Mateo 26:5 - La'aqtaqa Ñim Lo'onatac 'Enauacna 2013

⁵ Qalaxaye somayepi huo'o na 'eeta' da la'aqtac: «Saishet qome da huetoigui ñaqa'enaq naua na'axa'te maye naponaxaqui', yaqto' na shiỹaxauapi saishet da qomi' dalemataỹalo qataq saishet da lliỹa't namayepi.»

Nuevo Testamento Toba Sur

⁵ Qalaxayi somayipi 'enapeco': –Sa ishit qome da huetoigui ñaqashinaq naua na'axa'te naponaxaqui', yaqto' sa ishit da i'elaxa't na shiÿaxauapi.

Nuevo Testamento Toba Sombrero Negro

⁵ Qalaĝaja enapega't: —'Noota qom ja naqaega ga'me nolo' jo'ne Pascua, qaedi ga'me jiyaĝadipi ja qo'mi 'te yeloiquiaĝa'n da'me jalilegue.

Mateo 26:5 Referans Kwoze

Mateo 27:24

Qaq so Pilato co'ollaq ila'a da saishet da ỹañoxot so shiỹaxauapi, nachaqrata da nquictasheguem somayepi da lliỹa't. Nache damaxasoxonaique so 'etaxat da qandoua'a, nache somaye ỹauaachigui naqa'en so shiỹaxauapi da iỹoi' naua lhua'q, nache 'enapeco': –Aỹem saishet da ỹasouaxashet da l-leuaxa de'era ỹale. Qami' maye qarasouaxashechi de'era.

Mateo 21:26

Qataq huo'o da qarcolanaxa da shenaqapec da choche shiỹaxaua ca ỹami' da la'añaxac so Juan, cha'aye 'enauac na shiỹaxauapi ỹataqta ỹa'amaqten da somaye la'aqtaxanaxanec Ñim Lo'onatac 'Enauacna.»

Mateo 14:5

Qaq so Herodes huotaique da ỹalauat so Juan. Qalaxaye sa ỹañoxot cha'aye huo'o da lcolanaxa na shiỹaxauapi. Cha'aye qalota na ỹa'amaqten da so Juan ỹataqta 'eesa da la'aqtaxanaxanec Ñim Lo'onatac 'Enauacna.

Marcos 14:27

Qaq co'ollaq ivireugalo aso saqaỹoqotcheguemec 'alhua maye nanqa' ana Olivo, nache So Jesús 'enapegalo soua lapaxaguenataqa, 'eeta': –'Enauac da qoñiita deqat da qanaquitaxaqui Aỹem. Cha'aye ne'enaua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Salauat qome ñim ilotague' ana qagueta, nache anamayepi datauec qataq ỹataqta nlagaxattac.»

Marcos 14:12

Qaq som la'auaxanec na'a'q soua na'axa'te naponaxaqui' maye huaigui da qanallec ana nauole 'ayiiña maye qaca aca lalegue anam ỹasheeraxachigui, qataq qaỹalauat na qagueta llalec se'eso na'a'q Lapascua, qaq se'eso na'a'q soua napaxaguenataqa, inatta'ape So Jesús, 'eetra': –¿Ca hua'ague ca 'auauotaique da saxague da yaqto' saỹamaxataxañi ca qarquia'axac da nvireuo na Lapascua?

Marcos 14:2

Qalaxaye somayepi 'enapeco': «No'on da saishet qome da huetoigui ñaqa'enaq na naponaxaqui, yaqto' saishet da ỹe'elaxa't na shiỹaxauapi qataq qomi' dataỹa'agueta.»

Isaías 46:10

Nachaỹem maye sa'auchiguiñi da sa'axatta'a co'ollaxa cam loga't de'era, qataq nachaỹem sa'axata'a co'ollaxa cam ñaq natauo. Qaq shenapec: Nam llapaxañepi ipacchigui qome da huo'o, qataq so'ot qome 'enauac nam maiche seuennategapi.

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

Proverbios 19:21

Ca shiỹaxaua qalota na iuennatega da huotaique da ỹo'ot, qalaxaye nachecata ca 'eetapeguec Ñim Nataxala' maye ishet da qaỹo'ot.

Hechos 4:28

Qaq de'era ỹo'ot namayepi, damaye ỹataqta ipacchiguilo 'enauaque naua 'alapaxayiñi 'arhuennataxaco da 'auo'o't.

Juan 18:28

Nache qaỹauec So Jesús, qaỹachegoxotchiguiña so lma' so Caifás da qaỹauega so lma' so nta'a Pilato. Qaq mashe yaqta'a co'ollaxa da yo'oxoñi, qaq nam judiopi saishet co'ollaxa da pa'aua'a so nqasoxoc so nta'a, cha'aye ivittaique da nshepaxan da nachaalataxac. Cha'aye da nache 'eetec de'era, nache saishet da dequi'iỹapegueua'a na nallec se'eso na'a'q maye le'enaxat Lapascua.

Lucas 22:7

Qaq co'ollaq mashe ivireugalo soua na'axa'te maye huetoiguilo da qanallec ana nauole 'ayiiña maye sa qaỹauo'o aca lalecte. Se'eso na'a'q nataqa'en nalaataxaqui na qagueta llalec da yaqto' qanallec da qaiuennate so na'a'q le'enaxat da Lapascua.

Lamentaciones 3:37

¿Negue't ca ishet da ỹa'axata'a cam taỹa'a da yo'oq, da saishet da nacheñi Ñim Nataxala' da ỹamaxalec?

Salmos 76:10

Da lalemataic ca shiỹaxaua qalaq nmeneguet da 'año'oxonnataguec, ivira'a ca saq 'amaqtaq lalemataic qalaq ỹo'ot da 'ayo'oxoyec.

Lucas 20:6

Qaq da huo'otaq shenaqapec da choche shiỹaxaua ca ỹamaxalec, qaq 'enauac na shiỹaxauapi ỹoqta qome da qomi' ỹasa'q na coma' da qomi' ỹalaua't, cha'aye ỹoqta 'eesa da na shiỹaxauapi ỹa'amaqten da so Juan, somaye la'aqtaxanaxanec Ñim Lo'onatac 'Enauacna.

Hechos 19:29

Nache ỹataqta huo'o da la'axa 'enauac so shiỹaxauapi maye hueta'a se'eso nỹecpi. Nache huo'oi soua je'c da ỹaconeua'alo so Gayo qataq so Aristarco maye maiche lỹa't so Pablo chegoqra'ague da 'alhua Macedonia, nache qaỹaueguereua'a cam nỹec maye huaña naxa da qaỹo'ot na ntaxaỹaxac.

Hechos 21:38

¿Saishet qone' da nache 'am som sepettega Egipto le'ec maye huo'o so na'a'q, nache npa'aguene' ñim lta'a na nta'alpi maye neta'ague da Roma, nache ỹauegueuga so toolec so cuatro mil ỹalleppi maye laataxanaxaicpi?