Mateo 26:10 - La'aqtaqa Ñim Lo'onatac 'Enauacna 2013

¹⁰ Nache So Jesús hua'aqchigui de'era, nache sa naỹaloxon da 'eeta' da la'aqtac: –Saishet da qoquiiteguelec ana'ana 'alo. Cha'aye de'era ỹo'ot anamaye, ỹachegoxotchigui da lta'araic lauotaxanaqtaic Aỹem.

Nuevo Testamento Toba Sur

¹⁰ Qaq so Jesús hua'aqchigui de'eda, nachi 'enapeco': –¿Tá'ainco' qami' yi sa qaualemaxachi ada'ada 'alo? Cha'ayi de'eda aÿim i'otec, damayi ÿataqta ÿaÿamaqchiguiñi.

Nuevo Testamento Toba Sombrero Negro

¹⁰ Jesús domachiyalo, qama'le enaac: —¿Toqoch'e aueloiquiaĝañetac janjo' yauo? Ga'me jayem 'yetem yataqachiñe 'noota.

Mateo 26:10 Referans Kwoze

Tito 3:8

Qaq de'era sheetega ỹataqta 'eesa. Ỹoqo'oye ñeshetaique da ỹataqta 'auapaxaguenataxanec, yaqto' 'enauac na ỹa'amaqten Ñim Lo'onatac 'Enauacna ỹataqta npogoxoinapegue' da ỹo'ot ca ỹaỹamaqchiguiñi. De'era sheetega ỹataqta 'onaxaic, qataq huo'o naq naigui.

Tito 3:14

Nataqa'en na qarqaỹañicpi 'amqaanataxanaxaicpi, 'onaxaic da ỹaỹaten da ỹo'ot ca no'on, qataq da itauan cam huo'o da lhuenaxanaxa, yaqto' da nachaalataxac namayepi ỹataqta huo'o da naigui.

Tito 3:1

'Auennataxanaxanec na 'amqaanataxanaxaicpi da iuen da ỹachaxana da lalaxayec na nta'alpi maye 'amaqtaqaicpi qataq na ltauapi. Qataq nache 'eetai' da lhuotta da ỹo'ot ca ỹaỹamaqchiguiñi.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Tito 1:16

Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.

2 Timoteo 2:21

Qaq nataqa'en qomi' da huo'o ca nshetaique da 'eco' nogoxoshet maye taiguet da ño'oxoyec, qataq nshetaique da qaiqui'itaxatta, qataq nshetaique da taiguet da lo'onataxanaxanec Ñim Nataxala', qaq camaye nale'en da iỹouec 'enauac na sa ỹaỹamaxañi, nache ỹataqta taiguet ca camachaqca no'onataxanaxac ỹaỹamaqchiguiñi.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

1 Timoteo 3:1

Ỹataqta 'eesa da huo'otaq huo'o ca nshetaique da lataxala' na 'amqaanataxanaxaicpi, qalaq ỹataqta ỹaỹamaqchiguiñi, 'onaxaic yem tategueua'a no'onataxanaxac.

2 Ts 2:17

da ỹa'añaqchet da qarquiyaqteỹaxaqui, qaq damaye yo'oq chegoqchiguilo naua no'o'n qara'aqtaqalli' qataq nam qauo'oche'.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Gálatas 6:17

Qaq ỹoqo'oye, nache tachiguiña nagui da saishet qome da huo'o ca aỹem naxattac, cha'aye da ỹo'ocỹaxac no'onañi na lliguiñi na ñeuaxanaguecpi, qaq damaye ỹachaxan da shectague' So Cristo.

Gálatas 5:12

¡'Onaxaictoxo' da nam sa qami' ỹalemaxa't saishet da ndotec da ỹauo'o ca na'anaxat na lo'oc nataqa'en 'onaxaictoxo' da imauec icheguec ñi logoxoshet!

Gálatas 1:7

Ỹoqta 'eesa da ỹataqta qaica ca lỹa na'aqtaxanaxac. Qalaxaye shenapec de'era, cha'aye huo'o na huotaique da naralaxat da no'on na'axaỹaxac maye na'aqtaguec So Jesucristo, ime, nache qami' isomaxanaqche't.

2 Corintios 9:8

Ñim Lo'onatac 'Enauacna ishet da chochaq huañi naqa'en da qami' ỹanema na ỹotta'a't yo'oqchigui qana'achecỹaxaqui, yaqto' qami' ishet da huo'o 'enauac na maiche qarviñiqui. Huaña, nache ishet da qautauañi ca qarỹai.

Marcos 14:6

Qalaxaye So Jesús 'enapeco': «¡Qauaqaita'a aramaye! ¿Ta'ainco' ye sa qaualemaxache? Aramaye da Aỹem ỹo'otec ỹataqta ỹaỹamaqchiguiñi.

Da na'aqtaguec so Job 13:7

¿Qami' qaupichiitega peta'a da qavicheetapeguelec, Ñim Lo'onatac 'Enauacna da qauo'oche' naua qaratenataxanaxacolle'? Qataq, ¿qaupichiitega peta'a da qautauañi da qauo'oche' naua qanashepegaxanaxacolle'?

Nehemías 2:18

Qaq cael sa'aqtaxanem da 'eetec de'era lqouagaxanaqtaic Ñim Lo'onatac 'Enauacna, qataq naua la'aqtaqa maye aỹem ỹanema se'eso nta'a. Huaña nache somayepi, 'eeta': «¡Qomoxochectaxa ño'oxonaxasheguem yemaye!» Huaña nache somayepi ỹataqta 'enauac da huo'o da la'añaxac qataq na'añaxata'a't.

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

Mateo 26:9

Cha'aye de'era coraxat ishettaxa da qaimen, nache aca lasheue ishet da setaunaxanaqot da setauanaq na qalota choxoraqpi.

Mateo 26:11

Cha'aye nache 'eetai' da huo'o na choxoraqpi da qaualliquiita'aguet, qalaxaye Aỹem saishet da nache 'eetai' qome da qami' soota'agueta.

Lucas 8:49

Qaq co'ollaq ña detaqtac So Jesús, nache huo'o so nvi', chegaqa'a ca lma' so Jairo som nataxala' asom napaxaguenaxaqui na judiopi. Nache da'aqtaxanem somaye, 'eeta': –Aye 'aỹa'ale mashe ileu. No'on da 'aua'aqta'a da Napaxaguenataxanaq.