Mateo 23:34 - La'aqtaqa Ñim Lo'onatac 'Enauacna 2013

³⁴ Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Nuevo Testamento Toba Sur

³⁴ Qaq ÿoqo'oyi aÿim ñamaq qome ca i'aqtaxanaxanecpi qataq ca ÿajnaxanaxaicpi qataq ca napaxaguenataxanaqpi. Qalaxayi qami' qome huo'o na qaualauachi qataq qauaxañiiguet ca npe'enaxaqui, qataq huo'o qome na qauaxañiitac da huaigui ana qalaponaxaquiipi, qataq huo'o na qaucañiÿa'alo naua lÿa't puebloyi.

Nuevo Testamento Toba Sombrero Negro

³⁴ Jouaĝat da'me dojo' nayi ami ñamaĝalo daa'me Dios 'laqataĝanaĝanaqa 'me yatenaĝanaĝayaqa nataq'aen paĝaguenataĝanaĝayaqa. Qalaĝaja ami aualachi' qomle nataq'aen uo'oe gaa'me auep'eñiyajeguem, gaa'me laqaya' a'uaĝañe'tape da'me uetauelo gaa'me ademaĝaiqui', nataq'aen laqaya' yapiyetapegouelo gaa'me noyaqa da'me auecaañi'tape.

Mateo 23:34 Referans Kwoze

Mateo 13:52

Nache Somaye 'enapeco': –'Enauac nam dapaxaguenataxaatapeguec na namaxasoxonaxacpi maye chegoqo'ot so Moisés da huo'otaq taigui nam napaxagueetega da lo'onataxanaxac Ñim Lo'onatac 'Enauacna, nache namayepi 'eeta'am ca ỹale da nqo'ona ca lma', nache nqatec na dalaxaicolec qataq nam togoshec logoxoshet.

Colosenses 1:28

Qaq qomi' nacheso So Cristo sa'axataqtac, qataq ỹataqta ñaỹaanaxanaqchenaq da seqataqtega 'enauac na shiỹaxauapi, qataq sapaxaguenaqtac 'enauac, da yaqto' ñi 'oonolec ivira'a da nalochiguiñi da lataxac, 'eeta'am So Cristo.

Hechos 13:1

Qaq nam ỹa'amaqten So Jesús maye netaña ye nỹecpi ye Antioquía huo'oi soua la'aqtaxanaxanaqa Ñim Lo'onatac 'Enauacna, qataq huo'oi soua dapaxaguenataxaata'ape. Qaq naua le'enaqa'ate soomaye Bernabé, qataq so Simón (da lỹa le'enaxat Hueraic), qataq so Lucio, maye lma' ye nỹecpi ye Cirene, qataq so Menahem (som nacta'ai' co'ollaxa so nta'a Herodes maye ilotague' ye 'alhua Galilea), qataq so Saulo.

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Hebreos 11:37

Qataq huo'o na qaỹalauat, qaira'a na coma'. Qataq huo'o na qaichiigui na lasot, qairota'a na nchegaxanaxat, huo'otaq da qaỹalauat qalaq qairota'a na ỹeelonec. Qataq huo'o na chochaq tateua'alo da 'eettac, ỹaatrañi naua alogo maye lo'oc ana qagueta qataq na quetaq, cha'aye ỹataqta choxoraq qataq daquicotac cha'aye saishet da qaiyacnapec.

1 Corintios 3:10

Qaq aỹem sheeta'am ca ilotague' ca nỹec lo'opi, cha'aye Ñim Lo'onatac 'Enauacna aỹem ỹanem da llapaxañi so no'oxonaxala' ca nỹec. Qaq na ỹaỹepi qalaq no'oxootapiguisheguem somaye. Qalaxaye ñi 'oonolec iuen da ilotelec da lataxac ca lo'onataxanaxac.

