Mateo 26:31 - La'aqtaqa Ñim Lo'onatac 'Enauacna 2013

³¹ Qaq co'ollaq ivildesheguemec aso qaỹoqotcheguemec 'alhua maye nanqa' ana Olivo, nache So Jesús 'enapegalo soua lapaxaguenataqa, 'eeta': –Ne'ena pe qami' deqat da qarpi'iỹaxaqui Aỹem. Cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «Salauat qome ñim ilotague' ana qagueta nache ana qaguetapi qome nlagaxattac.»

Nuevo Testamento Toba Sur

³¹ Nachi so Jesús 'enapeco': –'Enauac da qoñiita aÿim qaualachiÿa'a't na pe. Cha'ayi nachi 'enapec naua ñiyigui'shi l'aqtaqa ñi Dios, mayi 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

Nuevo Testamento Toba Sombrero Negro

³¹ Qama'le Jesús enaac: —Ena'uaque ami cha'li jayem oquiya'e qomle jena'me jenjo' pi'yaq, queda'me ja anetoviñeyec qomle da'me adepi'i. Qa'a naq'aeta da'me joote qoyediñe ca'li, eet'oi: «Jalat ñe'me 'naĝanaĝate neuatoqo't, qama'le gaa'me 'naĝanaĝatel nelagaĝa qomle.»

Mateo 26:31 Referans Kwoze

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Juan 16:32

Qalaxaye nagui mashe nayeeta'a da ivita ye laloqo' da qami' qauataiuec, ñi 'oonolec maiche ỹoiqueetac ca dataigue, nache Aỹem qaualachiỹa'a't qome. Qalaxaye Aỹem saishet da Aỹem 'oonolec, cha'aye Ñim Lo'onatac 'Enauacna maye Ita'a Aỹem hueta'aguet.

Salmos 69:20

Da ñesheunaguec ỹataqta ilaxatta añi iquiyaqte, nache ỹo'ot da ñelauchiguiñi qataq qaica ca ỹa'añaxac, qataq qaica ca naigui da ñimittaique ca aỹem icochaq qataq ca aỹem ichoxoren.

Salmos 38:11

Na ỹataqta ñauochaxauapi, qataq ivira'a na ihuo' le'ecpi, ỹataqta qaỹoqteuga souaxat na laita na lli'i na ique'emaxa.

Mateo 11:6

Ñim Lo'onatac 'Enauacna ỹaalec da nqouagaxa qome cam saishet da ỹaxanec Aỹem souaxat da ỹauaachigui de'era so'ottac.

Lamentaciones 1:19

Aỹem, seỹaxaatega nam ñauochaxauapi da yaqto' aỹem itauan, qalaxaye namayepi aỹem ỹatenachet. Som itaxaỹaxanaxanecpi qataq som ỹa'axaiquipi maye ỹataxala'pi, somayepi ileu huaña ye huaqta'a't nỹecpi, co'ollaq nmittaique ca aloq da yaqto' nache queta da nca'altauec.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Salmos 88:18

Qataq aỹem ca'ai 'anqa'en na ñauochaxauapi qataq na ỹaỹepi, qaq nagui nda'a't da ñauochaxaua na napalaxa.

Mateo 26:56

Qalaxaye 'enauac de'era iuen da huo'o, yaqto' ipacchigui dam ỹa'axat co'ollaxa so la'aqtaxanaxanecpi Ñim Lo'onatac 'Enauacna.» Huaña, nache 'enauaque soua lapaxaguenataqa no'onaxatchiguilo So Jesús da datare'c.

Mateo 26:24

Ana nere maye huetalec na la'aqtacpi Ñim Lo'onatac 'Enauacna ỹataqta ỹataqtegue da la'aqtaxanaxac da ỹa'axattac Aỹem maye Aỹem Shiỹaxaua Llalec da iuen da seleu. Qalaxaye ỹataqta qauem da talec qome ñim Aỹem ỹaneuo. ¡Ỹataqta 'onaxaictoxo' co'ollaxa da saishet da nañiguiñi ñimaye!