Mateo 24:9 - La'aqtaqa Ñim Lo'onatac 'Enauacna 2013

⁹ Huaña, nache qami' qaỹaue'c da qami' qaicoñerai'salo, qataq qami' qoỹaneua'alo na nta'alpi da yaqto' saishet da qami' iyacna'ape, qataq ivira'a da qami' ỹalaua't. Qataq 'enauac na shiỹaxauapi ỹataqta qami' nquiỹalo, souaxat da Aỹem qoquiitague'.

Nuevo Testamento Toba Sur

⁹ Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Nuevo Testamento Toba Sombrero Negro

⁹ “Chane'eja ami qoyadeuo qomle qaedi ja no'en ga'me ami qo'yeteque; nataq'aen ami qoyala't, nataq'aen yema jena'me aleua ami qoniquiya'alo qomle qa'a jouaĝat da'me jayem oquiyegue.

Mateo 24:9 Referans Kwoze

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Lucas 21:12

Qaq qom saxanaxa da yo'oq 'enauac de'era, nache qami' qaỹaconeua'alo qome, qataq qami' qaicaata'ape. Ime, qaq qami' qaỹauegueua'alo ana napaxaguenaxaquipi na judiopi, nache qami' qaicoñe't. Ime, qataq qami' qaỹauegueua'alo na nta'alpi maye ilotague' naua 'aleu' qataq nam maiche lta'alpi namayepi, souaxat da qami' ỹapaxaguenataqa.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

1 Pedro 4:16

Da huo'o ca 'oonolec da huo'o da nque'eenaxac souaxat da quetague' So Cristo, nache saishet da huo'o da la'agaxa, nachaqrata da ỹaatacot da na'achecỹaxac Ñim Lo'onatac 'Enauacna souaxat da quetague' So Cristo.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Hechos 7:59

Qaq co'ollaq ña qaỹasaqtalec so Esteban, nache somaye nqouagaxaueetac, 'eeta': –'Am Ỹataxala' Jesús, 'auaconeguet da saqcha'a ica'alaxa.

Lucas 11:49

Qaq ỹoqo'oye Ñim Lo'onatac 'Enauacna maye ỹaanaxanaxaic, huo'o da la'aqtac co'ollaxa da qami' ỹa'axatta'agueta 'enapeco': «Aỹem qami' samaxalo qome ca ỹa'aqtaxanaxanecpi qataq ỹamaxashecpi, qalaxaye huo'o na qaualauache, qaq ca laỹepi qalaq qaucañiitac, qaviraxachiỹalo naua lỹa't 'aleu'.»

Mateo 23:34

Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Hechos 28:22

Qaq ỹoqo'oye qomi' sauoqtaique da 'am ña'axaỹaxanaxa ca 'eetec ca 'arhuennataxac. Cha'aye saỹaanaq da 'enauaque naua 'aleu' qanpa'agueetega de'era dalaxaic na'amqaanataxanaxac maye 'aua'axattac.

Mateo 22:6

qaq so laỹepi qalaq ỹataqta ỹaconeua'a so lamaxashecpi so nta'a, nache iuaxaatac, choche ivitta'a da ỹalauat.

Proverbios 29:27

Na ỹalleppi maye no'on da lataxac saisheteguet na qauemaicpi, qataq na qauemaicpi nataqa'en saisheteguet na no'on da lataxac.

Daniel 11:33

Qaq ca ỹaanaxanaxaicpi qalota qome ca ỹapaxaguen shiỹaxauapi, qalaxaye ime nache qaỹalauat camayepi, nache qaỹavigaxat, qataq qaiuotaxanec cam hueto'ot logoxoshetpi, qataq huo'o ca qaỹauega ca ỹaqa'a 'alhua da yaqto' nlatacpi. Qaq camaye, saqaỹauec qome.

Juan 15:18

Nam shiỹaxauapi maye imatalec da lqopitaxanaqtaic na huetalec ana 'alhua, da qami' nquiỹalo, nache qauaỹaañi da Aỹem maye Aỹem nquiỹatega.

Juan 15:21

Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.