Mateo 26:28 - La'aqtaqa Ñim Lo'onatac 'Enauacna 2013

²⁸ Cha'aye nachenaua naua maiche itago'q qataq chegoqchiguilo naamaye da Ñim Lo'onatac 'Enauacna naỹamaxate' 'enauac da qoñiita. Ne'enaua itago'q chegoqchiguilo da qaỹapalaxat na qalota lasouaxashet na shiỹaxauapi.

Nuevo Testamento Toba Sur

²⁸ Cha'ayi na huetagui anamayi nachinaua na itago'q mayi ÿoqta 'itchiguiñi naq'en dam dalaxaic aÿamaxataxac. Nam itago'q taÿa'alo da qaicoldeec, da yaqto' ÿataqta qalota qome na qaÿapalaxat na lasouaxashitpi.

Nuevo Testamento Toba Sombrero Negro

²⁸ qa'a janjo' mach'e laloĝoiqui qoyen jana'me yetauo', nach'ana jo'ne 'nanec queda'me Dios ami ye'tema qaedi male aniyamaĝadeñiyeguet joñe'me. Mach'e yetauo' jo'ne naliñi qomle, nala'alo joga'me jiyaĝadipi jo'ne jalcote, qaedi yiyamaĝatem qomle queda'me male qoyapalaĝa't joda'me loeco.

Mateo 26:28 Referans Kwoze

Levítico 17:11

Cha'aye 'enauac na huo'o da lca'alaxa, namaye chegoqchigui na ltago'q da nca'altauec. Ỹoqo'oye qami' sanema da huaña añi nca'atoxonaxalate da Aỹem qaỹa'añiỹot ca ltago'q na shiguiỹacpi, qataq nache chegoqchigui camaye da sapalaxat ca qarasouaxashichi.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

1 Corintios 11:25

Qaq co'ollaq mashe ime da lquia'axac, nache ỹacona aso ỹomaxaqui. Nache 'enapeco': «Ana'ana ỹomaxaqui, anamaye naigui da dalaxaic naỹamaxataxac Ñim Lo'onatac 'Enauacna da qami' naỹamaxatto, chegoqchiguilo naua itago'q. Qaq da ivita da qanỹomiigui, nache qaltaq qauennache Aỹem.»

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Zacarías 9:11

'Era da la'aqtac Ñim Nataxala': «'Am Jerusalén, souaxat so ntago'q maye chegoqchigui da 'am ñaỹamaxate', nache Aỹem ñeqateeguesop qome añi nshere maye qaica ca le'ec, na 'arcoñetegueshecpi maye netangui añimaye.

Colosenses 1:14

ỹachegoxotchigui da l-leuaxa Somaye da qomi' nca'alaxatre'c, qataq da ỹapalaxat 'enauac na qarasouaxashetpi.

Lucas 22:19

Qaq co'ollaq ime, nache ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache icolaxachigui, nache ỹanoiguilo soomaye, nache 'enapeco': «'Ena na maiche ỹo'ocỹaxac maye qoỹaneguet da nalaataguec, souaxat da qoñiita. Qaq qauo'ocheetaco' qome damaye, yaqto' saishet da Aỹem qaucoviỹa'ai.»

Colosenses 1:20

Qataq nataqa'en ỹachegoxotchigui So Cristo da 'enauac nam huetalec ana 'alhua huo'o da l-lagaxayec. Qaq ỹo'ot de'era nlagaxayec, ỹachegoxotchigui naqa'en da l-leuaxa Somaye co'ollaq qaiuaxaneguet so npe'enaxaqui.

Romanos 5:19

Cha'aye dam naigui da sa ỹalaq so 'oonolec shiỹaxaua, damaye ỹo'ot da qalota na sa ỹalaq. Qalaxaye chegoqchigui da lalaxayec so lỹa 'oonolec maye le'enaxat Jesús da Ñim Lo'onatac 'Enauacna ỹapalaxat na lasouaxashetpi na shiỹaxauapi.

Marcos 14:24

Nache 'enapegalo', 'eeta': «Ne'enaua nachenaua na itago'q. Naamaye nachenaua naua chegoqchiguilo da Ñim Lo'onatac 'Enauacna ỹo'ot da naỹamaxataxac da qami' naỹamaxatto 'enauac da qoñiita. Ne'enaua itago'q naigui da qalota na qanca'alaxatec.

