Mateo 24:45 - La'aqtaqa Ñim Lo'onatac 'Enauacna 2013

⁴⁵ ¿Negue't cam namaxashec maye ỹataqta ipaqueelec ca namaxasaguec qataq nlotec? Qomye nacheca cam ỹale maye ca na'aco' ipataxalec camaye, da yaqto' iquia'axaatac cam hueta'a ca lma' da ivita ye laloqo' da nquia'axac.

Nuevo Testamento Toba Sur

⁴⁵ ¿Negue'tom ca nlatac da ÿataqta ipactelec ca l'onatac qataq huo'o na ÿaÿaten, da huo'otaq ca n'aco' ipataxalec camayi, da yaqto' iqui'axaatac nam hueta'a ca lma' da ivita yi laloqo' da nqui'axac?

Nuevo Testamento Toba Sombrero Negro

⁴⁵ Yitaĝa ñe'me Jesús enaac: —Jega: ¿jach'e jogamaĝa ga'me namaĝajec da'me yataqata yepaquetelegue ga'me 'lonatac nataq'aen 'uo da'me yayaten, da'me uotaĝa ga'me ladipa yamaĝalegue qaedi yiqui'yaĝa'tape gaa'me ueteda'a ga'me 'lachaqa' nale yovita ga'me laloqo' da'me niqui'yaĝac?

Mateo 24:45 Referans Kwoze

Mateo 25:21

Nache so ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

Mateo 25:23

Nache se'eso ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

Hebreos 3:5

So Moisés do'onataxaatacot Ñim Lo'onatac 'Enauacna qataq ỹalaxaguet 'enauac, ỹoqo'oye itauan so nhuo' le'ecpi maye lalamaxatpi Ñim Lo'onatac 'Enauacna ỹataqta ipagaqchiichigui dam la'aqtac Ñimaye, qataq da'aqtaxaateguem se'eso lalamaxatpi Ñim Lo'onatac 'Enauacna dam huotaique ỹa'axat Ñimaye maye ñaq natauo.

2 Timoteo 2:2

'Am 'aua'aqchigui nam sapaxagueeteguec na qalota shiỹaxauapi. Qaq nagui sauotaique da 'am 'auapaxaguenec ne'enapi na 'amqaanataxanaxaicpi cam ỹataqta 'arpe'et, da yaqto' sa nqalat da ỹapaxaguen ca lỹa.

1 Timoteo 1:12

Sanot da ña'achecỹaxac So Qarataxala' Jesucristo, cha'aye Somaye huo'o da naquitaxac aỹem qataq aỹem ỹami' da ỹa'añaxac da so'onataxanot Somaye.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Lucas 19:17

Nache so nta'a 'enapeco': «Aja', no'on, ỹaỹamaqchiguiñi, ỹataqta 'am no'on no'onataxanaxanec. Qaq cha'aye ỹataqta 'apactelec da 'auo'ot, dam saq 'amaqtaq maye 'am sepataxalec, qaq nagui sanagui da 'am nataxala' da 'aulo'oguelo caua diez nam 'amaqtaqaic nỹecpi.»

Mateo 13:52

Nache Somaye 'enapeco': –'Enauac nam dapaxaguenataxaatapeguec na namaxasoxonaxacpi maye chegoqo'ot so Moisés da huo'otaq taigui nam napaxagueetega da lo'onataxanaxac Ñim Lo'onatac 'Enauacna, nache namayepi 'eeta'am ca ỹale da nqo'ona ca lma', nache nqatec na dalaxaicolec qataq nam togoshec logoxoshet.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Mateo 25:2

Qaq cinco soomaye soua sa naỹamaxata'ape, qataq cinco soua naỹamaxatte'.

Mateo 7:24

Qaq ỹoqo'oye cam ỹataqta Aỹem na'axaỹaxana qataq ỹo'ot da sheetega, qaq camaye 'eeta'am ca ỹale maye ỹataqta ỹaanaxanaxaic, maye no'oxootelec naqa'en ca ỹataqta ndota't coma' da no'oxoosheguem ca lma'.

Ezequiel 34:2

«'Am shiỹaxaua 'aua'axata'a dam talec qome na qagueta lo'opi ye Israel, qoneta': Da la'aqtac Ñim Nataxala', 'eeta': ¡Choxoraxaso' na qagueta lo'opi ye Israel maye maiche ntelteguela't! Qaq anam iuen da ilo'ogue taxa na qagueta lo'opi, nachana ana qaguetapi:

Proverbios 14:35

Ca nlatac maye sanqalat camaye lauotaxat ca nta'a, qaq ca 'enaqaic qalaq lquiỹaxat camaye.

Proverbios 28:20

Ca shiỹaxaua maye npe'et camaye ivira'a da qaỹo'oxoreetac, qaq ca nda'a't da iỹalata'a da lsallaxa, qalaq saishet da saqca ca nhuaxanaguec.

Mateo 24:46

¡Qaq ỹataqta machiguiñi qome que'eca namaxashec, da huo'otaq ivita da nvi' ca na'aco' qalaq ilalec camaye da ỹo'ottac cam ỹamaxalec!

Éxodo 36:4

Nache 'enauac so sanqalaate' da huo'o na ỹo'ot maye ỹo'ottac so npe'l, ỹaxaañi da lo'onataxanaxac,

Rut 2:6

Nache so ilotague' so deqataxaatacpi 'enapeco': Qomye ara'ara qa'añole nachara aram chegaqa'ague da Moab, aram nnaictague' aso Noemí.

Ezequiel 46:24

Qaq huaña nache se'eso shiỹaxaua aỹem 'enapega, 'eeta': 'Ena na nhuoshaqa'pi, nam huaña qome da na do'onataxaategueua'a añi atamnaxaqui ỹaneuaq ca shiguiỹacpi maye ỹaneuo da lachetaqtaxanaxat na nhuo' le'ecpi.