Mateo 26:52 - La'aqtaqa Ñim Lo'onatac 'Enauacna 2013

⁵² Qalaxaye So Jesús 'enapega somaye, 'eeta': «'Oxot na 'ainec, cha'aye ca dalaataxana ca ỹeelonec, nache camaye qaira'a nataqa'en ca ỹeelonec da qaỹalauat.

Nuevo Testamento Toba Sur

⁵² Nachi so Jesús 'enapega somayi, 'eeta': –'Ai'oxot qome na 'ainec. Cha'ayi 'enauac qome nam huota'a na lainec da deloqui, nachi namayipi qaÿauota'a ÿiilonec da qaÿalauat.

Nuevo Testamento Toba Sombrero Negro

⁵² Jesús enaac: —A'viyelaĝatoue na'me lae't na'me adedaĝanaĝat. Qa'a gaa'me jo'ne e'n naa'me ledaĝanaqa'te da'me deloiqui'tape, nach'e ena'am qoyalateque joga'me daĝanaqa'te.

Mateo 26:52 Referans Kwoze

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Génesis 9:6

Da huo'otaq huo'o ca ỹalauat ca lỹa shiỹaxaua, nache ca lỹa shiỹaxaua ỹalauat qome camaye, cha'aye co'ollaq qaỹo'ot so shiỹaxaua, nache 'eeta'am qanqa'en da lataxac Ñim Lo'onatac 'Enauacna.

Romanos 12:19

Qami' ỹaqaỹarolqa, saisheto' qome da qavi'enaxachiỹa'aguet ca qauem maye qami' qaỹo'oteque. Nachaqrato' qome da qauaqaita'a da Ñim Lo'onatac 'Enauacna maiche huapegue' da ỹauo'o ca nhuaxanaguec nam qauemaicpi. Cha'aye ana nere maye huetalec na la'aqtacpi Ñimaye nanettalec da la'aqtac, 'eeta': «Aỹem maye Nachaỹem so'ot ca nhuaxanaguec ca shiỹaxaua, Nachaỹem maye sami' cam 'itchiguiñi nhuaxanaguec ñi 'oonolec.»

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Salmos 55:23

Qaq 'Am Ñatamnaxala', na laataxanaxaicpi qataq tenataxanaxaicpi, saishet da nache 'eetai' 'anqa'en da nca'altauec, saishet da ivira'a 'anqa'en ca laiñi da nachaalataxac, namayepi tangui 'anqa'en na pa'aguiñi aca nhuachiqui. Aỹem qalaxaye ỹataqta 'am sepi'iỹa'a.

1 Ts 5:15

Ỹataqta qanchelliỹa'a't, saqca ca isheetena'aguet ca sa ỹaỹamaxañi da ỹo'otec ca lỹa. Chaqrato' da qami' qanpogoxoiñiỹapegue' da qauo'ochec ca ỹaỹamaqchiguiñi ñi 'oonolec da qoñiita qataq 'enauac na laỹepi shiỹaxauapi.

Mateo 5:39

Qalaxaye nagui Aỹem shenapec: Saishet da qaue'enaxachiỹa'aguet cam huo'o ca qami' ỹo'oteque. Nachaqrata da huo'otaq huo'o ca iuaxangui ana 'oiguishe 'aramelque, nache qonapega da iuaxangui ana lỹa 'aramelque.

Éxodo 21:12

«Qaq da huo'otaq huo'o ca ique'emaqchet ca lỹa, qataq ỹalauat, nache camaye nataqa'en qaỹalauat.