Mateo 26:18 - La'aqtaqa Ñim Lo'onatac 'Enauacna 2013

¹⁸ Nache So Jesús 'enapeco': –Qanqo'oñiiua'a qome ye nỹecpi, nache qanmichiỹaique ca lma' ca qanauochaxaua maye qarauattonataqui, nache qaỹa'añim de'era ỹa'aqtac: «Ñim Qanapaxaguenaxala' 'eeta': mashe saqaỹapeque da ivita da seleu; ỹoqo'oye sauotaique da huaña na 'arma' da sequi'iỹa'a'isalo naua ỹapaxaguenataqa da sacheguenaq cam nallec na na'a'q Lapascua.»

Nuevo Testamento Toba Sur

¹⁸ Nachi so Jesús 'enapeco': –Qanqo'oñiu'a qome yi la ciudad, nachi qaiteu'a yi lma' que'eca shiÿaxaua. Nachi qoñiÿapega, qoñiita': “Ñim qanapaxaguenaxala' 'eeta': Yi ÿaloqo' mashi sa qaÿapeque. Qaq na 'adma' qome huaña da sachic ca nallic mayi naigui da qaiuennate co'ollaq qanayica'ai yi Egipto, da sequi'iÿa'ai'salo naua ÿapaxaguenataqa.”

Nuevo Testamento Toba Sombrero Negro

¹⁸ Joñe'me 'yategueta: —Auec'achiya di'me noic, 'uo ga'me jiyaĝaua auañiya, qama'le a'uaqataĝañem: «Ñe'me Paĝaguenataĝanaĝaic enaac: Joote qoyoqo'ta ga'me yaloqo'; nayi jec'ata na'me at'achaqa' qaedi jouaqa'a da'me jeque'yaq nataq'aen naa'me yapaĝaguenataqa da'me jenataqa'ta ga'me nolo' 'me Pascua.»

Mateo 26:18 Referans Kwoze

Juan 7:6

Qalaxaye So Jesús 'enapeco': –Saxanaxa da ivita ye laloqo' da 'enauac da qaỹaỹaten negue't Aỹem. Qalaxaye qami' camachaqca ca na'a'q, nache 'onaxaic qanqa'eñi.

Juan 17:1

Qaq co'ollaq ime da 'eetegalo soua lapaxaguenataqa So Jesús, nache ỹamato'ot na piguem, nache 'enapeco': –'Am Ita'a, mashe ivita ye laloqo' da 'auachaxana na shiỹaxauapi da ỹa'amaqchec qataq da ỹa'añaxac. Qaq nache sheetec nataqa'en Aỹem da sachaxana na shiỹaxauapi da 'ara'amaqchec qataq da 'ayo'oxoyec.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 7:30

Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Juan 7:8

Qauesomiỹa, qanqo'oñiiua'a que'eca naponaxac. Aỹem, qalaxaye saishet da ñeqo'ona, cha'aye saxanaxa da ivita ye laloqo' da 'enauac qaỹaỹaten da chaq negue't Aỹem.

Juan 12:23

Nache So Jesús 'enapegalo soomaye, 'eeta': –Nagui mashe ivita ye laloqo' da 'enauac qaỹaỹaten da negue't cam ỹoqta Shiỹaxaua Llalec.

Lucas 22:53

Qami' soota'agueta soua na'axa'te añi no'onaxanaxaqui late'erai, qalaq ¿ta'ainco' ye saisheto' da Aỹem qauacoñiiua'a? Qalaxaye nagui mashe ivita ye laloqo' da qauo'onataxañi qataq da do'onataxan da la'añaxac na napalaxa.

Juan 11:28

Qaq co'ollaq ime de'era la'aqtac aso Marta, nache asomaye jec da iỹaxana aso lqaỹa María. Nache isoxootot da 'enapega, 'eeta': –Dam Napaxaguenataxanaq hueta'a ne'ena, qaq damaye 'am nỹaxaneua'a.

Marcos 5:35

Qaq co'ollaq ña detaqtac So Jesús, nache huo'oi soua nvi't, chegoqra'a ca lma' so Jairo, nache qaỹa'aqtaxanem somaye qoỹeeta': –¡Aye 'aỹa'ale mashe ileu! ¡Shacou da 'auauec da Napaxaguenataxanaq!

Mateo 26:2

«Qami' qauaỹaañi da qom inoxoore'c ne'enaua dos na'axa'te, nache nnoxoneuo ca Lapascua. Nache huaigui qome da Aỹem Shiỹaxaua Llalec Aỹem qaỹaconeua'a, qataq Aỹem qaỹalauat Aỹem qaiuaxaata'aguet ca ñepe'enaxaqui.»

Mateo 23:10

Qataq saishet qome da qauayiñi na shiỹaxauapi da yaqto' qami' ỹamata'aque da qami' nataxala'ate, cha'aye Aỹem maye Aỹem Lca'aguishec Ñim Lo'onatac 'Enauacna Aỹem 'oonolec da Qarataxala'ai.

Mateo 23:8

Qalaxaye qami' saishet qome da qauacheeta'a na shiỹaxauapi da qami' iỹaxanalo qalaq 'eetega qami' napaxaguenataxanaqpi. Cha'aye 'enauac da qoñiita qami' nqaỹañecpi, qaq 'oonolec na Qanapaxaguenaxala'ai.

Mateo 21:3

Qaq da huo'o ca qami' ina't qalaq qoñiỹapega qome camaye, qoñiita': ‹Ñi Qarataxala' iue'n naamaye, qalaxaye saqaỹaloq qome da ñe'eguelaxataq.›»

Juan 20:16

Nache So Jesús 'enapego' asomaye, 'eeta': –¡María! Nache asomaye ỹamato'ot, nache huota'ai naua la'aqtaqa na hebreo da 'enapega, 'eeta': –¡Raboni! (Damaye naigui da 'eeta': 'Am Napaxaguenataxanaq).

Mateo 26:49

Nache so Judas nquicot So Jesús, nache iquin, 'eeta': –¡La', 'am Napaxaguenataxanaq! Nache napigoxoi'.

Mateo 26:19

Qaq soua lapaxaguenataqa je'c nache ỹaỹamaxaayiñi 'enauac so nallec, ipagaqchiichigui dam damaxasoxoolec So Jesús.