Mateo 23:5 - La'aqtaqa Ñim Lo'onatac 'Enauacna 2013

⁵ Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Nuevo Testamento Toba Sur

⁵ Qaq 'enauac ne'ena i'ot, cha'ayi nshitaique da na shiÿaxauapi imeteetac namayipi. Cha'ayi namayipi nqopita da ÿachitalec na latap qataq da ÿaxattagui na lhuaq naua ñiyigui'shi l'aqtaqa ñi Dios, da qoÿittalec na logodaic hualoq laÿi, qataq da ÿataqta logodaiqa naq'en naua lauoxol naua lapo'te, saq 'en'am na laÿipi shiÿaxauapi.

Nuevo Testamento Toba Sombrero Negro

⁵ Yema yauote qaedi ga'me jiyaĝadipi yec'ate'n jogaa'me. Nataq'aen 'yamaqate'n da'me yauo'oe lete' na'me laliaqa gaa'me Dios 'laqataqa qaedi yachetalo'te naa'me nepel nataq'aen naa'me loua', nataq'aen yaidiñe gaa'me leuo jo'ne yededañe naa'me la'uol.

Mateo 23:5 Referans Kwoze

Juan 12:43

qataq souaxat da namayepi nqopita da maiche ỹo'oxoreetac na 'eeta'am shiỹaxauapi, qaq saishet da ipacapegue' cam llo'oxoyec maye ỹanem Ñim Lo'onatac 'Enauacna.

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

Juan 5:44

Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Deuteronómio 6:8

Nache ne'ena nqataxacpi, 'axattchiguiñi da 'anagui na 'arhuaq qataq 'analec na 'aratap da yaqto' la'anaxat 'anqa'en,

Lucas 20:47

Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.

Deuteronómio 22:12

Qaq ca npo' maye 'anapogoña, qalaq 'auo'ot qome aca lauoxo naua cuatro laỹel.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Filipenses 1:15

Qaq 'eesa da huo'o na ỹa'axattac So Cristo, cha'aye ỹa'axattac da no'on na'axaỹaxac, cha'aye 'eesa da huotaique da detaunaxan, qataq ỹataqta ỹauotec So Cristo qataq ỹaỹaten da Ñim Lo'onatac 'Enauacna aỹem ỹanagui da ỹo'onataxanaxac da seloclec da no'on na'axaỹaxac. Qalaxaye huo'o na laỹepi da choche aỹem nallettague', souaxat da aỹem nquiỹa.

Juan 7:18

Ca shiỹaxaua da huo'otaq maiche nallegoxottela't ca ltaxaỹaxac, camaye 'eetec de'era, cha'aye nshetaique da na shiỹaxauapi ỹo'oxoren. Qalaxaye Aỹem ñeshetaique da Ñim Lo'onatac 'Enauacna maye Aỹem namaq, nacheñi Ñim talec cam llo'oxoyec maye maiche lalamaxat; qaq ỹoqo'oye Aỹem nache 'eetai' da sa'axattac ca 'eesa.

Mateo 9:20

Qaq se'eso nqa'aic maye quetegueto soomaye hueta'a aso 'alo maye mashe ivi' naua doce vi'iye da anactac na ltago'q. Qaq co'ollaq ỹauaategue So Jesús, nache asomaye deuennataxaatac, 'eeta': «Da seshet da sepoteua'a na laỹe so lapo' So Jesús, nache aỹem no'oita qome.» Huaña nache asomaye nquigueua'a So Jesús queteuo'oguet na l-laq, nache choche qapio'olec da iviraua'alo naua llaxaata so lapo' Somaye.

Proverbios 3:3

Saisheto' qome da 'aỹa'axanec da nsoxoyec, qataq da 'eesa lataxac, qataq 'auachetac qome 'eeta'am 'anqa'en aca 'arqola. Qataq 'oxotoigui da 'antoonaxac.

2 Ts 2:4

Que'eca ỹale ỹataqta npa'aguene' Ñim Lo'onatac 'Enauacna qataq ivira'a 'enauac nam qoỹanot Ñimaye. Ivira'a da naña naqa'en ca nso'onqa' añi no'onaxanaxaqui late'erai da qaỹo'oxoren Ñim Lo'onatac 'Enauacna, qataq camaye huotaique da qanatameetacot da 'ena'am Ñim Lo'onatac 'Enauacna.

2 Reyes 10:16

nache 'eeta': Ñaq aỹem 'auca'ategue, yaqto' 'auauaachigui da ỹataqta seca'alaxaalec Ñim Nataxala'. Huaña nache inotaxanaxangui aso laigona nache ỹauec.

Deuteronómio 11:18

Qataq ỹataqta qauachiỹaiguilo naua qarquiyaqchilli', qataq da qantoonaxaqui naua ỹa'aqtaqa, qataq 'eeta'am qanqa'eñi ca la'anaxat da qaucoñiyiitaguilo naua qarhuaxayilli', qataq naua qarata'apilli'.

Levítico 13:32

Nache da inoxoorec caua siete na'axa'te, nache ca ntaxaỹaxanaxanec ỹoltaq imeten aca nhueta, qaq da saishet da nquictauec, qataq saishet da coxongui, qataq saishet da qovialec na laue,