Mateo 26:29 - La'aqtaqa Ñim Lo'onatac 'Enauacna 2013

²⁹ Qaq ne'ena na'a'q, nachena na pa'atec da ñeỹomgui ne'ena lataxa da qami' ñeỹomaxau'. Qalaxaye qom qaltaq salegaqta'a't da souaqtaigui da lo'onataxanaxac Ñim Ita'a, huaña nache ñeỹomaxagui ca dalaxaic lataxa.»

Nuevo Testamento Toba Sur

²⁹ Qalaxayi aÿim qami' shinapegalo da nagui nachi sa lÿa da shi'iguelaxalec da ñiÿomgui ne'ena lli'i ana uvas, to' qom mashi ivita ca na'a'q da qaltaq qami' ñiÿoma'ato, qom sootaigui ca l'onataxanaxac ñi ita'a da ilo'ogue 'enauacna.

Nuevo Testamento Toba Sombrero Negro

²⁹ Qalaĝaja ami ja'aĝatema queda'me ja yitaĝa ñiyomigui na'me uva li'i chayovida'a qom yitaĝa ami ñiyomaĝa'u ga'me nolo' qom yataqachiñe jona'ña di'me lejaliaqa' joñe'me Taĝadena', qom 'uo ga'me niqui'yaĝac let'adaic. Qom nach'ega nolo' qama'le ñiyomigui ga'me uva li'i dalaĝaic.

Mateo 26:29 Referans Kwoze

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Marcos 14:25

Nache pa'atec nagui da qami' ñeỹomaxau', ne'ena lataxa maye lli'i ana uva. Qalaxaye qom ivita da llaponaqta'a't da sonaqtaigui da lo'onataxanaxac Ñim Lo'onatac 'Enauacna, huaña, nache ñeỹomaxagui ca dalaxaic lataxa.»

Salmos 40:3

Nache ỹauo'o so dalaxaic ỹo'onec, som no'onec da qaỹo'oxoren Ñim Qanatamnaxala'. Qaq qalota so ỹauaachigui de'era, nache ỹataqta huo'o da lcolanaxa, nache ỹauo'o da naquitaxac Ñim Nataxala'.

Hechos 10:41

Qaq Somaye saishet da imauec da nachaxana 'enauac na shiỹaxauapi, nacheqomaqta da ñauanaxai'. Cha'aye Ñim Lo'onatac 'Enauacna qomi' lca'agui'she co'ollaxa, da yaqto' qomi' sa'axataq da qarauanaqchec. Qaq qomi' ỹataqta qarquia'axaua Somaye qataq qanỹomaxaua co'ollaq mashe qaltaq nca'alec qanqoỹen.

Juan 17:13

Qaq nagui ñeqo'ona cam qoueta'a. Qalaxaye shenapec de'era nagui da ñaq sootalec ana 'alhua, yaqto' naamaye ỹataqta nlaqchiguilo da ntonaxa'c, 'eeta'am Aỹem.

Mateo 13:43

Qalaxaye nam ỹalaxaguet Ñim Lo'onatac 'Enauacna, namayepi ỹataqta 'eroigui 'ena'am añi nala' qom huetaigui da lo'onataxanaxac Ñim Lo'onatac 'Enauacna. ¡Qami' da 'eesa da huo'oi naua qartelai lauacolli', nache no'on da ỹataqta qana'axaỹaxañi!

Apocalipsis 14:3

Qaq som ciento cuarenta y cuatro mil shiỹaxauapi maye nachattaua'a aso so'onaxaqui qataq soua cuatro shiguiỹa'c maye nca'altraue'c qataq soua veinticuatro nqueroxonqa soomaye ỹo'ootac so dalaxaic no'onec maye saishet da huo'o ca na'a'q nache qaỹa'aqtega. Se'eso no'onec qaica ca ishet da ỹaỹaten na leraxat, nachaqsota som shiỹaxauapi maye qanca'alaxatec, chegoqtoigui na laỹepi shiỹaxauapi maye huetalec ana 'alhua.

Lucas 15:32

Qalaxaye nagui no'on da so'otaq ca qarquia'axac da ñetonaqtapigui'. Cha'aye ñi 'arqaỹa, ñimaye mashe saqca, qalaxaye qaltaq nca'alec; ñimaye deqat, qalaxaye mashe sanataxa.›»

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Juan 15:11

Qami' sa'aqtaxanema de'era, yaqto' qami' ỹataqta qauamaichiguiñi, qoñiita'am Aỹem.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Mateo 18:20

Cha'aye cam huetra'a caua dos, huo'otaq tres da qoñiita da na'aqtaxaatapiguilo da ỹe'enaxat, nache Aỹem soota'agueta caamaye.

Mateo 16:28

Qaq ỹataqta 'eesa de'era qami' sa'aqtaxanema, da huo'o qome ca 'oonolec da qoñiita maye ỹalectauo nagui cam saishet qome da ileu, qom saxanaxa da ilogui da selo'ogue 'enauacna.»

Zacarías 9:17

Qaq ỹataqta sano'onolec, qataq ỹataqta 'onaxaic qome yi'iye 'alhua. Cha'aye souaxat da ỹataqta qalota na trigo, qataq na lataxa, nache nam nsoxoppi, qataq na qa'ampi, ỹataqta 'onaxaic da lañaxataxac.

Sofonías 3:17

Cha'aye Ñim Nataxala' maye 'Anatamnaxala' qami' netanguilo; ¡Ñimaye ỹataqta 'añaxaic, nache 'am nca'alaxatec qome! Ñim Nataxala' ỹataqta machiguiñi qome souaxat da qoneta. Qaq do'ogoxona qome da lsoxoyec da naralaxat da 'anachaalataxac; Qaq souaxat da ntonaxac, nache do'onaxaatac

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

Salmos 4:7

'Am 'auachaigui co'ollaxa añi iquiyaqte da ỹamaicỹaxac, qaq saq 'ena'am ca hueto'ot na chochaq huañi trigo qataq na lataxa.

Juan 16:22

Qaq nache 'eetec nataqa'en da qoñiita nagui huo'o da qarachetataiqui, qalaxaye Aỹem qami' ñe'eguelaxalo qome, nache da qarquiyaqteỹaxaqui ỹataqta nlaqchigui da qantonaxaqui, qaq que'eca qantonaxaqui saishet da huo'o ca nqat.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Isaías 25:6

Ñim Nataxala' maye Qaica ca Ỹaqalanapec huaña qome añi qasoxonaxa Sión da iqataxanai' da ỹo'ot da yaqto' ỹalegueua'a na ỹotta'at shiỹaxauapi ca nquia'axac da qanallec ca ỹataqta ama nallec, qataq qanỹomigui ca ỹataqta togoshaapec lataxa, qataq ca ỹataqta no'on nallec qataq cam ỹataqta no'on lataxa.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Mateo 26:28

Cha'aye nachenaua naua maiche itago'q qataq chegoqchiguilo naamaye da Ñim Lo'onatac 'Enauacna naỹamaxate' 'enauac da qoñiita. Ne'enaua itago'q chegoqchiguilo da qaỹapalaxat na qalota lasouaxashet na shiỹaxauapi.

Mateo 26:30

Qaq co'ollaq ime, nache do'onaxaata'ape, ime nache taresheguemec aso qaỹoqotcheguemec 'alhua maye nanqa' ana Olivo.