Mateo 26:45 - La'aqtaqa Ñim Lo'onatac 'Enauacna 2013

⁴⁵ Ime, nache So Jesús qaltaq ỹe'eguelaxa ca huetra'a soua tres lapaxaguenataqa, nache 'enapegalo, 'eeta': «¿Ñaq qoquiito'ot da qanmacheeteguec qataq da qaro'ochaqai? Mashe anacta na 'etaxaloxoicpi da Aỹem ỹaconeua'a, Aỹem Shiỹaxaua Llalec.

Nuevo Testamento Toba Sur

⁴⁵ Nachi qaltaq nqo'onalo soua lapaxaguenataqa, nachi 'enapegalo, 'eeta': –Hua', nagui mayi qau'ochii, qataq qanmachiiuec. Mashi ivita yi laloqo' da na shiÿaxaua llalec qoÿaneu'a na shiÿaxauapi 'itaxaloxoicpi.

Nuevo Testamento Toba Sombrero Negro

⁴⁵ Chane'eja ca'li yitaĝa 'viyelaĝa ga'me ueteda'a jogaa'me lapaĝaguenataqa qama'le enaac: —¿Qo'li maliaĝa a'uochiitac nataq'aen ja yenoĝonegue da'me a'nomataĝaqui? Male jovita nayi jena'me yaloqo', jayem jo'ne yataqachiñe Jiyaĝaua Lec'oĝot queda'me jayem qoyanouelo joga'me loeco lo'olpi.

Mateo 26:45 Referans Kwoze

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 17:1

Qaq co'ollaq ime da 'eetegalo soua lapaxaguenataqa So Jesús, nache ỹamato'ot na piguem, nache 'enapeco': –'Am Ita'a, mashe ivita ye laloqo' da 'auachaxana na shiỹaxauapi da ỹa'amaqchec qataq da ỹa'añaxac. Qaq nache sheetec nataqa'en Aỹem da sachaxana na shiỹaxauapi da 'ara'amaqchec qataq da 'ayo'oxoyec.

Juan 12:27

Qaq nagui ỹataqta lta'araic da ñeque'eenaxac, qataq sa saỹaten ca sheetec. Qaq Aỹem huo'o da iyaxa da shenapega Ñim Ita'a da saishet da Aỹem ỹasheneguet de'era ñeque'eenaxac. Qalaxaye Aỹem saishet da sheetec de'era, cha'aye Aỹem ñanaỹa ana 'alhua da so'ot ca 'eetapeguec Ñimaye.

Lucas 22:53

Qami' soota'agueta soua na'axa'te añi no'onaxanaxaqui late'erai, qalaq ¿ta'ainco' ye saisheto' da Aỹem qauacoñiiua'a? Qalaxaye nagui mashe ivita ye laloqo' da qauo'onataxañi qataq da do'onataxan da la'añaxac na napalaxa.

Mateo 26:18

Nache So Jesús 'enapeco': –Qanqo'oñiiua'a qome ye nỹecpi, nache qanmichiỹaique ca lma' ca qanauochaxaua maye qarauattonataqui, nache qaỹa'añim de'era ỹa'aqtac: «Ñim Qanapaxaguenaxala' 'eeta': mashe saqaỹapeque da ivita da seleu; ỹoqo'oye sauotaique da huaña na 'arma' da sequi'iỹa'a'isalo naua ỹapaxaguenataqa da sacheguenaq cam nallec na na'a'q Lapascua.»

Mateo 26:2

«Qami' qauaỹaañi da qom inoxoore'c ne'enaua dos na'axa'te, nache nnoxoneuo ca Lapascua. Nache huaigui qome da Aỹem Shiỹaxaua Llalec Aỹem qaỹaconeua'a, qataq Aỹem qaỹalauat Aỹem qaiuaxaata'aguet ca ñepe'enaxaqui.»

1 Reyes 18:27

Qaq co'ollaq mashe na'a'q laiñi, nache so Elías ỹe'eetalec somayepi, 'eeta': Ỹataqta qana'axanñic da qara'alaxaqui, cha'aye camaye atamnaxala'. Qaq saiuena'a da deuennataxaatac, huo'otaq imelec ca lo'onatac, huo'otaq huenoxonec. ¡Qalqo' do'ochetaca, nache iuen da qanquetoxon!

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Mateo 26:44

Nache qaltaq ca'aisalo soomaye, nache qaltaq ỹe'eguelaxai' da nqouagaxauen, qaq huaña nache tres da ỹe'eguelaxalec da nache 'eetec de'era, qataq ỹe'eguelaxattalec da la'aqtac maye nasaxauec co'ollaq cheta'ague da nqouagaxauen.

Mateo 26:46

¡Qoñiisheguem qome, qolaq, mashe nvi' nam Aỹem ỹaneuo!»

Marcos 14:35

Nache So Jesús taỹa cam qaỹata'a cam huetra'a soomaye, nache ỹa'alyiñi naua l-llectel qataq nqapaxaneguet na 'alhua da nqouagaxaunot Ñim Lo'onatac 'Enauacna, 'eeta': «¡'Am Ita'a! 'Onaxaictaxa da saishet da Aỹem 'apagaqna'aguet da ñeque'eenaxac. Cha'aye 'am qaica ca 'auqalanapec. ¡Cha'aye Aỹem ỹataqta huo'o da iyaxa da sa sevireguet da ñeque'eenaxac! Qalaxaye saishet qome da ipacchigui da maiche sheetapeguec, nachaqcata cam maiche qonetapeguec.»

Juan 12:23

Nache So Jesús 'enapegalo soomaye, 'eeta': –Nagui mashe ivita ye laloqo' da 'enauac qaỹaỹaten da negue't cam ỹoqta Shiỹaxaua Llalec.