Mateo 23:8 - La'aqtaqa Ñim Lo'onatac 'Enauacna 2013

⁸ Qalaxaye qami' saishet qome da qauacheeta'a na shiỹaxauapi da qami' iỹaxanalo qalaq 'eetega qami' napaxaguenataxanaqpi. Cha'aye 'enauac da qoñiita qami' nqaỹañecpi, qaq 'oonolec na Qanapaxaguenaxala'ai.

Nuevo Testamento Toba Sur

⁸ Qalaxayi qami' sa ishit qome da qami' ÿamata'aque napaxaguenataxanaxayi na shiÿaxauapi. Cha'ayi 'enauac da qoñiita qami' nqaÿañicpi, qaq 'oonolec na qanapaxaguenaxala'ai, mayi nachina na nta'a nca'alaxaqui.

Nuevo Testamento Toba Sombrero Negro

⁸ “Qalaĝaja ami 'noota qom ja a'uamaqachiñe ta'le ami qoyiyaĝanaĝatapeque paĝaguenataĝanaĝayaqa, qa'a ena'uaque ami mach'e ami naqaya' nataq'aen onolec ñe'me Anapaĝaguenoqo't.

Mateo 23:8 Referans Kwoze

Santiago 3:1

Qami' ỹaqaỹarolqa maye sa'amaqtenaqtac So Cristo, saishet qome da 'enauac da shenaqta da ñepogoxoinaqapegue' da seviraqa'a da sapaxaguenataxanaqpec. Cha'aye Ñim Lo'onatac 'Enauacna ỹataqta sa llalcolec naqa'en ca nmitaguec qome nam dapaxaguenataxaatac, saq 'ena'am na laỹepi shiỹaxauapi.

1 Pedro 5:3

Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.

Lucas 22:32

Qalaxaye Aỹem 'am ñeqouagaxaueetapeguelec, da yaqto' saishet da saqca ca 'arpi'iỹaxac Aỹem. Qaq 'am qom ivita da Aỹem 'añe'eguelqot, nache 'autauan qome na 'arqaỹañecpi da yaqto', nache 'eetai' da lpi'iỹaxac.

Mateo 23:10

Qataq saishet qome da qauayiñi na shiỹaxauapi da yaqto' qami' ỹamata'aque da qami' nataxala'ate, cha'aye Aỹem maye Aỹem Lca'aguishec Ñim Lo'onatac 'Enauacna Aỹem 'oonolec da Qarataxala'ai.

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

Apocalipsis 22:9

Qalaxaye somaye aỹem 'enapega, 'eeta': «Saishet da nache qonetec de'era, 'avio'oxoren Ñim Lo'onatac 'Enauacna, cha'aye 'enauac qomi' lo'onataxanaxanecpi Ñimaye, 'am qataq aỹem qataq na la'aqtaxanaxanecpi, qataq 'enauac nam ỹalaxaguet da la'aqtac Ñimaye.»

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Efesios 3:15

maye lo'onatac 'enauac nam hueto'ot na piguem qataq na huetalec ana 'alhua.

2 Corintios 4:5

Qataq da sa'aqtaxanaqtac, qalaq saishet da maiche ña'aqtaxanaqtapeguela't. Chaqrata da qomi' sa'axataqtac So Jesucristo da nacheso So Qarataxala'. Qataq qami' souaqtegueto, souaxat da qarauoche So Jesucristo.

2 Corintios 1:24

Qomi' saishet da sauoqtaique da qami' sa'aqtaxanaxama cam iuen da qaua'amaqchiñi, cha'aye qami' mashe qauaỹaañita da lataxac. Nachaqrata da qomi' sauoqtaique da qami' setauana'q da yaqto' ỹataqta qauamaichiguiñi.

Mateo 26:49

Nache so Judas nquicot So Jesús, nache iquin, 'eeta': –¡La', 'am Napaxaguenataxanaq! Nache napigoxoi'.

Mateo 10:25

Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Mateo 23:7

Qataq ỹataqta ỹaỹamaxareeta da na shiỹaxauapi da huo'o naq 'enec da iquin da huaña ca menaqa', qataq da qaiỹaxana qalaq qoỹeeta' napaxaguenataxanaqpi.

Mateo 26:25

Nache so Judas, maye nacheso so ỹaneuo co'ollaxa So Jesús, nataqa'en denataxano', 'eeta': –'Am Napaxaguenataxanaq, ¿peta'a nachaỹem? Nache So Jesús 'enapeco': –Aja', nache 'am.

