Mateo 24:6 - La'aqtaqa Ñim Lo'onatac 'Enauacna 2013

⁶ Qami' qaua'aqaitapeguelec qome da chemaqchiguiñalo da alaataxac na ỹotta'a't 'alhuapi. Qataq huo'o ca mashe huotaique da deloguiỹa't na nta'alpi. Qalaxaye saishet qome da qayi'i; cha'aye damaye iuen da huo'o qome, qalaxaye saxanaxa da ivita ca loga't ana 'alhua.

Nuevo Testamento Toba Sur

⁶ Qami' qau'aqaitapeguelec qome da chimaqchiguiñalo na alaataxac. Qalaxayi sa ishit qome da qayi'ii, cha'ayi damayi nachi qoÿina'ac. Qalaxayi saxanaxa qome da ivita ca laloqo'na.

Nuevo Testamento Toba Sombrero Negro

⁶ Ami novitalo qomle ga'me 'naqataĝanaĝac queda'me nalatetapega't jenjo' nataq'aen di'cha'a; qalaĝaja ena'te at'oiyi, qa'a youetaque da'me yepacalegue da'me uo'oe daa'me daajo', qalaĝaja maliaĝa ja loiquiaqa' jena'me aleua.

Mateo 24:6 Referans Kwoze

Lucas 21:9

Qaq qom huo'o ca qaua'aqaitapeguelec da nalattega'tpi qataq cam ỹo'ottapeguec ca nta'a maye ilotague' na lauo' le'ecpi, qalaq saishet qome da qayi'i. Cha'aye hua'auñi qome da anac 'enauac namayepi, qalaxaye saxanaxa qome da ivita ca loga'tna.

Juan 14:1

Saishet da huo'o ca tatapigui qarvilli. Nachaqrata da qaupi'iỹa'ai Ñim Lo'onatac 'Enauacna, nataqa'en Aỹem.

2 Ts 2:2

da saishet qome da qalhuotta'a da qaỹashaxanec da qarhuennataxaqui, qataq saishet da qami' icolanaqche't da huo'o ca 'eetega da mashe ivita ca laloqo' da ñe'eguelaq So Qarataxala'. Cha'aye saiuena'a da huo'o ca datenataxan da 'eetega ỹa'aqtaxanaxan So Saqcha'a Na'añaxac, huo'otaq da 'eetega da qarapaxaguenataxanaxac, huo'otaq da seraqtalec ana qorere de'era.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Salmos 112:7

Qataq saishet da ñe'etaique ca qauem na'aqtaxanaxac, cha'aye da lquiyaqteỹaxac saishet da deraỹapigui', cha'aye pi'iỹa'a Ñim Nataxala'.

Mateo 24:14

Qaq cam loga't ana 'alhua nvi' qom de'era no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna mashe qaỹa'aqtaxanem 'enauac na huetalec ana 'alhua, qataq nam ỹotta'a't shiỹaxauapi hua'aqchigui damaye.

Lucas 21:19

Qaq cam saishet da huo'o ca iqocha'a, qaq nacheca ca nauec cam nca'alaxa maye qaica ca loga't.

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Lucas 22:37

Cha'aye Aỹem shenapec da ỹataqta iuen da ipacchigui qome da ña'aqtaguec maye ỹa'axa't naua ñiyigui'she la'aqtaqa Ñim Lo'onatac 'Enauacna maye 'eeta': «Nache qaỹalecnoigui nam 'etaxaloxoicpi camaye.» Cha'aye 'enauac nam ña'aqtaguec maye qoỹettañi, namaye iuen da ipacchigui.

Mateo 26:54

Qalaxaye ñaq 'aua'axaỹa'a damaye yaqto' ipacchigui, cha'aye da nache 'eetec de'era, nache ỹataqta ipacchigui dam 'enapec naua nanettralec ana nere maye huetalec na la'aqtacpi Ñim Lo'onatac 'Enauacna.»

Ezequiel 21:28

'Am shiỹaxaua, 'auachegoxotchigui da ỹe'enaxat da 'aua'aqtaxanem da ỹa'aqtac na Amón le'ecpi maye isheueetac naxa na Israel le'ecpi, da ca ỹeelonec mashe qanqateeguesop ca laỹe': mashe lhuotta da qaỹalaataxana, qataq qashelecteguiñi da yaqto' chegaqaigui ca nqashelgaxa, nache ilaxachigui nam huo'o.

Jeremías 47:6

¡'Agai, 'am maye 'am lainec Ñim Nataxala'! ¿chaq laguio' qaq 'anmatec? ¡Ñaq 'avi'eguelaxaigui na 'araỹe', ñaq 'anañaxaañi qataq 'añe'emaxat!

Isaías 7:4

nache qonapega qome qoneta': ‹Maxatchaxa 'avitapigui' qome, qalaxaye saishet da 'aue'elaq, saishet da 'añe'etac, qataq saishet da leuapigui ye 'arhuel, souaxat ñi Resín qataq yem siiriopi qataq ñim llalec so Remalías,› maye 'eeta'ama caua norec lasoqo da nchetrapiguishegue'm, souaxat da 'eroigui da nnogoxonaxa'c.

Mateo 2:3

Nache so nta'a Herodes qataq 'enauac som shiỹaxauapi maye netaña ye nỹecpi ye Jerusalén, ỹataqta dalemata co'ollaq hua'aqchigui de'era na'aqtaxanaxac.

Apocalipsis 6:4

Nache nnoxonec so lỹa caaỹo togaxaraic. Qaq Ñim Lo'onatac 'Enauacna ỹanem se'eso netalec somaye da la'añaxac, da yaqto' nlaxaañi da nlagaxayec ana 'alhua, qataq da yaqto' ỹo'otec da ñi 'oonolec shiỹaxaua ỹalauat ca lỹa. Qataq ỹanem so lta'araic lainec somaye.