Mateo 24:12 - La'aqtaqa Ñim Lo'onatac 'Enauacna 2013

¹² Qaq na shiỹaxauapi ỹataqta qauemaicpi qome, ỹoqo'oye qalota qome na ỹaxaañi da ỹauotec ca lỹa.

Nuevo Testamento Toba Sur

¹² Qataq ÿataqta qalota qome na sa ÿaÿamaxañisat, qaq ÿoqo'oyi huo'o qome na ÿaxaañi da ÿauotec ca lÿa.

Nuevo Testamento Toba Sombrero Negro

¹² Yataqachiñe jalcote da'me ja no'en qomle, qayoĝode' gaa'me naqaya' male qaya da'me loqopich'i'.

Mateo 24:12 Referans Kwoze

Apocalipsis 3:15

Aỹem saỹaten 'enauac nam 'auo'ottacpi, qataq saỹaten da saishet da imauec da Aỹem 'aualaxaguet qataq saq 'amaqtaq da 'aralaxayec. ¡Qaq 'onaxaictaxa da imauec da Aỹem 'aualaxaguet, huo'otaq imauec da saishet da Aỹem 'aualaxaguet!

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Mateo 24:11

Qataq qalota qome na nvi' maye tenataxanaxaicpi, 'eetega da la'aqtaxanaxanecpi Ñim Lo'onatac 'Enauacna, nache ỹataqta qalota qome na ỹatenachet shiỹaxauapi.

Mateo 24:13

Qalaxaye Aỹem ñeca'alaxatec 'enauac nam Aỹem quetague' qataq saishet da ỹaxanec da lpi'iỹaxac Aỹem choche ivitta'a ca loga't da nachaalataxac.

Santiago 1:21

Qaq ỹoqo'oye qaỹa'axañiiñi da qauo'ocheetac na qauem, cha'aye ỹapac mashe ỹaguec na qauem ana 'alhua. Saishet da qauo'oche da qauem; cha'aye da nache qoñiitec de'era, nache da qanachaalataxaqui nlaguiñi, 'eeta'am ca hualoq laỹe maye ltoqchet na lshepaxanaxa. Nachaqrato' da qami' huesotte' da qauacoñiiguet da la'aqtaxanaxac Ñim Lo'onatac 'Enauacna maye qami' ỹanema. De'era na'aqtaxanaxac ỹataqta huo'o da la'añaxac da qami' nca'alaxatre'c.