Mateo 26:11 - La'aqtaqa Ñim Lo'onatac 'Enauacna 2013

¹¹ Cha'aye nache 'eetai' da huo'o na choxoraqpi da qaualliquiita'aguet, qalaxaye Aỹem saishet da nache 'eetai' qome da qami' soota'agueta.

Nuevo Testamento Toba Sur

¹¹ Qaq nam choxodaqpi, qalaq nachi 'eetai' qome da qami' hueta'agueta; aÿim, qalaxayi sa ishit da nachi 'eetai' qome da qami' hueta'agueta; aÿim, qalaxayi sa ishit da nachi 'eetai' da qami' soota'agueta.

Nuevo Testamento Toba Sombrero Negro

¹¹ Qa'a jogaa'me choĝodache nach'e eta't ami uetauelo, qalaĝaja jayem ja nale'en ami jouetauelo.

Mateo 26:11 Referans Kwoze

Deuteronómio 15:11

Cha'aye nache 'eetai' qome da huo'o na choxoraqpi ana 'alhua, ỹoqo'oye 'am samaxalec da 'auchoxoren qome que'eca 'arhuo' le'ec maye choxoraq, qataq huo'o da lhuenaxanaxa maye netaña que'eca 'ana'alhua.

Marcos 14:7

Nache 'eetai' qome da huo'o na shiỹaxauapi choxoraq da qaualliquiita'aguet, nache ishet da qautauañi da maiche qarhuennataxaqui. Aỹem qalaq saishet da nache 'eetai' da qami' soota'agueta.

Juan 12:8

Qami' nache 'eetai' da qoviita'aguet na choxoraqpi; Aỹem, qalaxaye saishet da nache 'eetai' da Aỹem qoviita'aguet.

Juan 16:28

Aỹem sachegoqtot co'ollaxa Ñim Ita'a da ñanaỹa ana 'alhua, qaq nagui qalaq Aỹem sheca'ai ana 'alhua da she'eguelaxa Ñimaye.

Juan 16:5

Qalaxaye nagui Aỹem she'eguelaq da yaqto' soota'aguet Ñim Aỹem namaq; qaq saishet da huo'o ca 'oonolec da qoñiita da Aỹem inattac da chaq hua'ague ca saigue.

Juan 14:19

Qaq mashe yaqta'a da ivita ye laloqo' da na shiỹaxauapi saishet da Aỹem ila'a, qalaxaye qami' qalaq Aỹem qauloita'a. Cha'aye Aỹem na'aictaxa da seleu, qalaxaye qaltaq ñeca'alec, nache qami' so'oteque da nataqa'en qanca'alliiuec.

Juan 13:33

Qami' ỹalqolqa, mashe saqaỹapeque da qami' saq soota'agueta. Qaq qami' qome Aỹem qanmichiitaique, qalaxaye nache 'eeta'am de'era ỹa'aqtac co'ollaq sheetega na judiopi da sheeta': Saishet da qauañoxoche da qanqo'oñiỹa cam soota'a.

Hechos 3:21

Qalaxaye So Jesucristo nagui iuen da ñaq neta'ague da piguem, nato' qom ivita ca na'a'q da Ñim Lo'onatac 'Enauacna naralaxat 'enauac na lo'onatacpi. Qaq 'era dam 'enapec Ñimaye co'ollaq ỹa'aqtaxanaxan som hua'au la'aqtaxanaxanecpi maye qui'itta.

Juan 17:11

Qaq Aỹem mashe yaqta'a da saishet da soota'a ana 'alhua, cha'aye Aỹem saỹa cam qoueta'a. Qalaxaye naamaye ñaq huetralec ana 'alhua. Qaq ỹoqo'oye 'am seỹaxanot da 'antela'alo, qataq 'anema da 'ara'añaxac dam Aỹem 'aỹa'anem co'ollaxa, da yaqto' naamaye nache 'eetai' da na'atta'a't, 'eeta'am da 'eetec 'Am qataq Aỹem.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Mateo 18:20

Cha'aye cam huetra'a caua dos, huo'otaq tres da qoñiita da na'aqtaxaatapiguilo da ỹe'enaxat, nache Aỹem soota'agueta caamaye.

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

Gálatas 2:10

Qaq nachaqrata da qomi' iỹaxanoto da seuennataqa'a da setauanaq na choxoraqpi maye 'amqaanataxanaxaicpi ye Jerusalén. Qaq damaye nachera ñepogoxoinaqtapegue' da so'otaq.

Mateo 26:10

Nache So Jesús hua'aqchigui de'era, nache sa naỹaloxon da 'eeta' da la'aqtac: –Saishet da qoquiiteguelec ana'ana 'alo. Cha'aye de'era ỹo'ot anamaye, ỹachegoxotchigui da lta'araic lauotaxanaqtaic Aỹem.