Mateo 24:10 - La'aqtaqa Ñim Lo'onatac 'Enauacna 2013

¹⁰ Nache qalota qome nam Aỹem ca'attague' da ỹaxanec da lpi'iỹaxac Aỹem, qataq huo'o qome ca decachiỹalec ca lỹa da sa iyacnapec, cha'aye souaxat da lquiỹaxa.

Nuevo Testamento Toba Sur

¹⁰ Nachi que'eca na'a'q ÿataqta qalota qome na ÿaxaneec da lpi'iÿaxac, nachi nquiÿa ca lÿa qataq da imenguet ca sa lataxac.

Nuevo Testamento Toba Sombrero Negro

¹⁰ Qomle gaa'me noloqo'ote qayoĝode' gaa'me nematedapec qomle da'me lepe'e', nataq'aen ja neuotena't nataq'aen onolqa'tape p'ayapega't jogaa'me.

Mateo 24:10 Referans Kwoze

Lucas 21:16

Qalaxaye qami' qoỹaareuo qome, ivira'a ca qaralamaxache qarta'ai qami' ỹaareuo, huo'otaq ca qarqaỹai, huo'otaq ca qarhuo'oi le'ec, huo'otaq ca qanauochaxauai. Qataq ivira'a da huo'oi caua qaỹalaua't da qoñiita.

Marcos 13:12

Ca nqaỹa maiche ỹaneguet da nalaataguec ca maiche lqaỹa, qataq ca nta'a ỹaneguet da nalaataguec ca maiche llalaqpi, qaq ca ñalaqpi maiche dataỹa'agueta caua lta'al, nache ỹalaua't.

Mateo 11:6

Ñim Lo'onatac 'Enauacna ỹaalec da nqouagaxa qome cam saishet da ỹaxanec Aỹem souaxat da ỹauaachigui de'era so'ottac.

Marcos 4:17

Qalaxaye saishet da ỹoqta ỹaỹateeteguet de'era na'aqtaxanaxac, nache da ntonaxac sa qaỹauec, qataq da nque'elaxatta da huo'o na ivireguet, qaltaq da sa qaiyacnapec souaxat da ỹalaxaguet Ñim Lo'onatac 'Enauacna, nache icoua'ai da na'aqtaxanaxac.

2 Timoteo 4:16

Se'eso na'a'q co'ollaq cheta'ague da so'ot so hua'auchiguiñi itaxaỹaxac da ñeueela't da sataỹa'aguet na nta'alpi maye hueta'a ye nỹecpi ye Roma, qalaq 'enauac da aỹem qaỹalata'a't, qaica ca aỹem nachaateua'a da aỹem detaqlec. Qalaxaye 'onaxaic da Ñim Lo'onatac 'Enauacna saishet da ilogui qome de'era.

Mateo 13:21

Qalaxaye souaxat da saishet da ỹoqta ỹaỹateeta de'era na'aqtaxanaxac, nache saishet da 'eetai' de'era ntonaxac. Cha'aye da huo'o da ivireguet lqalaic, huo'otaq da sa qaiyacnapec souaxat da ỹalaxaguet Ñim Lo'onatac 'Enauacna, nache saqaỹaloq da icoua'ai de'era na'aqtaxanaxac.

Mateo 10:21

Ñi 'oonolec cam nqaỹañecpi maiche ỹaneuo ca lqaỹa da qaỹalauat, qataq caua nta'al maiche ỹaneuo caua llalqa, qataq caua ñalqa iloquiaxaata'ape caua lta'al iviraxattra'a da ỹalaua't.

2 Timoteo 4:10

Cha'aye so Demas aỹem ca'ai, souaxat da lqopiche da 'onataxac lma'na, nache nqochena ye nỹecpi ye Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

2 Timoteo 1:15

Qaq 'am mashe 'auaỹateeta da na 'amqaanataxanaxaicpi maye hueta'a ye Asia aỹem ỹalat. ¡Ivira'alo soua Figelo qataq so Hermógenes aỹem no'onaxatchiguilo!

Mateo 13:57

Qaica da huo'o ca hueta'a yi'iye da huotaique da ỹaconeguet da lapaxaguenataxanaxac So Jesús. Nache Somaye, 'enapeco': «Ca la'aqtaxanaxanec Ñim Lo'onatac 'Enauacna ỹataqta huo'o naq 'enec qanqa'en 'enauac na pa'aiguelo, qalaxaye ca ỹoqta lma' qataq ca lauo' le'ecpi sa qaỹa'amaqten camaye.»

Mateo 24:11

Qataq qalota qome na nvi' maye tenataxanaxaicpi, 'eetega da la'aqtaxanaxanecpi Ñim Lo'onatac 'Enauacna, nache ỹataqta qalota qome na ỹatenachet shiỹaxauapi.