Mateo 26:27 - La'aqtaqa Ñim Lo'onatac 'Enauacna 2013

²⁷ Qaq co'ollaq ime, nache ỹacona aso ỹomaxaqui nlaqchigui na lataxa, nache ỹanot da na'achec Ñim Lo'onatac 'Enauacna. Ime, nache ỹanema soua lapaxaguenataqa nache, 'eeta': «Qanỹomiigui qome ne'ena lataxa 'enauac da qoñiita.

Nuevo Testamento Toba Sur

²⁷ Qaq co'ollaq ime, nachi ÿacona aso ÿomaxaqui, nachi qaltaq ÿanot da n'achiquiaxac ñi Dios. Ime, nachi ÿanoiguilo soomayi, nachi 'eeta': –Qanÿomiigui qome ana'ana ÿomaxaqui 'enauac da qoñiita.

Nuevo Testamento Toba Sombrero Negro

²⁷ Yem qama'le yacona jaga'me yomaĝaiqui; yitaĝa yanem da'me lamaic ñe'me Dios qama'le yaqauaqatenouelo jogaa'me lapaĝaguenataqa, enaac: —Aniyomiyigui janjo' yomaĝaiqui,

Mateo 26:27 Referans Kwoze

1 Corintios 10:16

Da lquia'axac So Qarataxala' naxa da ñeỹomaxagui aso ỹomaxaqui qataq da seỹaxanaqot Ñim Lo'onatac 'Enauacna da ỹaalec da lqouagaxanaqtaic, nache 'enauac da shenaqta ñeuanaqaua'a da ltago'qỹaxac So Cristo. Qataq naxa da ñecolaxataxañi aso nauole da sacheguenaq, nache nataqa'en ñeuanaqaua'a da lo'ocỹaxac So Cristo.

Isaías 25:6

Ñim Nataxala' maye Qaica ca Ỹaqalanapec huaña qome añi qasoxonaxa Sión da iqataxanai' da ỹo'ot da yaqto' ỹalegueua'a na ỹotta'at shiỹaxauapi ca nquia'axac da qanallec ca ỹataqta ama nallec, qataq qanỹomigui ca ỹataqta togoshaapec lataxa, qataq ca ỹataqta no'on nallec qataq cam ỹataqta no'on lataxa.

1 Corintios 11:28

Ỹoqo'oye ñi 'oonolec, iuen da ỹa'auaxaañi da ỹataqta naỹateetela't, da huo'otaq 'onaxaic cam ỹo'ottac huo'otaq qauem. Ime, nache ishet da chec aca nauole qataq ishet da nỹomgui aca ỹomaxaqui.

Lucas 22:20

Qaq nache ỹe'enaxatteguet nataqa'en aso ỹomaxaqui maye nlaqchigui na lataxa co'ollaq mashe ime da nquia'axac, nache 'eeta': –Ne'ena lataxa nachenaua naua itago'q maye huecolde'c, souaxat da qoñiita. Qataq naamaye nachenaua naua chegoqchiguilo da Ñim Lo'onatac 'Enauacna qami' naỹamaxatto.

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Cantares 7:9

Da lamaic na 'ap 'eeta'am na lataxa, da quigui na qorap qataq naua qarhue.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Salmos 116:13

Qaq nacherato' da san qome da ña'achecỹaxac souaxat da ica'alaxa, qataq seỹaxaatega qome da le'enaxat Ñim Nataxala'.

Mateo 15:36

Ime, nache ỹaconalo soua siete nauole 'ayiiña qataq soua nỹaxaye, nache ỹanot da na'achecỹaxac Ñim Lo'onatac 'Enauacna. Ime, nache ncolaxaayiñi, nache ỹanema soua lapaxaguenataqa. Qaq soomaye nache ỹanoiguilo so shiỹaxauapi.

Mateo 26:26

Qaq co'ollaq ña deque'eta'ape, nache So Jesús ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache ncolaxaañi aso nauole qataq ỹanema soua lapaxaguenataqa nache, 'eeta': «Qauacoñiiguet qataq qolliqui ana'ana, anamaye nachera da ỹo'ocỹaxac.»

Mateo 26:28

Cha'aye nachenaua naua maiche itago'q qataq chegoqchiguilo naamaye da Ñim Lo'onatac 'Enauacna naỹamaxate' 'enauac da qoñiita. Ne'enaua itago'q chegoqchiguilo da qaỹapalaxat na qalota lasouaxashet na shiỹaxauapi.