Mateo 24:39 - La'aqtaqa Ñim Lo'onatac 'Enauacna 2013

³⁹ Se'eso shiỹaxauapi saishet da ỹaỹaten da huaigui co'ollaq npaxaasheguem ana 'alhua, ỹoqo'oye ivira'a da 'ogaxaicpi. Qaq 'era da 'eetec Aỹem Shiỹaxaua Llalec qom qaltaq ñe'eguelaq.

Nuevo Testamento Toba Sur

³⁹ Qalaxayi sa ishit co'ollaxa da anoma de'eda somayipi, chochi ivitta'a co'ollaq anac so auot, nachi huaÿoxon naq'en 'enauac somayipi. Qaq 'eda da 'eetec nataq'en qom ivita da ñi'iguelaq na shiÿaxaua llalec.

Nuevo Testamento Toba Sombrero Negro

³⁹ Nataq'aen ja maqachaĝa nometeguet ga'me lai'li chayovida'a joca'li novi' ga'me uotep let'adaic, qama'le ena'uaque yayoĝo'n jogaa'me. Nach'eda naq'aeta qomle da'me 'yiyelaĝajoĝoc, da'me jayem mach'e Jiyaĝaua Lec'oĝot.

Mateo 24:39 Referans Kwoze

Juan 3:20

'Enauac nam ỹo'ottac na qauem, namayepi ỹataqta nquiỹa na yo'oqchiguiñi, nache namayepi netaigui na napalaxa, cha'aye nshetaique da saishet da ya'aqaleguete naua ỹo'otta'ape qauema.

Mateo 24:37

Qaq Aỹem Shiỹaxaua Llalec qom qaltaq ñe'eguelaq, nache na shiỹaxauapi 'eeta'am qome da lataxac so na'a'q maye huetaigui co'ollaxa so Noé,

Hechos 13:41

Qami' ỹataqta qavi'iñiitac Ñim Lo'onatac 'Enauacna, qalaxaye nagui qavi'ilqai, nache qauataiuec. Cha'aye ỹaguec da lchec qome ca nhuaxanaguec maye sanem nam sa ỹalaq, nache sa qaua'amaqchiñi da huo'o ca qami' da'aqtaxaatapeguema.

2 Pedro 3:5

Qaq ne'ena shiỹaxauapi saishet da taỹapigui lauel da soua qaỹoqteguelo vi'iye da Ñim Lo'onatac 'Enauacna, ỹo'ot co'ollaxa na piguem qataq ana 'alhua. Chegoqchigui so 'oonolec la'aqtac da ỹo'ot aso auaxai qataq na deqaqtelec 'alhua.

Proverbios 29:7

Ca no'on da lataxac qalaq iuennata'a da huapegue' ca choxoraq, qaq ca qauemaic qalaq saishet da huo'o ca qochetega.

Proverbios 24:12

Cha'aye na'aictoxo' da qonapec sa 'auaỹaten de'era, qalaxaye Ñi nmit 'enauacna, Ñimaye ỹaỹateetac damaye qataq Ñim 'am ilotague' ỹaỹateeta de'era, Ñim isheeten qome ca lo'onatac ñi 'oonolec shiỹaxaua.

Lucas 19:44

Nache qami' ilaxachiguilo ỹataqta qami' nmatchiyiñi. Saishet da huo'o ca 'oonolec da nachattañi na coma'pi maye qarpaqtaxanaxache. Qataq 'enauac da qoñiita qaullivi, qataq qanque'etaxañiigui 'enauac de'era, cha'aye saishet da qaua'amaqchiñi da Ñim Lo'onatac 'Enauacna Aỹem namaq da qami' ñeca'alaxatrec.

Isaías 42:25

Qaq ỹoqo'oye Ñimaye dalemataỹa namayepi, nache ỹauo'o da nhuaxanaguec, irolec da 'alaataxac maye huaigui da saishet da qaireetac, qataq hueteguelo naqa'en na norec, qalaxaye ñaqaiyeta namayepi saishet da ỹaỹaaneguet damaye.

Proverbios 23:35

Nache choche qonetac: «Aỹem qaiuaxaatac co'ollaxa qalaxaye sañanom, aỹem qaỹalasheetac qalaxaye sañanom, qalaxaye qom choche ñelouec nache qaltaq selaique ca lataxa.»

Jueces 20:34

nache nqo'oneua'a da iloquiaxan se'eso huaqta'a't nỹecpi. Qaq ivi' diez mil so ỹataqta alaataxaicpi Israel le'ecpi maye iloquiaxan co'ollaxa ye Gabaa. Qaq se'eso loquiaxac ỹataqta lta'araic, qaq so chegoxoguetpi so Benjamín sa ỹaỹaten co'ollaxa da mashe yaqta'a da qanauec.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Génesis 7:23

Qaq nachaqsota so Noé qataq soua nqotta'ato asa'aso notaxaqui da nca'alde'c. Qaq so laỹepi qalaq 'enauac nlachiguiñi: shiỹaxauapi, qataq so shiguiỹacpi nlopi, qataq so maỹopi, qataq som shiguiỹacpi maye hualectapigui'pi,

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Mateo 24:3

Qaq co'ollaq ime de'era, nache So Jesús qataq soua lapaxaguenataqa taresheguemec aso saqaỹoqotcheguemec 'alhua maye nanqa' ana Olivo. Nache So Jesús nso'ooñi, nache co'ollaq ndoteto soua lapaxaguenataqa, nache qainat Somaye, qoỹeeta': –Sauoqtaique da qomi' 'aua'axatema ¿chaq lagui qaq ivita de'era, da qailaxachigui añi no'onaxanaxaqui late'erai? ¿Ca 'eetec da saỹaanaq da ỹoltaq 'añe'eguelaq qome, qataq da ivita cam loga't ana 'alhua? ¿Chaq 'eetec ca la'anaxat qome?

Mateo 24:30

Huaña, nache 'enauac da qaila'a na pa'asheguem ca la'anaxat da Aỹem Shiỹaxaua Llalec qaltaq ñe'eguelaq. Nache 'enauac qome na ỹotta'a't shiỹaxauapi ana 'alhua ỹataqta iviloxolaqchet da lcolanaxa qom Aỹem ila'aguet da ñanactaigui ca lo'oc na piguem, ỹataqta lta'araic da ỹa'añaxac qataq da ỹo'oxoyec.

Mateo 24:40

Qaq que'eca na'a'q qome, huo'oi caua dos ỹale't da do'onataxaata'ape huetrauga ca no'onaxa, nache caamaye 'oonolec ca sauec, qaq ca lỹa qalaq ño'onaxatañi.