Mateo 26:46 - La'aqtaqa Ñim Lo'onatac 'Enauacna 2013

⁴⁶ ¡Qoñiisheguem qome, qolaq, mashe nvi' nam Aỹem ỹaneuo!»

Nuevo Testamento Toba Sur

⁴⁶ Qoñiishiguem qome, qolaq, mashi nvi' nam aÿim ÿaneuo.

Nuevo Testamento Toba Sombrero Negro

⁴⁶ Oñiijeguem, qolaq jo'; joote nadi'tequena ñe'me jo'ne jayem yanegue.

Mateo 26:46 Referans Kwoze

Hechos 21:13

Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Juan 14:31

Qalaxaye, iuen da salaxaguet Ñim Ita'a yaqto' 'enauac da qaỹaỹaten da ỹataqta sauotec Ñimaye. Nache huaña, nache So Jesús, 'enapeco': –Qoñiisheguem. Qolqa'ai ne'ena.

Lucas 12:50

Qalaxaye hua'auñi qome da Aỹem saigui ca lta'araic lqalaic qataq lta'araic ca ñeque'eenaxac, choche ivitta'a da nvi' que'eca na'a'q.

Lucas 9:51

Qaq co'ollaq mashe saqaỹapeque so laloqo' da taigue da piguem So Jesús, nache huesotec ye lavilỹaxac da taigue da Jerusalén.

1 Samuel 17:48

Qaq so filisteo co'ollaq nquiga so David da delogui', nache so David nataqa'en ca'ata'aguet somaye.

Lucas 22:15

Nache So Jesús 'enapeco': –¡Aỹem ỹataqta huo'o da iyaxa da qami' ñeuanaxau' ne'ena nallec, nagui da saxanaxa da ñeque'etaxangui da ñeque'eenaxac, qataq da saxanaxa da seleu!

Mateo 26:45

Ime, nache So Jesús qaltaq ỹe'eguelaxa ca huetra'a soua tres lapaxaguenataqa, nache 'enapegalo, 'eeta': «¿Ñaq qoquiito'ot da qanmacheeteguec qataq da qaro'ochaqai? Mashe anacta na 'etaxaloxoicpi da Aỹem ỹaconeua'a, Aỹem Shiỹaxaua Llalec.

Mateo 26:47

Qaq co'ollaq ñaq detaqtac So Jesús, nache nvi' so Judas, som 'oonolec soua doce lapaxaguenataqa. Qaq somaye ỹataqta qalota so nnaictague' ỹalleppi na'atchigui na lainec qataq na npon 'epaq. Somayepi nache lamaxashecpi som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam nqueroxonecpi maye lataxala' na judiopi.

Marcos 14:42

Qoñiisheguem qome, nache Aỹem qauca'acheegue, 'ena cha'aguet mashe anacta na Aỹem ỹaneuo.»

Lucas 22:21

Qaq nagui qami' iuen da qauaỹaañi da ñi Aỹem ỹaneuo qome, ñimaye nataqa'en ñeso'onaqta'ai', datatalec ne'ena qarquia'axala'.

Juan 21:20

Qaq co'ollaq namatapec so Pedro, nache ila'aguet so napaxaguenaxaua maye ỹataqta nauochaxaua So Jesús, som huetaua'a co'ollaxa na laỹe co'ollaq huo'o so lquia'axa'c so na'a'q le'enaxat Lapascua, som inattac somaye co'ollaq 'eeta': «'Am Ỹataxala', ¿chaq negue't cam taỹa'a da 'am ỹaneuo?»