Jeremías 31:31

Ñim Nataxala', 'enapec: «Anacta ca na'a'q maye huaigui da so'ot ca dalaxaic ñaỹamaxataxac da ñaỹamaxate' na Israel qataq na Judá.

Apocalipsis 7:9

Qaq can ime de'era, nache aỹem sela'a so qalota shiỹaxauapi maye ỹotta'a't na chegaqa'a 'alhuapi, qataq ỹotta'a't da lo'oxoỹaxac, qataq ỹotta'a't naua la'aqtaqa. ¡Somayepi ỹataqta qalota, qaica ca ishet da naloqten! Qaq somayepi nachattaua'a ye hueta'a aso so'onaxaqui qataq So Qagueta Llalec, ỹaatrañi naua alogo lapagaxaiqa, qataq lasoqta'a ana chaic laue.

Romanos 5:15

Qalaxaye de'era lasouaxashet so Adán, damaye saishet da qanaloqnaxaneguet dam lachetaqtaxanaxat Ñim Lo'onatac 'Enauacna maye qomi' ỹanema. Cha'aye de'era lasouaxashet so Adán chegoqchigui da qalota na ileu; qalaxaye chegoqchigui So Jesucristo da Ñim Lo'onatac 'Enauacna qomi' ỹanema de'era qanmeỹaxac maye ỹataqta ỹactec da lyac qataq qalota na ishet da ỹaỹamaxaañi.

Marcos 1:4

Qaq nachesoua se'esoua na'axa'te, da so Juan maye nachelaxanataxanaq netauga so toolec 'alhua. Qaq naua alogo somaye qalaq lo'oc ana shiguiỹac le'enaxat nauanaxanaxa, qataq nataqa'en lo'oc so nsaataxaqui. Qataq chectac ana shiiquioxoi qataq na dapic maye aviaq le'ec. Nache so Juan 'eetega na shiỹaxauapi, 'eeta': «¡Iuen da qami' qanachelaxa'n qataq qauachaxañiita da mashe sa qauaỹamaxayiñi da qoquiito'ot da qauo'ocheetac na qauem! Qaq da nache qoñiitec de'era, nache Ñim Lo'onatac 'Enauacna ishet da qami' ichoxore'n.» Nataqa'en 'eeta': «Huo'o na nca'attalec aỹem namaye ỹataqta ỹactec da la'añaxac saq shena'am. ¡Na'aictoxo' da choche aỹem l-latac ỹataqta sa ñaloua'a! Aỹem qami' ñachelaxanguilo na 'etaxat, qaq namaye qalaq qami' nachelaxanguilo So Saqcha'a Na'añaxac Qui'itta.» Qaq 'enauac som hueta'a ye 'alhua Judea qataq ye nỹecpi ye Jerusalén, tauga se'eso toolec 'alhua da yaqto' na'axaỹaxana so Juan. Qalota so ỹa'axa't naua lasouaxashe'ete, qaq so Juan nachelaxan huangui naqa'en so tala Jordán.

Mateo 6:12

'Auapalaxat qome na qauem maye so'otaq, 'eeta'ama qomi' da mashe sapalaxataq 'enauac nam qomi' qaỹo'oteque qauem.

Mateo 26:27

Qaq co'ollaq ime, nache ỹacona aso ỹomaxaqui nlaqchigui na lataxa, nache ỹanot da na'achec Ñim Lo'onatac 'Enauacna. Ime, nache ỹanema soua lapaxaguenataqa nache, 'eeta': «Qanỹomiigui qome ne'ena lataxa 'enauac da qoñiita.

Mateo 26:29

Qaq ne'ena na'a'q, nachena na pa'atec da ñeỹomgui ne'ena lataxa da qami' ñeỹomaxau'. Qalaxaye qom qaltaq salegaqta'a't da souaqtaigui da lo'onataxanaxac Ñim Ita'a, huaña nache ñeỹomaxagui ca dalaxaic lataxa.»

Lucas 22:20

Qaq nache ỹe'enaxatteguet nataqa'en aso ỹomaxaqui maye nlaqchigui na lataxa co'ollaq mashe ime da nquia'axac, nache 'eeta': –Ne'ena lataxa nachenaua naua itago'q maye huecolde'c, souaxat da qoñiita. Qataq naamaye nachenaua naua chegoqchiguilo da Ñim Lo'onatac 'Enauacna qami' naỹamaxatto.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.