Mateo 24:49 - La'aqtaqa Ñim Lo'onatac 'Enauacna 2013

⁴⁹ nache quetot da iuaxaatac na ltauapi, qataq ỹo'ot na lquia'axac, qataq nỹomtague' na taxaicpi.

Nuevo Testamento Toba Sur

⁴⁹ Nachi jec da iuaxaatac na nlataxauapi, qataq i'ot da lqui'axac, qataq da nÿoma'ai' na taxaicpi.

Nuevo Testamento Toba Sombrero Negro

⁴⁹ qama'le ja no'en da'me 'yeteque jogaa'me nelataqa 'me nepotanaĝa'u, nataq'aen yema'a da'me deque'e choqoda'me niyomaĝa'u jogaa'me taĝayaqa,

Mateo 24:49 Referans Kwoze

Apocalipsis 17:6

Qaq can ime, nache aỹem ñanoma da asa'aso 'alo nỹomgui se'eso lataxa, nache asomaye taxai. Qaq se'eso lataxa naigui na ltago'q som lalamaxatpi Ñim Lo'onatac 'Enauacna qataq som qaỹalauatpi, souaxat da saishet da ỹaxanec da lpi'iỹaxac So Jesús. Qaq se'eso ỹauanaqchec ỹataqta ỹo'ot da ỹa'aalaxa.

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Miqueas 3:5

Da la'aqtac Ñim Nataxala', 'eeta': Ne'ena ỹalamaxat nhuo' le'ecpi isomapec da llecỹaxac, souaxat da latenataxanaxac nam saq 'en na'aqtaxanaxanecpi, cha'aye nda'a't nam iquia'axan namayepi da da'aqtaxanem da nlagaxayec, qaq nam saishet da iquia'axan namayepi nache nda'a't da npa'aguene'.

Apocalipsis 13:7

Nataqa'en qaỹasheetem se'eso shiguiỹac leguemaxaic da iloquiaxan 'enauac nam lalamaxatpi Ñim Lo'onatac 'Enauacna, qataq ivitta'a da 'enauac loxonec. Qataq qoỹami' da la'añaxac da yaqto' maiche ỹoiqueetac 'enauac nam ỹotta'a't shiỹaxauapi maye ỹotta'a't na la'aqtacpi qataq ỹotta'a't na netañapi ana 'alhua.

Judas 1:12

Namayepi ỹataqta ỹo'ot da na'agaxa da ỹalectaigui da qarquia'axaqui maye naigui da nsoxoyec. Cha'aye namayepi da deque'e qataq da nỹom, qalaq saishet da iuata'a na laỹepi. Namayepi huotaique da nataxala'pi, qalaxaye maiche nhuogoqtapeguela't, 'eeta'am na napo maye qaica ca lla'ac 'etaxat, choche ỹachetac na la'at. Nataqa'en 'ena'am aca qo'oipaq maye qaca aca ala, cha'aye maye qanapogosheguem, qanmachetcheguem na lpa'a'pi, nache ỹataqta daqaqta.

1 Pedro 5:3

Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

2 Corintios 11:20

Cha'aye qana'añaxacheeguet nam shiỹaxauapi maye qami' ỹamaqta'ape da choche qami' lo'onataxanaxanaqa, qataq qami' nhuottaleguete, qataq qami' ỹatenachetta'ape, qataq saishet da qami' iyacna'ape, qataq da iuaxaatapoiguilo naua qarashegolli'.

Romanos 16:18

cha'aye ne'ena shiỹaxauapi saishet da do'onataxaatacot So Cristo maye Qarataxala', nachaqrata da maiche nmittaique ca maiche laỹamaxa. Qataq namayepi iroleguete naua la'aqtaqa isotta'ape na shiỹaxauapi da da'aqtaxan, qalaxaye namayepi ỹataqta tenataxanaxaicpi qataq ỹatenachet nam shiỹaxauapi maye saxanaxa da ỹaỹaten ca ỹoqta llec de'era na'aqtaxanaxac.

Ezequiel 34:3

Qami' qanỹomiitapigui na lche' ana qaguetapi, qataq qauachegoxochiỹaigui na laue anamayepi da qauo'oche na qo'ogoxoche, qataq qaualauache ana ỹataqta chaxarai ana qaguetapi, qalaxaye saishet da qanchelỹa'a anamayepi.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Isaías 56:12

Qaq 'enapec naxa namayepi: «Qolaq selaqaique ca lataxa, qataq cam lataxa maye ỹataqta chem da yaqto' ishet da qomi' taxaicpi. Qaq nache shenaqtec nataqa'en qonte' qalaxaye ỹactec qome ca qanỹomaxac.»

1 Samuel 2:29

¿Qalaq ta'ainco' da sa qauyacñiỹapec na qoỹaneuo shiguiỹacpi, qataq ana nachetaqtaxanaqtepi maye Aỹem samaxasoxoolec co'ollaxa da Aỹem qandoua'a? ¿Ta'ainco' da 'agaqnauec da llo'oxoyec naua 'aỹa'alqa, nache Aỹem 'auỹotta'a, qataq chaxaraiqa 'anqa'en souaxat da 'auquia'axaategueque 'enauac ana ỹataqta no'on lachetaqtaxanaqtepi na Israel le'ecpi maye ỹalamaxatpi?

Proverbios 23:20

Qataq saishet qome da 'aualecta'aguet na nỹomtapigui na lataxa, qataq na sa ỹala'ac da lquia'axac,

Mateo 18:28

Qalaxaye co'ollaq choche huenoxonec da ca'ai so lma' so nta'a se'eso namaxashec, nache natena'aguet so lo'onataxanaxaua maye huo'o aso lavigaxaiste ivi' cien ana anom maye chegaqaigui na lcat plata. Nache ỹaconot na lqosot somaye, nache ivigoqto'ot qataq 'eetega, 'eeta': «¡'Ausheeten nagui añi 'aravigaxaiste!»

Mateo 24:48

Qalaxaye saloqnaxanaxa da huo'o ca namaxashec qauemaic, nache 'eeta' da lhuennataxac: «Que'eca ña'aco' qaỹoqtegue da taigue nache qaỹaloqta da ñe'eguelaq»,

Mateo 24:50

Qaq da nvi' ca na'aco' que'eca na'a'q maye saishet da huotaique,

Juan 2:10

Nache 'enapega, 'eeta': –'Enauac na shiỹaxauapi ỹa'auaxaachiguiñi naxa da nỹomaxangui na no'on lataxa na namaxasoxoic, qaq da mashe qaỹoqtegue da nỹomaxac, nache qaltaq qanỹomaxangui na lataxa maye saqallegueme da no'on. Qalaxaye 'am 'aupa'axaatec da 'aumenec na no'on lataxa.