Mateo 24:19 - La'aqtaqa Ñim Lo'onatac 'Enauacna 2013

¹⁹ Qaq cam 'alpi maye hualaxaipi que'eca na'a'q ỹataqta lta'araic da nque'eenaxac qome. ¡Qalaxaye ỹactec da lachoxoyec qome aca 'alo maye cheta'ague da deco'otac!

Nuevo Testamento Toba Sur

¹⁹ ¡Ÿataqta choxodaxaso' qome na 'alpi mayi hualaxaipi que'eca na'a'q, huo'otaq aca huo'o ca llalec ñaq lliptac!

Nuevo Testamento Toba Sombrero Negro

¹⁹ ¡Yataqachiñe choĝodailole gaa'me yauo' jo'ne nalotapegueta gaa'me noloqo'ote qom'te da'me qo'uaĝail, uotaĝa yauanalo gaa'me 'najodolqa jo'ne maliaĝa uanoque'tape!

Mateo 24:19 Referans Kwoze

Lucas 21:23

Qaq ¡choxoraale qome aca 'alo maye hualaxai qataq acam ña illepaxaatac ca llalec! Cha'aye 'enauac nam huetalec ne'ena 'alhua, huo'o qome ca lta'araic nque'eenaxac qataq ca nhuaxanaguec.

Lamentaciones 4:10

Na 'alpi maye no'on da lquiyaqteỹaxac qalaq maiche ỹaconeua'a so llalaqpi da ỹaneuaq, qaq se'eso ñalaqpi nacheso som qanallectac son na'a'q co'ollaq qailaxachigui ye Jerusalén.

Oseas 13:16

Qaq na nhuo' le'ecpi ye Samaria qalaq talec qome ca nhuaxanaguec, souaxat da dataỹa'aguet Ñim Natamnaxala'. Qataq qairolec ca ỹeelonec da qaỹalauat, na llalaqpi qalaq qaiuaxaneguet qome na 'alhua da qaỹalauat, qataq ana hualaxaipi qaipeleca'ague qome ana da'am.

2 Samuel 4:4

Qaq so Jonatán, huo'o co'ollaxa so llalec le'enaxat Mefiboset, somaye sara'añiiguelo naua lchel, cha'aye somaye co'ollaq mashe ivi' soua cinco vi'iye da nachaalataxac, nache nvi' co'ollaxa da na'axaỹaxac da ileu' so Saúl qataq so Jonatán hueraña ye Jezrel, nache aso 'alo maye ilotague' somaye, huo'o da lcolanaxa nache datauec ỹache so Mefiboset, qaq souaxat da lỹalaxa asomaye, nache ỹetauec co'ollaxa, nache chegoqta'a da sara'añiiguelo naua lchel somaye.

2 Reyes 15:16

Qaq nache huetoiguilo se'esoua na'axa'te da so Menajén, iloquiaxan co'ollaxa so huaqta'a't nỹecpi ye Tifesaj, nache ỹacona 'enauac som nogoxoshetpi maye huetaigui somaye, qataq som logoxoshetpi so saqaỹapequepi somaye. Qaq souaxat da saishet da qaỹauateguet co'ollaxa somaye, nache chegoqchiguiña ye Tirsa da iloquiaxan co'ollaxa, nache nataqa'en ipeleca'ague ana da'am aso hualaxaipi.

Mateo 21:16

Nache somayepi 'enapega So Jesús, 'eeta': –¿'Am peta'a 'aua'aqtega dam 'eetega nam ñaqpiolec? Nache So Jesús 'enapeco': –Aja', sa'aqtega. Qalaxaye qami' ¿saishet peta'a da qautaxaỹaxañi naxa da 'enapec naua ñiyigui'she la'aqtaqa Ñim Lo'onatac 'Enauacna maye, 'eeta'?: «Nam ñaqpiolec maye ñaq qapio'olecpi, qataq nam ñaq lleptacpi, do'onaxaatac 'am ỹo'oxoreetac.»

Mateo 24:18

qataq cam huetauga na no'onaxa, qalaq saishet qome da ỹe'eguelaxaua'a ca lma' da yaqto' ỹache' caua alogo.

Mateo 24:20

Ỹoqo'oye qanqouagaxauñiỹot qome Ñim Lo'onatac 'Enauacna, qataq qauỹaxañiỹot da yaqto' de'era saishet da huetoigui ca no'omaxa, huo'otaq ca na'a'q mataxaqui,