Mateo 24:51 - La'aqtaqa Ñim Lo'onatac 'Enauacna 2013

⁵¹ nache ỹauo'o ca nhuaxanaguec camaye, 'eeta'am naqa'en da nhuaxanaguec 'enauac nam namaxashecpi maye ỹatenachet ca na'aco'. Huaña, nache nỹeetac, qataq ỹataqta inaga't naua lhue da nqui'ic.

Nuevo Testamento Toba Sur

⁵¹ Nachi ÿataqta qaica ca 'en'am naq'en ca nhuaxanaguec, 'eeta'am, naq'en da nhuaxanaguec nam 'eetegapi da 'eesa. Huaña, nachi noÿiitac, qataq ÿataqta inaga't na lhue da nqui'ic.

Nuevo Testamento Toba Sombrero Negro

⁵¹ Qama'le ya'uo da'me ne'uaĝanaguec, yamaĝaue da'me yepagaqate'tegue da'me lachoĝode'j jogaa'me ja ejoda, ua'a da'me noyenaĝac nataq'aen yoqolavina't jonaa'me lodaitel.

Mateo 24:51 Referans Kwoze

Mateo 8:12

Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Lucas 12:46

Qaq so na'aco' da ñe'eguelaq da huetoigui ca na'a'q qataq cam laloqo' da huo'otaq se'eso namaxashec saishet da huotaique, ime, qaq qaỹauo'o ca nhuaxanaguec, 'eeta'am qanqa'en da nhuaxanaguec nam namaxashecpi maye sa ỹalaq.

Mateo 22:13

Nache so nta'a ỹamaxalec so lamaxashecpi, 'eeta': ‹Qaucoñiyiỹa't naua lchel qataq naua lhua'q, nache qauasaqaiuga ye napalaxa, yem huaña da na shiỹaxauapi ỹataqta nỹen qataq inaga't naua lhue da nqui'ic.›

Isaías 33:14

Qaq ye Sión qalaq iviloxol na 'etaxaloxoicpi, na qauemaicpi qalaq nlaxagui da lcolanaxa, nache, 'eeta': «Dam shenaqta ¿negue't ca ishet da huetaigui nam norec maye dalaataxanapec, nam lta'araic norec maye chochaq tatec?»

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Mateo 25:30

Qaq de'era namaxashec maye qaica ca taiguet, damaye qauo'oyiỹauga na napalaxa, huaña qome, nache ỹataqta ỹaguec da lcolanaxa, nache nỹeetac qataq ỹataqta inaga't naua lhue da nqui'ic.»

Da na'aqtaguec so Job 20:29

Qaq 'era da 'eetec da taỹa'a ca qauemaic, cha'aye nachera da ỹaqataxaatai' Ñim Lo'onatac 'Enauacna, da talec naqa'en camaye.»

Jeremías 13:25

Qaq 'era da 'aỹa'aguet 'am Israel, 'era da iuen da 'am so'otec. Qaq 'era da ỹa'aqtac Aỹem Nataxala'. Cha'aye Aỹem 'aucoua'ai, qataq 'aỹa'anot da 'ara'amaqtenaxanaxac nam saq 'en atamnaxala'pi.

Mateo 24:50

Qaq da nvi' ca na'aco' que'eca na'a'q maye saishet da huotaique,