1 Corintios 2:6

'Eesa da nataqa'en qomi' setaxasoxoiguilo naua na'aqtaqa ỹaanaxanaxaiqa, qalaxaye seuenaq naamaye da sa'aqtaxanaxam nam mashe ỹe da lpi'iỹaxac. Qaq de'era naỹaanec saishet da lma'na, qataq saishet da chegoqo'ot na nta'alpi maye huetalecna, nam taỹa'a da imeuo.

Hechos 15:32

Cha'aye som Judas qataq so Silas, soomaye nataqa'en la'aqtaxanaxanaqa Ñim Lo'onatac 'Enauacna. Nache soomaye ỹa'añaqche't qataq huaqattrega so nqaỹañecpi maye ỹa'amaqten So Jesús, ỹataqta lta'araic da lqataxa'c.

Hechos 14:19

Qalaxaye huo'oi soua nvildeuo judío lashe', chegoqra'ague da Antioquía qataq da Iconio. Nache soomaye ỹañoxo't da ỹayen so shiỹaxauapi, da yaqto' qanpa'aguene' so Pablo. Nache somayepi ỹasaq na coma' somaye, nache co'ollaq qaipettega da mashe ileu, nache qaỹauogonnaueegue da laỹe so nỹecpi.

Hechos 12:2

Nache qaỹalauat so Santiago som lqaỹa so Juan, qairolec na ỹeelonec.

Hechos 11:27

Qaq se'esoua na'axa'te huo'oi soua la'aqtaxanaxanaqa Ñim Lo'onatac 'Enauacna chegoqraña ye Jerusalén da nqo'oora ye nỹecpi ye Antioquía.

Hechos 5:40

Nache 'enauac somayepi ỹaỹamaxareeta da 'enapec so Gamaliel. Nache qaiỹaxaneugalo soua Jesús lamaxa'she, nache qaỹalasheeta'ape qataq qoỹeetegalo da saishet da ỹa'axattrac da na'aqtaguec So Jesús. Ime, nache qaisore'c.

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Proverbios 11:30

Da ỹaỹamaqchiguiñi lataxac chegaqaigui da achaalataxac, qaq da loquiaxac qalaq ilaxachigui da achaalataxac.

1 Ts 2:16

Qaq ỹoqo'oye naxa da sauoqtaique da sa'aqtaxanaxam na saq judiopi, da yaqto' ivirauga nataqa'en da qanca'alaxatec, qaq namayepi qomi' sa ỹashenema da shenaqtapeguec. Qaq de'era 'eetec namayepi maiche nquigaxattauec da lasouaxashet. Qaq ỹoqo'oye nagui namayepi talec qome da saqca ca 'ena'am nhuaxanaguec maye chegoqo'ot Ñim Lo'onatac 'Enauacna.

2 Crónicas 24:21

Qalaxaye somayepi dataỹa'aguet co'ollaxa so Zacarías, qaq cha'aye so nta'a damaxasoxoolec, nache somayepi ỹalauat somaye irota'a so coma', huaña ye nqasoxoc aso atamnaxaqui maye lalamaqte Ñim Nataxala'.

Jeremías 26:8

Qaq somaye co'ollaq ime da ỹa'axat dam ỹamaxalec Ñim Nataxala', nache so ntaxaỹaxanaxanecpi qataq so na'aqtaxanaxanecpi qataq 'enauac so nhuo' le'ecpi, ỹaconeua'a somaye nache 'enapega, 'eeta': «¡'Am 'aleu qome!

Jeremías 36:26

nacherata da ỹamaq so Jerahmeel, maye maiche llalec, qataq so Seraías som llalec so Azriel, qataq so Selemías som llalec so Abdel, da yaqto' ỹacooreua'a so Jeremías, qataq so leraxanaxanec Baruc. Qalaxaye Ñim Nataxala' ỹoxooyiñi soomaye.

Mateo 23:31

Qalaxaye da qarataxaqui ỹoqta 'eesa da 'eeta'am somayepi.

2 Reyes 21:10

Qaq ỹoqo'oye Ñim Nataxala', ỹachegoxotchigui co'ollaxa so la'aqtaxanaxanecpi maye lamaxashecpi da detaqa, 'eeta':