Mateo 26:3 - La'aqtaqa Ñim Lo'onatac 'Enauacna 2013

³ Nache se'eso na'a'q nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam lataxala'pi na judiopi dataỹa't, huaña ca lma' so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, le'enaxat Caifás.

Nuevo Testamento Toba Sur

³ Nachi se'eso na'a'q nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq nam lquedoxonecpi na judiopi, namayipi lapona't, hueta'a yi nqasoxoc so lma' lta'adaic so Caifás mayi lataxala' nam ntaxaÿaxanaxanecpi.

Nuevo Testamento Toba Sombrero Negro

³ Gaa'me noloqo'ote ca'li, jogaa'me tamenaĝaiqui lo'olpi lejaliaĝanaqa nataq'aen joga'me judiopi 'me 'yaĝaicachidipi yema'a't ca'li ueda'a ga'me emec jo'ne lejaliaĝaiqui ñe'me Caifás, nach'eñe jaliaĝanec 'me p'ajaye,

Mateo 26:3 Referans Kwoze

Juan 18:24

Nache so Anás ỹamaq So Jesús ỹaxatta'a't naqa'en naua lhua'q da ỹamaxa so Caifás som 'oonolec lataxala' nam ntaxaỹaxanaxanecpi.

Juan 18:28

Nache qaỹauec So Jesús, qaỹachegoxotchiguiña so lma' so Caifás da qaỹauega so lma' so nta'a Pilato. Qaq mashe yaqta'a co'ollaxa da yo'oxoñi, qaq nam judiopi saishet co'ollaxa da pa'aua'a so nqasoxoc so nta'a, cha'aye ivittaique da nshepaxan da nachaalataxac. Cha'aye da nache 'eetec de'era, nache saishet da dequi'iỹapegueua'a na nallec se'eso na'a'q maye le'enaxat Lapascua.

Juan 11:57

Na fariseopi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi ỹan da la'aqtac co'ollaxa da huo'otaq huo'o ca ỹaỹaten ca hueta'a So Jesús, nache ishet da ỹa'axat, da yaqto' ỹaconeua'a da qaicoñe'.

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Jeremías 11:19

Qaq aỹem sheeta'am ca qagueta llalec da ỹe'emaqtom da qaỹauecta'a ca nalaataqa', qaq saishet da saỹaten da huo'o dam qaỹauotaique da aỹem qaỹo'otec. Qaq namayepi, 'eeta': «Sechegaq ara qo'oipaq nache cañe' ñeqa'enaq ana ala, ñapogaxasheguem nache ñeqataxasop nam nca'altauecpi ana 'alhua, yaqto' qaica ca qaltaq iuennatega aramaye.»

Salmos 56:6

Namayepi nqañoxottañi nache aỹem nauaatac cha'aye ỹataqta huo'o da lyaxa da aỹem ỹalauat, nache imeteetac 'enauac na so'ottacpi.

Mateo 26:69

Qaq co'ollaq ñaq qanayeetaigui de'era, nache so Pedro nso'ootañi, netauga so nqasoxoc so lma' so nta'a. Nache anac aso namaxashe nquigueua'a somaye nache 'enapega, 'eeta': –'Am nataqa'en 'annaictague' naxa da Jesús maye Galilea le'ec.

Mateo 27:27

Ime, nache so nalleppi se'eso Pilato ỹauec So Jesús da ỹauega ca lma' lta'araic so nta'a. Huaña, nache qalapona't 'enauac so alleppi da yaqto' qaicoleesop Somaye.

Marcos 14:66

Qaq co'ollaq ñaq qanayeetaigui de'era, nache so Pedro ñaq hueta'a so nqasoxoc so lma' so nta'a. Nache nvi' aso lamaxashe som lataxala' na ntaxaỹaxanaxanecpi,

Marcos 15:16

Nache so huataxanaqpi maye nalleppi na Roma le'ecpi ỹauec So Jesús, ỹauegueuga ca nqasoxoc aso lo'onataxanaxaqui late'erai so Pilato, nache huaña da iỹaxaneua'a so laỹepi huataxanaqpi.

Lucas 22:55

Qaq co'ollaq ivireuo somayepi, nache qaỹalon so norec, qaỹachangui na laiñi so qasoxoc. Qaq nataqa'en so Pedro nso'ooñi, ỹalectaigui somayepi.