Marcos 9:5

Nache so Pedro 'enapego' So Jesús, 'eeta': «'Am Napaxaguenataxanaq, ¡ỹataqta ỹaỹamaqchiguiñi da nache souaqta'a ne'ena! Nache so'ota'q caua tres qaya'axaquilli', 'oonolec ñaqa'enaq ca 'arma', qataq da Moisés, qataq da Elías.»

Marcos 10:51

Nache So Jesús inattac somaye, 'eeta': –¿Negue't ca 'anshetaique da 'am so'otec? Nache se'eso qanamaic 'enapeco': –'Am Napaxaguenataxanaq, aỹem 'avi'eguelaxatem da qaltaq ñauaañi.

Marcos 11:21

Nache so Pedro tachigui lauel co'ollaxa dam huaigui so lỹa na'a'q, nache 'enapego' So Jesús, 'eeta': –'Am Napaxaguenataxanaq, ña 'aula'a aram higo lcheyec maye 'auasaxalec so qauem 'ara'aqtac caillaye, aramaye deqaqa.

Marcos 14:45

Nache so Judas nquigueua'a So Jesús, nache 'enapego', 'eeta': «¡'Am Napaxaguenataxanaq!» Nache napigoxoi'.

Juan 1:38

Qaq So Jesús co'ollaq namatapec, nache ila'agueta soomaye da nca'attrauo, nache inatta'ape, 'eeta': –¿Negue't ca qoñiitapeguec? Nache soomaye 'ena'apo': –'Am Napaxaguenataxanaq, ¿hua'ague ca qoneta'ague?

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 3:26

Nache se'esoua napaxaguenataqa nqo'ooreua'a so Juan da da'aqtaxaarem, 'eetra': –'Am Napaxaguenataxanaq, ñaq 'antoueeta'ac peta'a so ỹale maye qomi' 'aua'aqtaxaateguema, som 'am hueta'aguet so lỹa na'a'q dam lỹa le'ego aso tala Jordán, Somaye nagui dachelaxanataxaatac. Nache 'enauac na shiỹaxauapi ca'attague'.

Juan 4:31

Nache soua lapaxaguenataqa ỹoqopitaxaata'ape da nachoxoreetracot Somaye, 'eetra': –'Am Napaxaguenataxanaq, ña cara'ac 'auque'e.

Juan 6:25

Nache somayepi co'ollaq ivittague da le'ego aso lapel, nache ilalec So Jesús. Nache inattac, 'eeta': –'Am Napaxaguenataxanaq, ¿chaq lagui co'ollaxa da 'anvitta ne'ena?

Juan 9:2

Nache soua lapaxaguenataqa inatta'ape Somaye, 'eeta': –'Am Napaxaguenataxanaq, ¿chaq ta'ainco' ñi'iñi ỹale ye nacteueegue' da lqanamaxa? ¿Peta'a souaxat da huo'o ca lasouaxashe't caua lta'al, qalqo' chaq souaxat ca maiche lasouaxashet ñimaye?

Juan 11:8

Nache soua lapaxaguenataqa, 'eetegalo Somaye, 'eeta': –'Am Napaxaguenataxanaq, ñaq cheta'ague da huo'o nam judiopi maye lma' yi'iye 'alhua, nshetaique da 'am ỹalauat, da 'am ira'a na coma' qalaq ¿ta'ainco' ye qaltaq 'anshetaique da 'aỹa yemaye?

Juan 20:16

Nache So Jesús 'enapego' asomaye, 'eeta': –¡María! Nache asomaye ỹamato'ot, nache huota'ai naua la'aqtaqa na hebreo da 'enapega, 'eeta': –¡Raboni! (Damaye naigui da 'eeta': 'Am Napaxaguenataxanaq).

Filemón 1:16

Qaq nagui namaye saishet da 'arlatac. Chaqrata da 'ena'am ca 'arqaỹa maye ỹataqta 'arauotaxat, cha'aye qaica ca 'ena'am. Aỹem ỹataqta ỹauotaxat namaye, qalaxaye 'am qome ỹataqta ỹactec da 'arauoche namaye. Da 'arauotaxanaqtaic 'aue'enaxattem da 'arauoche nam lalamaxatpi So Qarataxala', cha'aye namaye saishet da 'ena'am ca camachaqca shiỹaxaua.