lta'a na nta'alpi maye netaña ye Roma, qataq 'eetega da nachera dam Lca'aguishec Ñim Lo'onatac 'Enauacna.

Mateo 26:71

Nache so Pedro co'ollaq pa'auec, qalaxaye aso lỹa namaxashe ỹauaategue, nache asomaye 'enapego' som hueta'a so qasoxoc, 'eeta': –De'era ỹale, damaye nataqa'en nnaictague' da Jesús maye Nazaret le'ec.

Mateo 12:24

Qalaxaye huo'o nam ỹalectaigui na fariseopi co'ollaq hua'axaỹa na shiỹaxauapi, nache 'eeta' da lhuennataxac: «De'era Jesús ỹo'ottapeguec na saqcha'a na'añaxac leguemaxaicpi maye netaigui na shiỹaxauapi, cha'aye so Beelzebú maye lataxala' nam saqcha'a na'añaxacpi nacheso so ỹami' da la'añaxac damaye da yaqto' ỹo'ot de'era.»

2 Reyes 9:11

Qaq so Jehú, co'ollaq tauga da qaltaq dataiguet so ltauapi, nache somayepi inato' somaye, 'eeta': ¿Ta'ainco', peta'a huo'o ca machaqca? ¿Negue't ca 'eetapeguec se'eso huo'o da aloic? Nache so Jehú 'enapeco': Qami', mashe qauauattoñi mque' somaye, qataq da lataxac naua la'aqtaqa.

1 Reyes 22:27

Nache qoñiỹapegalo caamaye da maiche ỹa'aqtac da qaỹapoua'a, qoỹanaigui aca ncoñetaxanaxaqui, qataq da qaiquia'axan, nache ndotec aca nauole, qataq 'etaxat ca qoỹaata'am, ivitta'a qom qaltaq ye'eguelaq da qaica cara, da ñachaalataxac.

Génesis 19:9

Qalaxaye somayepi 'enapeco': «¡Ñaq qoca'ai ne'ena! Maye isheto' peta'a da ca chegaqauec maye 'eeta'am 'am, da qomi' ỹama'q. Qaq nagui qalaq ỹactec da saishet da 'am seyacnaqapec, nache saishet da qoneta'ama ñeqa'ena'q caamaye.» Nache somayepi saỹaỹaloxon da sa icherapec so Lot, nache nquigueua'a so lasom da yaqto' ỹamaxañi,

Mateo 26:62

Nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapego' So Jesús, 'eeta': –¿'Aua'aqchigui dam 'am qaỹasaxalec 'arasouaxashet? ¿Ca 'eetec ca 'ara'aqtac da 'anhueela't?

Mateo 27:5

Nache so Judas ỹasaxaigui aso no'onaxanaxaqui late'erai aso anompi. Ime, nache jec, nache maiche icoñerot na lqosot da nalaala't.

Marcos 14:58

«Qomi' sa'axasoqchigui da Jesús da 'eetega ishet da nlaxaañi añi no'onaxanaxaqui late'erai maye qaro'onata. Damaye 'eetega da ishet da tres na'axa'te, nache ishet da qaltaq no'oxoosheguem aca lỹa no'onaxanaxaqui, sa iuen da huo'o ca itauan.»