Mateo 24:14 - La'aqtaqa Ñim Lo'onatac 'Enauacna 2013

¹⁴ Qaq cam loga't ana 'alhua nvi' qom de'era no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna mashe qaỹa'aqtaxanem 'enauac na huetalec ana 'alhua, qataq nam ỹotta'a't shiỹaxauapi hua'aqchigui damaye.

Nuevo Testamento Toba Sur

¹⁴ Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.

Nuevo Testamento Toba Sombrero Negro

¹⁴ Qama'le dojo' 'laqataĝanaĝac ñe'me Dios 'me 'yaĝatetac da'me lejaliaĝa qo'yaĝatapema qomle ena'uaque ga'me jiyaĝadipi jo'ne uetedalegue jena'me aleua qaedi yateto'n. Yem qama'le novi' ga'me loiquiaqa'.

Mateo 24:14 Referans Kwoze

Apocalipsis 14:6

Ime, qataq sela'a so lỹa namaxashec piguem le'ec, huaỹotac, queto'ot na piguem. Ỹachetac da no'on na'axaỹaxac maye huo'o naq 'enec qataq qaica ca loga't, da yaqto' da'aqtaxanem 'enauac na ỹotta'a't shiỹaxauapi maye netalec na ỹotta'a't 'alhuapi qataq ỹotta'a't na la'aqtacpi.

Romanos 10:18

Qalaxaye aỹem senataxan, sheeta': ¿Saishet peta'a da huo'o ca huaña da hua'axaỹa de'era na'aqtaxanaxac? ¡'A'i, sogote da hua'aqtega! Cha'aye naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Naua la'aqtaqa taleguete imauec ana 'alhua, qataq ivira'alo 'enauaque naua pa'atre'c laỹel ana 'alhua.»

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Mateo 10:7

Nache qaua'aqtaxañim de'era na'aqtaxanaxac maye, 'eeta': «Da lo'onataxanaxac Ñim Lo'onatac 'Enauacna mashe saqaỹaloq da nvita ne'ena.»

Mateo 9:35

So Jesús coleetapigui 'enauac nam nma'ate qataq nam nañalo nam saq 'amaqtaq shiỹaxauapi da dapaxaguenataxaatapoigui ana napaxaguenaxaquipi na judiopi, ỹa'axattac dam no'on na'axaỹaxac maye naigui da ilo'ogue 'enauacna Ñim Lo'onatac 'Enauacna, qataq natareetac 'enauac nam ỹotta'a't lalolaxa qataq da nqui'ic na shiỹaxauapi.

Colosenses 1:6

De'era no'on na'axaỹaxac, damaye qaỹa'axatteguec 'enauaque naua 'aleu' maye ilotague' na Roma le'ecpi, qaq ỹataqta huo'o da lañaxataxac damaye. 'Eeta'am da qoñiita co'ollaq se'eso na'a'q da qauaỹachiñi da ỹoqta 'eesa da Ñim Lo'onatac 'Enauacna qami' ỹauoteque.

Mateo 24:6

Qami' qaua'aqaitapeguelec qome da chemaqchiguiñalo da alaataxac na ỹotta'a't 'alhuapi. Qataq huo'o ca mashe huotaique da deloguiỹa't na nta'alpi. Qalaxaye saishet qome da qayi'i; cha'aye damaye iuen da huo'o qome, qalaxaye saxanaxa da ivita ca loga't ana 'alhua.

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Hechos 17:6

Qaq co'ollaq sa qaỹanatalo soomaye, nache qaỹauec so Jasón, qaỹauogoleeta. Qataq huo'oi soua lỹa't 'amqaanataxanaxaiqa da qaỹauegueua'alo som lta'alpi se'eso nỹecpi. Nache ỹa'alaqtagui somayepi, 'eeta': –So Pablo qataq so Silas 'enauac na pa'aiguelo da ỹo'ottrac da la'axa. Nagui qataq nvittra'a ne'ena souaqta'a.

Ezequiel 7:10

¡Qaq 'ena nam na'a'q mashe nvi'! ¡Mashe nvi' na qami' ilaxachiguilo! Da qauem qalaq dauegaxaatai' 'enauaque naua pa'aiguelo ana 'alhua, qaq ỹataqta qalota da 'amqaanaxac.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

Hechos 20:25

Qaq nagui ỹoqta da 'enauac da qoñiita nam sa'aqtaxaatapeguem co'ollaxa da lo'onataxanaxac Ñim Lo'onatac 'Enauacna, da nache tachiguiña nagui da aỹem sa nauane'.

