Mateo 24:2 - La'aqtaqa Ñim Lo'onatac 'Enauacna 2013

² Nache So Jesús 'enapeco': «¿Qauloita'a nagui 'enauac ne'ena nỹecpi maye ỹataqta lta'araicpi? Aỹem ỹataqta 'eesa de'era qami' sa'axatema nagui da 'enauac ne'ena qailaxachigui qome. ¡Saishet qome da huo'o ca 'oonolec da nachattañi namayepi!»

Nuevo Testamento Toba Sur

² Qalaxayi so Jesús 'enapeco': –¿Qami' qauloita'a peta'a ne'ena? Aÿim ÿataqta 'eesa de'eda qami' sa'axatema nagui da ne'ena coma' sa ishit qome da huo'o ca coma' da nachi 'eetai' da huetalec ca lÿa. Namayipi ÿataqta 'enauac qome da qailaxachigui.

Nuevo Testamento Toba Sombrero Negro

² Jesús enaac: —¿Qo'li yema aueloyita jena'me jenjo'? Eja ami ja'aĝatema queda'me jenjo' qaya'te onolec qa' ta'le uetalegue ga'me qa' laqaya qomle: yema qoyapalaĝat qomle.

Mateo 24:2 Referans Kwoze

Lucas 19:44

Nache qami' ilaxachiguilo ỹataqta qami' nmatchiyiñi. Saishet da huo'o ca 'oonolec da nachattañi na coma'pi maye qarpaqtaxanaxache. Qataq 'enauac da qoñiita qaullivi, qataq qanque'etaxañiigui 'enauac de'era, cha'aye saishet da qaua'amaqchiñi da Ñim Lo'onatac 'Enauacna Aỹem namaq da qami' ñeca'alaxatrec.

Jeremías 26:18

«So na'a'q maye huetoigui da lo'onataxanaxac so Ezequías, maye nta'a na Judá, nache so Miqueas maye lma' ye Moreset ỹachegoxotchigui da le'enaxat Ñim Nataxala' da da'aqtaxanem 'enauac na nhuo' le'ecpi na Judá, 'eeta': ‹Ñim Nataxala' maye Qaica ca Ỹaqalanapec, 'eeta': Na Sión ỹe'eguelaxa qome da 'eeta'am ca 'alhua maye qana'ayesheguem, na Jerusalén qalaq qailaxachigui qome nache lapoosheguem qaq yem qaỹoqotcheguec 'alhua maye netaña añi atamnaxaqui qalaq ndotec qome na nloche ñaxaalec.›

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

2 Pedro 3:11

Qaq nagui da 'enauac ne'enapi, da 'eetec de'era da qailaxachigui qome, nache qami', iuen da qaualaqaiguet Ñim Lo'onatac 'Enauacna qataq qauo'oche ca ỹaỹamaqchiguiñi,

Apocalipsis 21:22

Qalaxaye saishet da huo'o aca sela'a no'onaxanaxaqui se'eso nỹecpi, cha'aye Ñim Lo'onatac 'Enauacna maye Nataxala' maye qaica ca ỹaqalanapec, Ñimaye nacheñi ñi 'eeta'am da no'onaxanaxaqui, nataqa'en Ñim Qagueta Llalec.