Mateo 26:55 - La'aqtaqa Ñim Lo'onatac 'Enauacna 2013

⁵⁵ Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.

Nuevo Testamento Toba Sur

⁵⁵ Nachi so Jesús 'enapego' so shiÿaxauapi, 'eeta': –¿Tá'ainco' qami' yi qauauoita'alo naua qainaqalli' qataq naua qanpo'ñilli', da aÿim qañi'iguiñiÿauga, 'eeta'amo' da aÿim cachaxaic? Qamaq 'enauaque naua na'axa'te ñiso'ootanguilo qami', sapaxaguenataxaatac da sootaigui añi n'onaxanaxaqui late'edai, qalaq ¿tá'ainco' yi aÿim sa qauacoñiu'a da aÿim qaucoñiyi?

Nuevo Testamento Toba Sombrero Negro

⁵⁵ Paja'a Jesús yachimaĝatalo joga'me jiyaĝadipi: —¿Toqoch'e anachiyi' naa'me adedaĝanaqachidi' da'me auanaeyiquena nataq'aen naa'me anepo'ñedi' da'me jayem auecoñediye, ena'am ta'le jayem cachaĝaic? Yemeda naa'me noloqo'ote da'me jouetaue ga'me tamenaĝaiqui da'me japaĝaguenataĝatapegoue, qalaĝaja qaya'te ua'a ta'le jayem auecoñediye.

Mateo 26:55 Referans Kwoze

Juan 8:2

Qaq so ña nte'etom so lỹa na'a'q, nache Somaye qaltaq ỹe'eguelaxaua'a aso no'onaxanaxaqui late'erai. Nache 'enauac na shiỹaxauapi nquigueua'a, nache Somaye nso'ooñi, nache ỹapaxaguen somayepi.

Marcos 12:35

Qaq co'ollaq ñaq dapaxaguenataxaatac So Jesús huaigui aso no'onaxanaxaqui late'erai, nache Somaye denataxan, 'eeta': «¿Chaq ta'ainec nam dapaxaguenataxaatapeguec na namaxasoxonaxacpi ye 'eetega da ca Lca'aguishec Ñim Lo'onatac 'Enauacna, camaye chegoxoguet so nta'a David?

Juan 7:28

Qaq co'ollaq hua'aqchigui de'era So Jesús maye dapaxaguenataxaatapoigui aso no'onaxanaxaqui late'erai, nache ỹataqta na'axannec da la'aqtac, 'eeta': –Ỹataqta 'eesa da Aỹem sa qauauattoñi, qataq sa qauaỹaañi cam sachegoqta'ague. Aỹem saishet da maiche ñallegoxottela't da ñanac, cha'aye Aỹem lamaxashec Ñim ỹataqta 'eesa, Ñim qami' saishet da qauauattoñi.

Juan 7:14

Qalaxaye co'ollaq mashe laiñi soua naponaxaqui', nache So Jesús taigui aso no'onaxanaxaqui late'erai, nache dapaxaguenataxan.

Mateo 21:23

Nache So Jesús huenoxoneua'a aso no'onaxanaxaqui late'erai. Qaq co'ollaq ña dapaxaguenataxaatac, nache nqo'oneua'a Somaye som lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq som nqueroxonecpi maye lataxala'pi so judiopi. Nache inattac Somaye, 'eeta': –¿Negue't cam 'am ỹanem da 'ara'añaxac da huo'omshe 'auo'ot 'enauac de'era?

Mateo 26:47

Qaq co'ollaq ñaq detaqtac So Jesús, nache nvi' so Judas, som 'oonolec soua doce lapaxaguenataqa. Qaq somaye ỹataqta qalota so nnaictague' ỹalleppi na'atchigui na lainec qataq na npon 'epaq. Somayepi nache lamaxashecpi som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam nqueroxonecpi maye lataxala' na judiopi.

Marcos 10:1

So Jesús ca'ai ye Cafarnaúm, nache nqo'ona ye 'alhua le'enaxat Judea qataq yem 'alhuapi maye pa'aigue da nala' lliguisheguem so tala Jordán. Huaña yemaye, nache qalota so shiỹaxauapi qaltaq laponeua'a ca hueta'a. Nache Somaye qaltaq dapaxaguenataxaatac, cha'aye maiche lataxac naxa.

Lucas 4:20

Ime, nache So Jesús lapaxa't aso nere, nache ỹami' som ilotague' asom napaxaguenaxaqui na judiopi. Ime, nache nso'ooñi, nache 'enauac nam huetaigui asom paxaguenaxaqui ỹataqta ilochigui Somaye.

Lucas 19:47

Nache 'enauaque se'esoua na'axa'te So Jesús dapaxaguenataxaatac, huetaigui aso no'onaxanaxaqui late'erai. Qalaxaye nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, qataq nam lataxala' na judiopi, namayepi ilotaique ca lataxac da ishet da ỹalauat So Jesús.

Lucas 20:1

Qaq huo'o so na'a'q co'ollaq So Jesús huetaigui aso no'onaxanaxaqui late'erai da ỹapaxagueetac so shiỹaxauapi, qataq ỹa'axattac da no'on na'axaỹaxac. Nache nvireuo som nqueroxonecpi maye lataxala' na judiopi qataq nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi.

Juan 8:20

Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.