Mateo 24:3

Qaq co'ollaq ime de'era, nache So Jesús qataq soua lapaxaguenataqa taresheguemec aso saqaỹoqotcheguemec 'alhua maye nanqa' ana Olivo. Nache So Jesús nso'ooñi, nache co'ollaq ndoteto soua lapaxaguenataqa, nache qainat Somaye, qoỹeeta': –Sauoqtaique da qomi' 'aua'axatema ¿chaq lagui qaq ivita de'era, da qailaxachigui añi no'onaxanaxaqui late'erai? ¿Ca 'eetec da saỹaanaq da ỹoltaq 'añe'eguelaq qome, qataq da ivita cam loga't ana 'alhua? ¿Chaq 'eetec ca la'anaxat qome?

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Lucas 4:5

Ime, nache so pa'aguenataxanaxaic qaltaq ỹaviguisheguema So Jesús aso qaỹoqotcheguemec 'alhua. Nache hualec asomaye da ỹachaxana, 'enauac na 'alhuapi maye hueta'a na sallaxanecpi qataq 'añaxaicpi.

Hechos 1:2

choche ivitta'a so na'a'q co'ollaq taigue da piguem. Qaq Somaye co'ollaq saxanaxa da taigue da piguem, nache ỹachegoxotchigui So Saqcha'a Na'añaxac Qui'itta da ỹanema da lapaxaguenataxanaxac soua lamaxa'she maye lca'agui'she, dam iuen da ỹo'o't soomaye.

Hechos 11:28

Qaq huo'o so 'oonolec soomaye, le'enaxat Agabo. Somaye nachaañi co'ollaq huetaigui so nqaỹañecpi, nache So Saqcha'a Na'añaxac Qui'itta ỹa'aqtaxanaxanec somaye da huo'o qome ca lta'araic nqouaxa ana 'alhua. Qaq de'era la'aqtaxanaxac ipacchigui, huetoiguilo soua vi'iye co'ollaq lta'a na nta'alpi ye Roma so le'enaxat Claudio.

Mateo 18:19

Nataqa'en ỹataqta 'eesa da huo'otaq huo'oi caua dos da qoñiita, nagui da ñaq qoviita'a ana 'alhua da huo'otaq ỹataqta na'aqtaxaachiguilo ca iỹaxaaraique da iỹaxanot Ñim Lo'onatac 'Enauacna maye imattalecna, nache Ñimaye ỹanema caamaye ca iỹaxaatraique.

Lucas 2:1

Co'ollaq nayeeta'a da ñiguiñi So Jesús, nache so lta'a na nta'alpi le'enaxat Augusto maye netaña ye Roma, damaxasoxoolec da qaỹo'ot ca naloqnaguec na shiỹaxauapi maye ilotague' somaye.

Marcos 13:10

Cha'aye de'era no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, damaye, iuen da qaỹa'aqtaxanem 'enauac nam shiỹaxauapi maye huetalec ana 'alhua, qom saxanaxa da ivita ca loga'tna.

Hechos 17:31

Cha'aye Ñimaye mashe ỹauo'o ca 'oonolec na'a'q maye huetoigui da nmit 'enauac na lasouaxashetpi na shiỹaxauapi, ỹachegoxotchigui som 'oonolec ỹale maye Lca'aguishec. Qaq ỹoqta 'eesa da ỹo'ot de'era qome, ỹoqo'oye Ñimaye qaltaq nca'alec naqa'en co'ollaxa So Jesús.

Hechos 19:27

Qaq damaye ỹataqta huo'o da lchec, cha'aye de'era qaro'onataxanaxac ishet da nlaguiñi. Nataqa'en ñi lauo' añi ñatamnaqtacot qarate'e Artemisa, ñimaye ishet da deqat da llo'oxoyec. Huaña, nache saishet da huo'o ca 'enec qanqa'en qataq la'amaqchec añim qarate'e maye natameetacot na netaña na 'alhua Asia qataq 'enauac nam neta'alo naua lỹa't 'aleu'.

Hebreos 1:6

Qaq co'ollaq namaxalec ana 'alhua So Llalec, nache 'enapeco': «'Enauac nam ỹamaxashecpi piguem le'ecpi ỹo'oxoren qome Somaye.»

Hebreos 2:5

Ñim Lo'onatac 'Enauacna saishet da ipataxalec nam lamaxashecpi piguem le'ecpi da ilo'ogue cam 'alhua maye taỹa'a da sonaqtalec qome. Aca'aca 'alhua