Mateo 26:12 - La'aqtaqa Ñim Lo'onatac 'Enauacna 2013

¹² Ana'ana 'alo icorelec so coraxat na iqaic, qalaxaye saishet da ỹaỹaten da ỹaỹamaxattapiguiñi da ỹo'ocỹaxac maye taỹa'a da qailareñi.

Nuevo Testamento Toba Sur

¹² Cha'ayi de'eda i'ot ada'ada 'alo da icodelec da i'oquiaxac som codaxat, damayi ÿaqataxanai' nagui da aÿim icodelec da ñaq saxanaxa da aÿim qailayiñi.

Nuevo Testamento Toba Sombrero Negro

¹² Ga'me jo'ne jayem 'yetec janjo' yauo da'me yecodelegue jena'me yo'oc ga'me davioĝon, nach'eda yiyamaĝateta't qom jayem qoyijeñi.

Mateo 26:12 Referans Kwoze

Juan 12:7

Nache So Jesús 'enapega so Judas, 'eeta': –'Aua'axaỹa'a aramaye. Cha'aye aramaye ỹaỹamaxattac co'ollaxa de'era coraxat, da yaqto' lhuotta qom iviteuga ca na'a'q da Aỹem qailareñi.

Marcos 14:8

Ara'ara 'alo, aramaye ỹo'ot dam nalotaua'a. Icorelec na iqaic so coraxat, qalaxaye saishet da ỹaỹaten aramaye da ỹaỹamaxattegueñi da ỹo'ocỹaxac maye taỹa'a da qailareñi.

Lucas 23:56

Nache co'ollaq ỹe'eguelaxareua'a ca lma't, nache iqataxaarai' som coraxat da ỹauotaique da lcoraxat so lo'ocỹaxac So Jesús. Ime, nache nmatre'c se'eso na'a'q mataxaqui, qaipactelec da lamaxasoxonaxac so Moisés.

Marcos 16:1

Qaq co'ollaq mashe inoxonec so na'a'q mataxaqui maye saishetapec na judiopi, nache aso María maye lma' ye Magdala, Salomé qataq aso María maye late'e so Santiago, soomaye desheenaxara so coraxat da yaqto' icorelec da lo'ocỹaxac So Jesús.

2 Crónicas 16:14

Qaq co'ollaq qailareñi, nache qaỹachaigui aso huachiqui maye maiche iqataxanai' co'ollaxa somaye, asom naigui so huaqta'a't nỹecpi maye lalamaxat so David. Nache qaỹachangui aso laỹe' maye nlaqchigui na coraxat, qataq nam ỹotta'a't maye ama na laita maye lo'onatac som shiỹaxauapi maye ỹataqta ỹaỹaten da ỹo'ot nam coraxat. Ime, nache qaỹauo'o so ỹataqta lta'araic norec, da yaqto' qaỹauo'o da llo'oxoyec somaye.

Génesis 50:2

Ime, nache ỹamaq so natannaxanaqpi maye lamaxashecpi da icoyigui da lo'ocỹaxac so lta'a Israel, da yaqto' saishet da nlaguiñi, qaq 'era da qoỹeetec somaye.