Mateo 23:23 - La'aqtaqa Ñim Lo'onatac 'Enauacna 2013

²³ ¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi qataq qami' fariseopi maye qoñiitega da qami' 'eesora! ¡Qami' tenataxanaxaicpi! Ỹataqta huo'o da qanpogoxoinaxaqui da qaỹa'añiiuo da qarachetaqtaxanaqche añi 'oonole laue ana diez ana nalecnaxanaqte maye le'enaxat menta, qataq anís, qataq ana comino maye qa'añiguishe, qalaxaye qami' saishet da qaualaqaigueta naua lapaxaguenataxanaxaco nam nqataxacpi maye ỹoqta iue'n da qaỹalaxaleguete maye, 'eeta': da no'on nataxac, qataq da qaichoxoren ca nỹa, qataq da qaỹalaxaguet Ñim Lo'onatac 'Enauacna. Qaq ne'enaua tres nachenaua naua iue'n da ỹataqta qaỹo'o't, qalaxaye saishet da nache sa qaỹalaxalec na laỹepi namaxasoxonaxacpi.

Nuevo Testamento Toba Sur

²³ ¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Qami' qai'añiitacot ñi Dios añi 'oonole laue ana diez ana nalecnaxanaqte mayi l'enaxat menta, qataq anís, qataq ana comino, qalaxayi qami' sa ishit da qaualaqaileguete naua lapaxaguenataxanaxaco nam nqataxacpi mayi ÿoqta iue'n da qaÿalaxalguete, mayi 'eeta': da no'on nataxac, qataq da nchoxonnataxanaxac, qataq da npi'iÿaxac. Qaq 'enauáctaxa naua qau'ochi', qataq sa ishit da qan'onaxachiÿañi na laÿipi.

Nuevo Testamento Toba Sombrero Negro

²³ “¡Degueja da'me adachoĝodequi qomle ami judiopi napaĝaguenoqo'tpi nataq'aen fariseopi! Ami jo'ne ja ami 'te ejoda, jo'ne aviyochiya'a jaga'me onole jaga'me nalequetenaĝanaqate 'me lenaĝat menta qaedi auañem ñe'me Dios, nach'e ena'am ga'me anís nataq'aen ga'me comino, qalaĝaja ja auoqochiyalo daa'me napaĝaguenataĝanaĝaco 'me yataqachiñe p'ajodaye da'me namaĝajoĝonaĝaco. 'Noota qom auayachiñe joda'me yataqatelegue, nataq'aen joda'me nichoĝodenataĝanaĝac, nataq'aen joda'me nepe'e. Daajo' 'noota qom nach'edaua auauoyi, mate mane'e ja aĝañiñi da'me auauoyi gaa'me namaĝajoĝonaĝaco laqaya'.

Mateo 23:23 Referans Kwoze

Lucas 11:42

¡Ỹataqta qauem da qa'aita'ague! Cha'aye ỹataqta lta'araic da qarhuogoqoi da qaỹa'añiỹot Ñim Lo'onatac 'Enauacna añi 'oonole ana diez anam qa'añiguishe maye huo'o ana ala, qataq na menta qataq ana ruda maye qanqache da qauachegoxochiỹalec na qa'anaxanaqa'ai. Qalaxaye qami' saishet da no'on da qarataxaqui da qoñiitaigui na shiỹaxauapi, qataq saishet da qauauochec Ñim Lo'onatac 'Enauacna. Qaỹa'añim Ñim Lo'onatac 'Enauacna añi 'oonole ana diez 'enauac ana qarachetaqtaxanaqche, qalaxaye iuen da saishet da qaỹa'axañiiuec da qarauotaxanaqtaiqui Ñim Lo'onatac 'Enauacna qataq da no'on qarataxaqui.

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Oseas 6:6

Cha'aye aỹem ñeshetaique da aỹem qauauochec, qaq saishet da nachena nam qarachetaqtaxanaxache da ñeshetaique da aỹem qandoitapegueua'a. Qataq ñeshetaique da aỹem qauauattoñi da aỹem Qanatamnaxala'ai, qaq saishet da choche aỹem qaỹa'añeetacot anam nachetaqtaxanaqte qaỹavigaxatta.

Mateo 9:13

'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Proverbios 21:3

Da qaỹo'ot ca no'on qataq ca nalochiguiñi lataxac, qalaq ỹaỹamaxareeta Ñim Lo'onatac 'Enauacna, qaq saq 'ena'am da qoỹaatapegueuo ana nachetaqtaxanaqtepi.

Levítico 27:30

Qaq aca diezmo maye chegaqaigui ca nañiguishec, qataq aca ala aca qo'oipaq maye ishet da qanallec, acamaye qaiỹotauga, cha'aye lalamaqte Ñim Nataxala'.

Lucas 18:12

Aỹem dos da she'eguelaxalec da ñeqouaqcheela't naua siete na'axa'te, qataq aỹem seỹotauga ana ñediezmo maye ỹaueque da 'Am sanot.›

Mateo 12:7

Qami' saishet da qauaỹachiñi cam naiguilo naua ñiyigui'she la'aqtaqa Ñim Lo'onatac 'Enauacna maye, 'eeta': «Aỹem ñeshetaique da qami' qauchoxonnataxañi, qaq saishet da nachera da qaỹa'añiiuo da qaỹavigaxat ca shiguiỹac da qarachetaqtaxanaqche.» Cha'aye da qami' qauaỹaañita de'era, qaq saishettaxa da qauauo'oi ca lasouaxashet cam qaica ca ỹasouaxat.

Isaías 28:25

¿Qaq peta'a saq 'eno' naxa da ime da naloqchiiñi ca lanaxanaqa', nache ilagaxaalec ana lañiguishe maye ala na eneldo qataq na comino, qaq da ime nache ỹashectrec naqa'en naua lleco da ỹaañi na trigo, qaq naua loiguiye ca lanaxanaqa' qalaq ỹaalec na cebada qataq na centeno?

Jeremías 22:3

Qauo'oche qome da nalochiguiñi lataxac, qataq da no'on lataxac da qoñiitaña ne'ena nma', qausoiuec qome nam qaicoñettai', qataq saishet da qaica ca 'enec qanqa'eñi qataq da saqauyacñiỹapec nam chegaqauecpi, na saploqpi qataq ana pa'aipi. Qataq saishet da qaualauache cam chegaqauec shiỹaxaua da huaña ne'ena nma'.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.