Mateo 26:37 - La'aqtaqa Ñim Lo'onatac 'Enauacna 2013

³⁷ Nache So Jesús ỹauec so Pedro, Santiago qataq so Juan da nnaicapegueto. Huaña, nache ỹataqta nomteguet da lta'araic laquicoxo,

Nuevo Testamento Toba Sur

³⁷ Nachi ÿauec so Pedro qataq soua dos llalqa so Zebedeo. Huaña, nachi somayi ÿataqta daquicota, qataq huo'o da nqui'ic.

Nuevo Testamento Toba Sombrero Negro

³⁷ Qama'le lequiaĝaua ñe'me Pedro nataq'aen jogaa'me dojolqa c'oqo'te ñe'me Zebedeo, qama'le paja'a Jesús nomeguet da'me totelegue nataq'aen 'uo da'me lachitataic jena'me lauel.

Mateo 26:37 Referans Kwoze

Mateo 4:21

Qaq So Jesús, nache queto'ot na loigue aso lapel, huaña nache qaltaq ila'alo soua lỹa't dos nqaỹa't maye nataqa'en ya'acoxoiqa: Santiago qataq so Juan soomaye netrangui aso l-llocta', napareeta'ape so lalegue'c nnaictrague' so lta'a' Zebedeo. Nache So Jesús iỹaxanalo soua nqaỹa't.

Mateo 17:1

Qaq co'ollaq mashe inoxoore'c soua seis na'axa'te, nache So Jesús ỹauec so Pedro qataq soua nqaỹa't Santiago qataq Juan, ndoqnaxaatre'c soomaye da taresheguemec aso qaỹoqotcheguemec 'alhua.

Marcos 5:37

Nache Somaye saishet da huo'o ca nasheneguet, nachaqsouate' so Pedro qataq soua nqaỹa't Santiago qataq so Juan.

Juan 12:27

Qaq nagui ỹataqta lta'araic da ñeque'eenaxac, qataq sa saỹaten ca sheetec. Qaq Aỹem huo'o da iyaxa da shenapega Ñim Ita'a da saishet da Aỹem ỹasheneguet de'era ñeque'eenaxac. Qalaxaye Aỹem saishet da sheetec de'era, cha'aye Aỹem ñanaỹa ana 'alhua da so'ot ca 'eetapeguec Ñimaye.

Lucas 22:44

Qaq co'ollaq mashe ỹaguec da nque'eenaxac, nache qaltaq nquigaxattec da na'añaxataxac da nqouagaxaunaxac, nache na nchelchaxa maye anactac, 'eeta'ama naua ntago'q da ñeeleguete na 'alhua.]

Mateo 20:20

Qaq dos co'ollaxa soua napaxaguenataqa, Santiago qataq Juan nnaicapegueto aso late'e da nqo'ooreua'a So Jesús. Qaq co'ollaq ivildeua'a Somaye, nache aso late'e' soomaye ỹa'aldoto naua l-llectel So Jesús da nachoxonnot, nache So Jesús inat asomaye, 'eeta': –¿Negue't cam qonetapeguec? Nache asomaye 'eeta': –Aỹem 'anqouaguec, da qom ivita ca laloqo' da 'anso'ongui aca 'anso'onaxaqui da 'am Nta'a, nache ne'enaua ỹalqa qome 'oonolec ca neta'ague da 'oic, qaq ca lỹa qalaq neta'ague da 'ane'emaq.

Mateo 4:18

Qaq huo'o so na'a'q So Jesús queto'ot so loigue aso lapel late'erai maye huaña ye Galilea. Nache ila'alo soua dos nqaỹa't ya'acoxoiqa: Simón Pedro qataq so lqaỹa Andrés, soomaye ya'acota'ape,