Mateo 25:2 - La'aqtaqa Ñim Lo'onatac 'Enauacna 2013

² Qaq cinco soomaye soua sa naỹamaxata'ape, qataq cinco soua naỹamaxatte'.

Nuevo Testamento Toba Sur

² Qaq cinco soomayi soua qaica ca ÿaÿajna'alo, qataq cinco soua ÿajnaxanaqchaqai.

Nuevo Testamento Toba Sombrero Negro

² Cinco gaa'me 'uo da'me nichiyoĝojoĝo'j nataq'aen laqaya' cinco qamqa'me yatenaĝanaĝail.

Mateo 25:2 Referans Kwoze

Jeremías 24:2

Qaq soomaye, 'oonole aso huetangui aso ỹataqta 'onaxai hiigopi maye la'auaxana da ỹe, qaq aso lỹa, qalaq huetangui aso qauem hiigopi, qaq asomayepi ye ỹataqta qauem nache saishet qanallec.

Judas 1:5

Qaq na'aictaxa da qami' mashe sogote da qauaỹaañi de'era, qalaxaye nache 'ena'am sauotaique da qami' seuennataxanaxaneque da 'eetec co'ollaxa Ñim Lo'onatac 'Enauacna da nqateeguesop ye 'alhua Egipto so Israel le'ecpi, ime, nache ileu naqa'en so shiỹaxauapi maye saishet da ỹa'amaqten Ñimaye.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Mateo 24:45

¿Negue't cam namaxashec maye ỹataqta ipaqueelec ca namaxasaguec qataq nlotec? Qomye nacheca cam ỹale maye ca na'aco' ipataxalec camaye, da yaqto' iquia'axaatac cam hueta'a ca lma' da ivita ye laloqo' da nquia'axac.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Mateo 25:3

Qaq se'esoua cinco maye saishet da naỹamaxata'ape qaica ca lqataxanata'c aceite da ivita da imeuo so le'ec soua lcoỹaraxanaxaqui'.

Mateo 25:4

Qalaxaye soua lỹa't cinco maye naỹamaxatte', soomaye ỹacheta'ape so lqataxanata'c aceite, yaqto' da ivita da imeuo na le'ec aso lcoỹaraxanaxaqui', nache qaltaq icoyingui.

Mateo 25:9

Qalaxaye soua cinco qa'añole maye naỹamaxatte' 'ena'apo': «Saishet. Ten, saq 'amaqtaq na ñachoqtac aceite, 'onaxaic da qanqo'oñiỹa cam imeetac, nache qausheenaxañiỹa cam qarcoỹaraxanaxache.»