Mateo 26:35 - La'aqtaqa Ñim Lo'onatac 'Enauacna 2013

³⁵ Nache so Pedro 'enapeco': –Na'aictaxa da 'am seleetañi', qalaxaye saishet qome da sheetega da 'am sa sauatton. Nache 'enauaque soua lỹa't napaxaguenataqa ỹe'enaxatchigui da la'aqtac somaye.

Nuevo Testamento Toba Sur

³⁵ Nachi so Pedro 'enapeco': –Nai'ctaxa da 'am seleutañi', qalaxayi sa ishit qome da ñoqolguettac. Nachi 'enauac so laÿipi qai'enaxatchigui da l'aqtac somayi.

Nuevo Testamento Toba Sombrero Negro

³⁵ Qalaĝaja Pedro yepalatapega: —Mate mane'e am jele'ta'y qomle qalaĝaja ja am 'te ñemanec. Nataq'aen ena'uaque jogaa'me lapaĝaguenataqa naq'aeta da'me nenaĝatedegue.

Mateo 26:35 Referans Kwoze

Romanos 11:20

Qaq damaye ỹataqta 'eesa. Qalaxaye namayepi qaimaqauec, cha'aye saq pi'iỹa'a Ñim Lo'onatac 'Enauacna. Qaq qami' qalaq qami' ỹaconegueta souaxat da huo'o da qarpi'iỹaxaqui Ñimaye. Qaq ỹoqo'oye saishet qome da qaño'oxoreñiitai', nachaqrato' da qanchelỹañi.

Juan 13:37

Nache so Pedro 'enapeco': –'Am Ỹataxala', ¿ta'ainco' ye saishet da 'am seca'ategue nagui? Ye aỹem qaica ca shega da na'aictaxa da 'am saalec da ñachaalataxac.

1 Pedro 1:17

Ñim Lo'onatac 'Enauacna, nacheñi ñi nmit 'enauacna qataq qaica ca imatalec da lauoche. Nachaqrata da ipagaqchiichigui cam ỹo'ot ñi 'oonolec da shenaqta qataq ỹa'axat da huo'otaq iuen da ỹauo'o ca nhuaxanaguec huo'otaq ỹauo'o ca nsheetenaguec. Qaq ỹoqo'oye da qami' qoñiỹapec da Qarta'ai Ñim Lo'onatac 'Enauacna, nache iuen da huo'o naq 'enec qanqa'eñi Ñimaye 'enauaque naua na'axa'te da qanachaalataxaqui da qoñiitalec ana 'alhua.

Filipenses 2:12

Qaq ỹoqo'oye qami' ñauochaxau' ỹaqaỹa't, cha'aye qami' nache 'eetai' naxa da aỹem qaualaqaiguet da qami' soota'agueta, qaq nagui da aỹem qaỹoqtaique, qalaq iuen da ỹactec da aỹem qaualaqaiguet. Ỹataqta qauo'onataxañiilec qome da qarca'alaqai, qataq ỹataqta qaualaqaiguet qataq ỹataqta lta'araic da 'enec qanqa'eñi Ñim Lo'onatac 'Enauacna.

1 Corintios 10:12

Qaq ỹoqo'oye qaica qome ca 'eetega da qaica ca lasouaxashet, cha'aye saiuena'a da nacheca ca la'auaxanec da huo'o ca lasouaxashet.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Proverbios 28:14

Ỹataqta machiguiñi ca shiỹaxaua da huo'o naq 'enec naqa'en Ñim Nataxala', qalaxaye ca qaramta da lquiyaqteỹaxac qalaq taỹa'a da lachoxoyec.

Éxodo 19:8

Nache so Israel le'ecpi 'oonolec da lasataxac, 'eeta': «So'otaq qome 'enauac da qomi' ỹamaxaleguete Ñim Nataxala'». Nache so Moisés ỹe'eguelaxasheguem da ỹa'axatem Ñim Nataxala' da lasataxac se'eso nhuo' le'ecpi.

Mateo 10:33

Qalaxaye da qaua'aqtaxañim na shiỹaxauapi da saishet da Aỹem qoquiitague', nache nataqa'en Aỹem sa'aqtaxanem Ñim Ita'a da saishet da Aỹem qoquiitague'.