Mateo 26:53 - La'aqtaqa Ñim Lo'onatac 'Enauacna 2013

⁵³ ¿Sa qauaỹachiñiỹo' da Aỹem ishet da seỹaxanot ñi Ita'a da Aỹem itauan, qaq Ñimaye ishet da Aỹem namaxa ca napacalec ca setenta mil maye lamaxashecpi?

Nuevo Testamento Toba Sur

⁵³ ¿Sa qauaÿajñiÿo' da aÿim ishit da seÿaxanot ñi ita'a, nachi ñimayi ishit da aÿim namaxa nagui ca napacalec ca doce mil lamaxashic piguem l'ecpi?

Nuevo Testamento Toba Sombrero Negro

⁵³ ¿Qo'li ja auayaten queda'me jaqanatet ta'le ñachoĝodenot ñe'me Taĝadena' qaedi jayem namaĝalo gaa'me doce lejaliaĝanaqa joga'me piyem laje'pi?

Mateo 26:53 Referans Kwoze

Mateo 4:11

Nache so pa'aguenataxanaxaic, somaye ca'ai So Jesús, nache saqaỹaloq da anac so lamaxashecpi Ñim Lo'onatac 'Enauacna da huetague' So Jesús.

2 Reyes 6:17

Nache so Eliseo, nqouagaxaunot Ñim Nataxala', 'eeta': «'Am Nataxala', 'am ñachoxonnot da nauachiguilo 'anqa'en naua la'ai'te da ỹamaxashec Guejazí, yaqto' nauaañi.» Nache Ñim Nataxala' ỹauachiguilo naua la'ai'te so lamaxashec so Eliseo. Nache somaye ila'a aye qasoxonaxapi da ỹataqta imattalec so qalota alleppi maye netalec na caaỹo, qataq na netangui aso nnaigonapi maye nalaataxaquipi maye 'ettaigui, nache coleesop ye hueta'a so Eliseo.

Lucas 8:30

Nache So Jesús inat se'eso ỹale, 'eeta': –¿Ca 'eetec ca 'are'enaxat? Nache somaye 'enapeco': –Qomye ỹe'enaxat Qalota. 'Enapec de'era, cha'aye ỹataqta qalota so saqcha'a na'añaxac leguemaxaicpi, netaigui somaye.

Daniel 7:10

qaq nache chegoqtegueua'a somaye so la'auaxac na norec. Qataq do'onataxaatacot somaye som qalota maye sa qaivi' da naloqten. Qaq so qanayecot so ntaxaỹaxac nache qaỹauachigui aso nerepi.

Judas 1:14

So Henoc som huetoigui da siete nqochen na llalaqpi so Adán, somaye ỹa'axata'a co'ollaxa ne'ena shiỹaxauapi co'ollaq 'eeta': «Ñaq qauloỹa Nam Lo'onatac 'Enauacna anacta, nnaictague' na qalota maye saishet da qaivi' da qanaloqten lamaxashecpi piguem le'ecpi.

2 Ts 1:7

Qaq So Qarataxala' Jesús, qom ñe'eguelaq chegoqtot na piguem, nactaigui na le'eraxa ca norec qataq nnaictague' ca 'añaxaicpi lamaxashecpi piguem le'ecpi. Nache Ñim Lo'onatac 'Enauacna qami' ỹanema ca qaramaicỹaxaqui 'eeta'am da 'eetec naqa'en da shenaqta.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Marcos 5:9

Nache So Jesús inat somaye, 'eeta': –¿Ca 'eetec ca 'are'enaxat? Nache somaye ỹasat, 'eeta': –Aỹem ỹe'enaxat da Qalota, cha'aye shenaqta'am ca qalota alleppi da sonaqtaigui ne'ena ỹale.

Marcos 5:15

Qaq co'ollaxa qaivita ca hueta'a So Jesús, nache qaila'a so ỹale maye huo'o co'ollaxa so netaigui saqcha'a na'añaxac leguemaxaicpi da nso'ootañi, somaye mashe huo'oi soua alogo qataq ỹataqta ỹaỹamaqta. Nache so shiỹaxauapi ỹataqta ñi'i.

Juan 10:18

Qaica ca ishet da deuotaxanec de'era ñachaalataxac, qalaxaye maiche Aỹem chegoqchigui da san damaye. Qaq Aỹem huo'o da shenec da san damaye, qataq da ñe'eguelaxaala't. Qaq 'era dam Aỹem ỹamaxalec Ñim Ita'a.

Juan 18:36

Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.